حالىق اقشاسىمەن ناق اقشا كۇيىندە اقى الۋ – اقى تولەۋ جونىندە جاڭا بەلگىلەمە شىعارىلدى

ءتىلشىنىڭ جۇڭگو حالىق بانكەسىنەن ۇعىسۋىنشا، جۋىردا جۇڭگو حالىق بانكەسى مەملەكەتتىك دامۋ – رەفورما كوميتەتىمەن، فينانستى باقىلاۋ – باسقارۋ باس مەڭگەرمەسىمەن بىرگە «حالىق اقشاسىمەن ناق اقشا كۇيىندە اقى الۋ – اقى تولەۋ جانە قىزمەت وتەۋ جونىندەگى بەلگىلەمەنى» جاساپ، حالىق اقشاسىنىڭ زاڭدى ۆاليۋتا ورنىن شىنايى قورعاپ، حالىق اقشاسىمەن ناق اقشا كۇيىندە اقى الۋدان باس تارتۋ ارەكەتىنەن ساقتانعان جانە ونى جونگە سالعان، قوعامداعى جۇرتشىلىقتىڭ اقى تولەۋ جاعىندا الۋان ءتۇرلى قىزمەت وتەۋدەن يگىلىكتەنۋ قاجەتىن قاناعاتتاندىرىپ، كوپ نەگىزدەنگەن اقى تولەۋ تاسىلدەرىنىڭ ورتا دامۋى شارتىندا ناق اقشانىڭ قولايلى اينالىمعا ءتۇسۋ ورتاسىن قالىپتاستىرعان.

ناق اقشا بويىنشا اقى تولەۋ كەدەرگىگە ۇشىراعان كەزدە قالاي ءبىر جاقتى ەتۋگە بولادى؟

ناق اقشا بويىنشا اقى تولەۋ قولايسىز بولعان، كەدەرگىگە ۇشىراعان جاعدايدا، اقى الاتىن ورىنمەن، تيجارات تۇلعاسىمەن جاراسىمدىلىقپەن كەڭەسۋ ارقىلى داۋ - شاردى شەشىم ەتىپ، ۇقىقتى دۇرىس جولمەن قورعاۋعا بولادى. ناق اقشانى قابىلداۋدان باس تارتۋ جاعدايىنا نەمەسە الالاۋ شاراسىن قولدانىپ، ناق اقشانى شەتكە قاعۋ جاعدايىنا جولىققاندا، سايكەستى ىسپاتتار مەن دەرەكتەردى ۇيلەسىمدى ساقتاپ، قالالىق اكىمشىلىك ىستەر توتە لەنياسى، تۇتىنۋشىلاردىڭ ۇقىق – مۇددەسىن قورعاۋ، فينانستىق تۇتىنۋعا ساياتىن ۇقىق – مۇددەنى قورعاۋ قاتارلى ءتۇرلى ارنالار ارقىلى شاعىمدانۋعا، اشكەرەلەۋگە بولادى، جۇڭگو حالىق بانكەسى قاتىستى تاراۋلارمەن بىرگە دەر كەزىندە ءبىر جاقتى ەتەدى.

كەلۋ قاينارى: حالىق تورابى