بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.12.17 15:26 كەلۋ قاينارى : حالىق تورابى
تيانشان تورى – شينجياڭ گازەتىنىڭ ءتىلشىسى جاۋ يۋە حابارلايدى. وتباسىندا 3 جاستان تومەنگى بالاسى بار اتا – انالار نازار اۋدارىڭىزدار! 2025 – جىلعى بالا باعۋ قوسىمشا قاراجاتىن الۋ ۋاقىتى 12 – ايدىڭ 31 – كۇنى اياقتايدى، بۇل قوسىمشا قاراجاتتى بيىل ءالى الماعان اتا – انالار ۋاقىتتى وتكىزىپ الماڭىزدار.
«بالا باعۋ قوسىمشا قاراجاتى ءتۇزىمىن اتقارۋ جوباسى» مەن «بالا باعۋ قوسىمشا قاراجاتى ءتۇزىمىن باسقارۋ ولشەمىنە (سىناق رەتىندە اتقارىلادى)» ساي، بالا باعۋ قوسىمشا قاراجاتى جىل بويىنشا تاراتىلادى، ءار بالاعا جىلىنا 3600 يۋان بەرىلەدى. بالا باعۋ قوسىمشا قاراجاتى بەرىلەتىن وبيەكتىلەر: 2025 – جىلى 1 – ايدىڭ 1 – كۇنىنەن باستاپ، زاڭ – ەرەجەلەرگە ساي بوسانۋ نەمەسە باعىپ الۋ جولىمەن 3 جاستان تومەنگى بالا باعىپ وتىرعان وتباسىلاردا بالانىڭ اتا – اناسىنىڭ بىرەۋىنىڭ نەمەسە باسقا دا قامقورشىسىنىڭ (بالالارعا قامقورلىق جاساۋ قۇرىلىمدارى قامتىلادى) ءوتىنىش بەرۋىنە بولادى. بالا باعۋ قوسىمشا قاراجاتىنا ءوتىنىش بەرۋ جىل بويىنشا ورىستەتىلەدى، قوسىمشا قاراجات ءوتىنىش بەرۋ جاعدايىنا قاراي تاراتىلادى. ۋاقىتى ءوتىپ كەتسە دە ءوتىنىش تاپسىرماعاندار سول جىلعى ءوتىنىش بەرۋ تولىمدىلىعىنان وزدىگىنەن باس تارتقان سانالادى.
بيىل 9 – ايدا، شينجياڭدا جەر – جەردە بالا باعۋ قوسىمشا قاراجاتىن الۋعا ينتەرنەت ارقىلى جانە ينتەرنەتتەن تىس جولمەن ءوتىنىش بەرۋ جانە ونى الۋ جالپى بەتتىك ورىستەتىلىپ، تەكسەرۋ قىزمەتى رەسمي باستالعان. ءوتىنىش بەرۋشىلەر بالا باعۋ قوسىمشا قاراجاتىنا قاتىستى ينفورماتسيالاردى باسقارۋ جۇيەسىنەن پايدالانىپ، ينتەرنەت ارقىلى ءوتىنىش تاپسىرۋىنا بولادى، بالانىڭ نوپوسى تۇرعان جەردەگى قالا – قالاشىقتىق ۇكىمەتكە تىكەلەي (ءمالى باسقارماسىنا) بارىپ بىتىرۋىنە دە بولادى.
كەلۋ قاينارى: حالىق تورابى
