ورتالىق بانكە سەنىمدىلىكتى ءبىر رەتتىك قالپىنا كەلتىرۋ ساياساتىن جاريالادى 

جۇڭگو حالىق بانكەسى 12 – ايدىڭ 22 – كۇنى سەنىمدىلىكتى ءبىر رەتتىك قالپىنا كەلتىرۋ ساياساتىنا قاتىستى ورنالاستىرۋ جونىندەگى ۇقتىرۋدى جاريالادى.

ۇقتىرۋدا مىنالار اتاپ كورسەتىلگەن: 2020 – جىلى 1 – ايدىڭ 1 – كۇنىنەن 2025 – جىلى 12 – ايدىڭ 31 – كۇنىنە دەيىنگى ارالىقتا جەكەلەر ءبىر رەتتە سوماسى حالىق اقشاسى بويىنشا 10000 يۋاننان تومەن قارىز الىپ، قارىزدى ۋاقىتىندا قايتارماعان بولسا ءارى ۋاقىتىندا قايتارىلماعان قارىزدى 2026 – جىلى 3 – ايدىڭ 31 – كۇنىنەن بۇرىن (3 – ايدىڭ 31 – كۇنىن قامتيدى) تولىعىمەن قايتارىپ بولسا، فينانستىق سەنىمدىلىك ينفورماتسياسى نەگىزدىك ساندى مالىمەت قامباسىندا جاريالانبايدى.

مۇنىڭ ىشىندە، جەكەلەر ۋاقىتىندا قايتارىلماعان قارىز اقشانى 2025 – جىلى 11 – ايدىڭ 30 – كۇنىنەن بۇرىن (11 – ايدىڭ 30 – كۇنىن قامتيدى) تولىعىمەن قايتارىپ بولسا، فينانستىق سەنىمدىلىك ينفورماتسياسى نەگىزدىك ساندى مالىمەت قامباسى ۋاقىتىندا قايتارىلماعان قارىزعا قاتىستى ينفورماتسيالاردى 2026 – جىلى 1 – ايدىڭ 1 – كۇنىنەن باستاپ جاريالامايدى؛ جەكەلەر ۋاقىتىندا قايتارىلماعان قارىزدى 2025 – جىلى 12 – ايدىڭ 1 – كۇنىنەن 2026 – جىلى 3 – ايدىڭ 31 – كۇنىنە دەيىنگى ارالىقتا تولىعىمەن قايتارىپ بولسا، فينانستىق سەنىمدىلىك ينفورماتسياسى نەگىزدىك ساندى مالىمەت قامباسى ۋاقىتىندا قايتارىلماعان قارىزعا قاتىستى ينفورماتسيالاردى كەلەسى ايدىڭ سوڭىنان باستاپ جاريالامايدى.

جۇڭگو حالىق بانكەسى مىنانى ءبىلدىردى: سەنىمدىلىكتى ءبىر رەتتىك قالپىنا كەلتىرۋ ساياساتىن اتقارۋدا، باستىسى، ءتورت ءتۇرلى جاقتاعى شارتقا ساي كەلۋى كەرەك، بىرىنشىدەن، بۇل ساياسات جەكەلەردىڭ فينانستىق سەنىمدىلىك ينفورماتسياسى نەگىزدىك ساندى مالىمەت قامباسىندا (اتاپ ايتقاندا، جۇڭگو حالىق بانكەسىنىڭ سەنىمدىلىك جۇيەسى) جاريالانعان ۋاقىتىندا قايتارىلماعان قارىز اقشالارعا قاتىستى ينفورماتسيالارمەن شەكتەلەدى؛ ەكىنشىدەن، ساياسات قولدانىلاتىن ۋاقىت ارالىعىنا توقتالساق، ۋاقىتىندا قايتارىلماعان قارىزعا قاتىستى ينفورماتسيالار 2020 – جىلى 1 – ايدىڭ 1 – كۇنىنەن 2025 – جىلى 12 – ايدىڭ 31 – كۇنىنە دەيىنگى ارالىقتا تۋىنداعان بولۋى تالاپ ەتىلەدى؛ ۇشىنشىدەن، ساياسات قولدانىلاتىن قاراجات سوماسى جونىندە ايتساق، ءبىر رەتتە العان قارىزدىڭ ۋاقىتىندا قايتارىلماعان بولىگى 10 مىڭ يۋاننان اسپاۋى كەرەك؛ تورتىنشىدەن، ساياساتتى قولدانۋدىڭ العى شارتى — جەكەلەر ۋاقىتىندا قايتارىلماعان قارىزدى 2026 – جىلى 3 – ايدىڭ 31 – كۇنىنەن بۇرىن (3 – ايدىڭ 31 – كۇنىن قامتيدى) تولىق قايتارىپ بولۋى قاجەت. جوعارىداعى شارتتارعا ۇيلەسەتىن ۋاقىتىندا قايتارىلماعان قارىزدارعا قاتىستى ينفورماتسيالار جاريالانبايدى.

