شينجياڭنىڭ ءبىر جەرىندە پارتيا – ۇكىمەت ورگاندارىنىڭ ءبىر ءبولىم اۆتوموبيل توقتاتۋ الاڭى ۋاقىت كەزەڭى بويىنشا جۇرتشىلىققا تەگىن اشىلدى 

جۋىردا قۇمىل قالاسى قالاعا توتە قاراستى ورگانداردىڭ ىشىندەگى اۋلاسى بار ورگانداردان 18 ورگاننىڭ قىزمەت رايونىنداعى اۆتوموبيل توقتاتۋ ورنىنان 1500 دەن استام ورنىن ۋاقىت كەزەڭى بويىنشا قوعامداعى جۇرتشىلىققا تەگىن تۇردە اشىق ۇستاعان.

ناقتى ۋاقىتى مىناداي:

قىس مەزگىلىندەگى قىزمەت كۇنىندە ساعات 20:00 دان كەلەسى كۇنى ساعات 8:30 عا دەيىن، جاز مەزگىلىندەگى قىزمەت كۇنى ساعات 20:30 دان كەلەسى كۇنى ساعات 8:30 عا دەيىن، قىزمەت ۋاقىتىنان باسقا ۋاقىتتا، اپتا سوڭىنداعى دەمالىستا، زاڭدا بەلگىلەنگەن مەرەكەلىك دەمالىستاردا كۇنى بويى اشىق ۇستالادى.

مۇنان سىرت، وقۋشىلار مەكتەپتەن قايتاتىن ۋاقىتتا، ءبىر ءبولىم ورگانداردىڭ اۆتوموبيل توقتاتۋ ورىندارى شەكتى مەرزىم ىشىندە اشىق ۇستالادى. تەگىن توقتاتۋعا بولاتىن اۆتوموبيل تيپتەرى: 7 ورىندىقتىدان تومەن (7 ورىندىقتى اۆتوموبيلدى قامتيدى)، كۋالىكتەرى تولىق شاعىن تيپتەگى تيجاراتقا قولدانىلمايتىن اۆتوموبيلدەر.

ناقتى اشىق ۇستالاتىن اۆتوموبيل توقتاتۋ ورىندارىنىڭ ينفورماتسياسى مىناداي:

ەگەر اشىق ۇستاۋ شارتىنا ساي كەلەتىن ورىندار اۆتوموبيلدى تەگىن توقتاتۋدان ۇيلەسىمدى سەبەپسىز باس تارتسا نەمەسە باسقارۋ – قىزمەت وتەۋ جاعىندا ماسەلە بايقالسا، 0902-2237112 تەلەفونىنا حابارلاسىپ، قۇمىل قالالىق ورگان ىستەرىن باسقارۋ مەكەمەسى ارتقى شەپ قىزمەت وتەۋ ورتالىعى كەڭسەسىنە تەلەفون سوعىپ، باقىلاۋ سيپاتىندا اشكەرەلەۋىڭىزگە بولادى.

كەلۋ قاينارى: حالىق تورابى