نيگەريانىڭ مەكتەپ اۋلاسىندا تۋىلعان شابۋىلداۋ وقيعاسىندا بارىمتالانعان وقىتۋشى ـ وقۋشىلار تۇگەلدەي بوساتىلدى

شينحۋا اگەنتتىگىنىڭ 12 – ايدىڭ 21 - كۇنى ابۋجادان بەرگەن حابارى. نيگەريا زۇڭتۇڭىنىڭ مالىمدەمەشىسى سىندي داير 12 – ايدىڭ 21 – كۇنى بىلاي دەدى: الدىڭعى ايدا وسى ەلدىڭ ورتا - سولتۇستىك بولىگىندەگى نيگەر شتاتىنداعى مەكتەپ اۋلاسىندا تۋىلعان شابۋىلداۋ وقيعاسىندا بارىمتالانعان وقىتۋشى ـ وقۋشىلار تۇگەلدەي بوساتىلدى.

داير قوعامدىق قارىم - قاتىناس مەديالارىنا بوساتىلعان وقۋشىلاردىڭ سۋرەتىن جولدادى ءارى نيگەر شتاتىندا بارىمتالانعان 130 وقۋشى بوساتىلدى، قازىر بارىمتالانعان ادام قالمادى دەپ جازدى.

11 – ايدىڭ 17 – كۇنىنەن 21 – كۇنىنە دەيىن نيگەريانىڭ باتىس سولتۇستىك بولىگى مەن ورتا - سولتۇستىك بولىگى قاتارلى جەرلەردە ارت - ارتىنان بارىمتالاۋ وقيعاسى تۋىلدى. سول ايدىڭ 21 – كۇنى نيگەر شتاتىنىڭ اگۋارا رايونىنداعى ءبىر مەكتەپ سالاۋاتى بەلگىسىز قارۋلى ادامداردىڭ شابۋىلىنا ۇشىراپ، 300 دەن استام وقۋشى مەن وقىتۋشى - قىزمەتكەر بارىمتالاندى. بۇل نيگەريانىڭ تاياۋ جىلداردان بەرى زيانكەستىككە ۇشىراعان ادام سانى ەڭ كوپ بارىمتالاۋ دەلوسىنىڭ ءبىرى. نيگەريا حاۋىپسىزدىك قوسىنى ۇزدىكسىز ارەكەت ورىستەتىپ، توپقا ءبولىپ قۇتقاردى. شامامەن 50 وقۋشى ۋاقيعا تۋىلعان ەكى كۇن ىشىندە ارت - ارتىنان قاشىپ شىققان. وسى ايدىڭ باس شەنىندە نيگەريا ۇكىمەتى از دەگەندە بارىمتالانعان 100 وقۋشىنىڭ قۇتقارىلعاندىعىن جاريالادى.

نيگەريانىڭ باتىس سولتۇستىك بولىگى مەن ورتا بولىگىندە زاڭسىز قارۋلى ادامدار حالىقتىڭ قورا - جايىن ۇنەمى تالان-تاراجىلاپ، مال ۇرلاپ، بارىمتالاپ، تولەم اقشا الادى. ۇشقارى ۇيىمدار دا وسى وڭىردە كۇشەيىپ، ءجيى لاڭكەستىك شابۋىل تۋدىرىپ، قىرۋار ادام قازا بولعان جانە جارالانعان جانە مال - مۇلىك زيانعا ۇشىراعان.