بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.01.14 16:41 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شۇي جيڭ 1 – ايدىڭ 13 – كۇنى نيۋ – يوركتەن حابارلايدى. دۇنيە جۇزىلىك بانكە 1 – ايدىڭ 13 – كۇنگى ەڭ جاڭا سانىندا «دۇنيە ءجۇزى ەكونوميكاسىنا نازار» مالىمەتىن جاريالاپ، دۇنيە جۇزىلىك ەكونوميكانىڭ 2026 – جىلعى ارتۋ مولشەرى تۋرالى بولجامدى %2.6 كە جوعارىلاتتى، بۇل 2025 – جىلى 6 – ايدا جاساعان بولجامنان 0.2 پايىز جوعارى بولدى.
مالىمەتتە مىنالار اتاپ كورسەتىلگەن: ساۋدا سالاسىنداعى شيەلەنىستى جاعداي مەن ساياساتتىڭ تۇراقسىزدىعىنىڭ اسقىنۋىنا ءدوپ كەلسە دە، وتكەن ءبىر جىلدا دۇنيە ءجۇزى ەكونوميكاسى جاساندى زەردە سالاسىنا قارجى قوسۋدىڭ كۇرت ارتۋى قاتارلى فاكتورلاردىڭ ىقپالىنا بايلانىستى ۇزدىكسىز توزىمدىلىك تانىتقان. سونىمەن بىرگە، دۇنيە ءجۇزى بويىنشا تۇرمىس ورەسىندەگى پارىق ونان ارى ارتۋدا، باي مەملەكەتتەر مەن كەدەي مەملەكەتتەر اراسىنداعى تۇرمىس ورەسىندەگى پارىقتىڭ كۇننەن – كۇنگە ارتۋى الاڭداتادى. 2020 - جىلدان 2030 – جىلعا دەيىنگى ارالىق ”20 – عاسىردىڭ 60 – جىلدارىنان بەرگى دۇنيە جۇزىلىك ەكونوميكانىڭ ارتۋى ەڭ السىرەگەن ون جىل بولۋى مۇمكىن“.
مالىمەتتە مىنالار ەسكەرتىلگەن: ا ق ش – نىڭ كەدەن ساياساتىنىڭ ىقپالىنىڭ ۇزدىكسىز كورنەكتىلەنە تۇسۋىنە بايلانىستى، 2026 – جىلى دۇنيە جۇزىلىك ساۋدانىڭ ارتۋى كورنەكتى باسەڭدەيدى، وسىنىڭ سالدارىنان ەكونوميكانىڭ قۇلدىراۋى حاۋپى ءالى دە ورىن تەۋىپ وتىر.
دۇنيە جۇزىلىك بانكە ءار ەل ۇكىمەتىن ساياساتتى رەتتەپ، عىلىم – تەحنيكا مەن وقۋ – اعارتۋ سالاسىن قارجىلاندىرۋدى ارتتىرىپ، وسى ارقىلى باياندى دامۋدى ىلگەرىلەتۋگە ۇندەگەن.
كەلۋ قاينارى: حالىق تورابى