مۇنان سىرت، ءتىلشىنىڭ ۇعىسۋىنشا، سەنىمدىلىكتى ءبىر رەتتىك قالپىنا كەلتىرۋ ساياساتىن اتقارۋدا ”ءوتىنىش بەرمەي – اق يگىلىكتەنۋ“ شاراسى قولدانىلادى، جەكەلەردىڭ ءوتىنىش بەرۋىنىڭ نەمەسە ءمالىم جۇمىستاردى ورىنداۋىنىڭ قاجەتى جوق، ىسپات ماتەريالدارىن تاپسىرۋى دا قاجەتسىز، جۇڭگو حالىق بانكەسىنىڭ سەنىمدىلىك جۇيەسى ۋاقىتىندا قايتارىلماعان قارىزدارعا قاتىستى ينفورماتسيالاردىڭ ىشىندەگى شارتقا ساي كەلگەن ينفورماتسيالاردى اۆتوماتتى تۇردە تانيدى ءارى ءبىر تۇتاس ءبىر جاقتى ەتەدى. سەنىمدىلىكتى ءبىر رەتتىك قالپىنا كەلتىرۋ ساياساتى اتقارىلعان سوڭ، ۋاقىتىندا قايتارىلماعان قارىز ينفورماتسياسىنا قاتىستى جەكەلىك سەنىمدىلىك مالىمەتىندەگى ”قارىز قايتارۋ جاعدايى“ جانە ”ۋاقىتىندا قايتارىلماعان قارىز سوماسى“ سىندى ەكى ورىنداعى ساندى مالىمەت رەتتەلەدى. مۇنىڭ ىشىندە، ”قارىز قايتارۋ جاعدايى“ دەگەن ورىنداعى ۋاقىتىندا قايتارىلماعانىن بىلدىرەتىن بەلگى قالىپتى جاعدايدى بىلدىرەتىن بەلگىگە وزگەرتىلەدى، ”ۋاقىتىندا قايتارىلماعان قارىز سوماسى“ دەگەن ورىنداعى 10 مىڭ يۋاننان تومەنگى ”نولگە تەڭ بولماعان“ سان ”0“ بولىپ وزگەرتىلەدى؛ سايكەستى رەتتەۋلەر جەكەلىك سەنىمدىلىك مالىمەتىندەگى ”ينفورماتسيانىڭ جالپى مازمۇنى“ جانە ”قارىز الۋ جانە ايىرباس ينفورماتسياسىنىڭ ەگجەي – تەگجەيى“ دەگەن ورىندا ءبىر ۋاقىتتا كورسەتىلەدى.

جۇڭگو حالىق بانكەسى مىنانى ءبىلدىردى: سەنىمدىلىكتى ءبىر رەتتىك قالپىنا كەلتىرۋ ساياساتىن اتقارۋ بارىسىندا ەشقانداي اقى الىنبايدى، ءۇشىنشى جاقتىڭ ۋاكىلدىك قىزمەت وتەۋىنىڭ قاجەتى جوق، وسى ساياساتتى جەلەۋ ەتىپ اقى الماق بولعان، قاتىستى ينفورماتسيالاردى سۇراعان جاعدايلاردىڭ بارلىعى الدامكوستىك ارەكەت سانالادى؛ ەگەر زاڭ – ەرەجەگە قايشى قاتىستى دەرەكتەر بايقالسا، جۇڭگو حالىق بانكەسىنە نەمەسە ونىڭ بولىمشە قۇرىلىمدارىنا اڭىس ەتۋىڭىزگە نەمەسە جەرگىلىكتى ورىنداعى قوعام حاۋىپسىزدىگى ورگاندارىنا دەلو مالىمدەۋىڭىزگە بولادى.

كەلۋ قاينارى: حالىق تورابى