جۇڭگو ورتا ازياداعى ءار ەلدىڭ ساۋدا سالاسىنداعى  ەڭ ءىرى سەرىگىنە اينالدى 

جۇڭگو جۇمىسشىلار گازەتىنىڭ ءتىلشىسى شى لاننا 1 – ايدىڭ 18 – كۇنى بەيجيڭنەن حابارلايدى. ءتىلشىنىڭ 1 – ايدىڭ 18 – كۇنى ساۋدا مينيسترلىگىنەن ۇعىسۋىنشا، 2025 – جىلى جۇڭگو مەن ورتا ازيا اراسىنداعى زات ساۋداسى سەلبەستىگى تۇتاس جىل بويى قارقىندى دامىعان. جۇڭگو كەدەنىنىڭ ساناعىنا قاراعاندا، جۇڭگو مەن ورتا ازيا اراسىندا 2025 – جىلى يمپورت – ەكسپورت 106 ميلليارد 300 ميلليون ا ق ش دوللارىنا جەتىپ، تاريحتا تۇڭعىش رەت 100 ميلليارد ا ق ش دوللارىندىق كەزەڭنەن ءوتىپ، ءبىر جىل بۇرىنعىمەن سالىستىرعاندا %12 ارتىپ، ارتۋ قارقىنى ءبىر جىل بۇرىنعىمەن سالىستىرعاندا 6 پايىز جوعارىلاعان. جۇڭگو تۇڭعىش رەت ورتا ازياداعى ءار ەلدىڭ ساۋدا سالاسىنداعى ەڭ ءىرى سەرىگىنە اينالىپ، جۇڭگونىڭ سىرتقى ساۋداسىندا ورتا ازيانىڭ ۇستايتىن سالىستىرماسى ونان ارى جوعارىلاعان.

تاۋار قۇرىلىمىنان الىپ قاراعاندا، جۇڭگو ورتا ازياعا 71 ميلليارد 200 ميلليون ا ق ش دوللارىندىق تاۋار ەكسپورت ەتىپ، ءبىر جىل بۇرىنعىمەن سالىستىرعاندا %11 ارتقان، ماشينا جانە ەلەكتر جابدىقتارى مەن جوعارى – جاڭا تەحنولوگيالىق بۇيىمداردىڭ ارتۋ مولشەرى زور بولعان، ”جاڭا ءۇش ءتۇرلى تاۋاردىڭ“ بازارداعى ۇلەسى ورنىقتى ارتقان؛ ورتا ازيادان 35 ميلليارد 100 ميلليون ا ق ش دوللارىندىق تاۋار يمپورت ەتىپ، ءبىر جىل بۇرىنعىمەن سالىستىرعاندا %14 ارتقان، حيميا ونەركاسىبى ونىمدەرى، بولات ماتەريالدارى، اۋىل شارۋاشىلىعى ونىمدەرى قاتارلى بايلىق قاينارىنا جاتپايتىن تاۋار تۇرلەرى اناعۇرلىم مولىعا تۇسكەن.

2025 – جىلى جۇڭگو مەن ورتا ازيا اراسىنداعى شەكارا اتتاعان ەلەكتروندىق ساۋدا سالاسىنداعى يمپورت – ەكسپورت جەدەل ارتۋ بەتالىسىن ساقتاعان، قامبالى زات اينالىمى قۇرىلىسى ۇزدىكسىز ىلگەرىلەتىلىپ، شەكارا اتتاعان تولەۋ جۇيەسى جاعىنداعى سەلبەستىك جالپى بەتتىك ورىستەتىلگەن، جۇڭگو مەن ورتا ازيا اراسىنداعى ساۋدانى ىركىلىسسىزدەندىرۋ سەلبەستىك تەكشەسى جياڭسۋ ولكەسى نانجيڭ قالاسىندا رەسمي ماڭدايشالىق ءىلىپ ىسكە قوسىلعان، ”جىبەك جولى ەلەكتروندىق ساۋداسى“ ساۋدالىق بارىس – كەلىستى ىركىلىسسىزدەندىرەتىن ونىمدىلىگى جوعارى كوپىرگە اينالعان.

كەلۋ قاينارى: حالىق تورابى