بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.01.20 16:01 كەلۋ قاينارى : حالىق تورابى
«حالىق گازەتى»، 1 - ايدىڭ 19 - كۇنى، بەيجيڭ (تىلشىلەر ليۋ جىچياڭ، ۋاڭ يۇنشان). ۇدەرە العا تارتىپ، تاعى دا تىڭ بيىككە كوتەرىلدى! 1 - ايدىڭ 19 - كۇنى مەملەكەتتىك ساناق مەكەمەسى 2025 - جىلعى جۇڭگو ەكونوميكاسىنىڭ ناتيجەسىن جاريالادى، ساندى مالىمەتتەر جۇرت كوڭىلىن جەلپىندىرەدى: العاشقى ەسەپتەۋگە قاراعاندا، 2025 - جىلى ىشكى ءوندىرىستىڭ جالپى ءونىم قۇنى 140 تريلليون 187 ميلليارد 900 ميلليون يۋان بولىپ، 140 تريلليون يۋاندىق جاڭا ساتىعا كوتەرىلگەن، تۇراقتى باعا بويىنشا ەسەپتەگەندە، وتكەن جىلداعىدان %5.0 ارتىپ، جان باسىندىق ىشكى ءوندىرىستىڭ جالپى ءونىم قۇنى ءۇرتىس 3 جىل 13 مىڭ دوللاردان اسقان؛ ”14 - بەسجىلدىق“ كەزىندە جۇڭگو ەكونوميكاسىنىڭ جالپى مولشەرى ىلگەرىندى - كەيىندى 110 تريلليون يۋاننان، 120 تريلليون يۋاننان، 130 تريلليون يۋاننان، 140 تريلليون يۋاننان اسىپ، ”ءۇرتىس 4 رەت سەكىرۋدى“ جۇزەگە اسىرىپ، جىلىنا ورتا ەسەپپەن %5.4 تىك ارتۋ قارقىنىمەن ۇزدىكسىز دۇنيە جۇزىندەگى نەگىزگى ەكونوميكالىق تۇلعالاردىڭ الدىندا جۇرگەن.
”بۇل نەداۋىر كەرەمەت ناتيجە، جۇڭگو ەكونوميكاسىنىڭ ورنىقتىلىق بارىسىندا ىلگەرىلەۋ جاعدايىن، قىسىممەن العا ىلگەرىلەۋدىڭ توزىمدىلىگىن، جاڭاعا، ساپاعا قاراي ۇمتىلۋدىڭ ومىرشەڭدىك كۇشىن تولىق ايگىلەدى“ دەدى مەملەكەتتىك ساناق مەكەمەسىنىڭ باستىعى كاڭ ي.
2025 - جىلعا كوز جىبەرسەك، جۇڭگو ەكونوميكاسى قىسىمعا توتەپ بەرىپ، العا باسىپ، جاڭا، ساپالى دامۋعا بەت الىپ، نەگىزگى مەجەلى نىسانالار تولىق جۇزەگە استى.
”ورنىقتى بولۋ“ جاعدايى بەكەمدەلدى. ەكونوميكانىڭ جالپى مولشەرى ورنىقتى جوعارىلاپ، جۇمىستانۋ جاعدايى جالپى جاقتان ورنىقتى بولىپ، شەتەل اقشاسى زاپاسىنىڭ قالدىق سوماسى 3 تريلليون 300 ميلليارد دوللاردان استى.
”ىلگەرىلەۋ“ قادامى اناعۇرلىم پارمەندى بولدى. ەكونوميكالىق قۇرىلىمدى رەتتەۋ ساپالىلاندىرىلىپ، كولەمدەنگەن جوعارى تەحنيكالى جاساۋ كاسىبىنىڭ ارتقان قۇنىنىڭ كولەمدەنگەن ونەركاسىپتىڭ ارتقان قۇنىنداعى سالىستىرماسى %17.1 كە كوتەرىلىپ، ەڭ سوڭعى تۇتىنۋ شىعىسىنىڭ ەكونوميكانىڭ ارتۋىنا قوسقان ۇلەسى %50 تەن استى. رەفورما جاساپ، ەسىك اشۋ ۇزدىكسىز تەرەڭدەپ، تاۋار يمپورت - ەكسپورت جالپى سوماسى الدىنداعى جىلداعىدان %3.8 ارتتى. حالىق تۇرمىسىن قامتاماسىزداندىرۋ پارمەندى، ءونىمدى بولىپ، تۇرعىنداردىڭ كىسى باسىنا تۋرا كەلەتىن قولداعى ناقتى كىرىسى %5.0 ارتتى.
”جاڭاشا“ قوزعاۋشى كۇش جەتىلدىرىلدى جانە زورايدى. بۇكىل قوعامنىڭ زەرتتەۋ - اشۋ قاراجاتى ۇسىنىلىمىنىڭ كۇشەمەلىلىگى %2.8 كە جەتىپ، كولەمدەنگەن سيفرلى ونىمدەردى جاساۋ كاسىبىنىڭ ارتقان قۇنى الدىنداعى جىلداعىدان %9.3 ارتتى.
”توزىمدىلىك“ ەرەكشەلىگى بارعان سايىن كورنەكتىلەنە ءتۇستى. جوعارى تەحنيكالى، ۇستەمە قۇنى جوعارى ونىمدەر ەكسپورتتىڭ ارتۋىنداعى نەگىزگى كۇشكە اينالىپ، جوعارى تەحنيكالى ونىمدەردىڭ ەكسپورت سوماسى الدىنداعى جىلداعىدان %13.2 ارتتى.
”14 - بەسجىلدىقتاعى“ وسى 5 جىلعا نازار سالساق، جۇڭگو ەكونوميكاسى ءبىرسىپىرا ەلەۋلى حاۋىپ - قاتەر مەن سىن - سايىسقا ءونىمدى توتەپ بەرىپ، تار جول، تايعاق كەشۋلەردەن ءوتىپ، ەسەيىپ - ەرجەتتى.
ەكونوميكانىڭ نەگىزى اناعۇرلىم بەكەمدەلىپ، حاۋىپ - قاتەرگە توتەپ بەرۋ قۋاتى اناعۇرلىم كۇشەيدى. استىق ءونىمى ءۇرتىس 2 جىل ءبىر تريلليون 400 ميلليارد جىڭ مولشەرىن ساقتاپ، جاساۋ كاسىبىنىڭ ارتقان قۇنى ءۇرتىس 16 جىل دۇنيە ءجۇزى بويىنشا الدىڭعى ورىندى يەلەدى.
جوعارى ساپالى دامۋدىڭ ساپاسى اناعۇرلىم نىعايىپ، اياق الىسى اناعۇرلىم ورنىقتى بولدى. جاڭالىق اشا دامۋدا تىڭ تابىستارعا قول جەتتى، ”14 - بەسجىلدىق“ كەزىندە تۇتاس قوعامنىڭ زەرتتەۋ - اشۋ قاراجاتى ۇسىنىلىمى جىلىنا ورتا ەسەپپەن %10 ارتىپ، كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى جىلىنا ورتا ەسەپپەن %9.2 ارتتى. جاسىل تيپكە بۇرىلىس جاساۋ جاڭا بەت - بەينەنى ايگىلەدى، بەيتۇنبا ەنەرگيا تۇتىنۋىنىڭ سالىستىرماسى 2020 - جىلعى %16 تەن 2025 - جىلى %20 كە جوعارىلادى. حالىق تۇرمىسىن جاقسارتۋدا تىڭ تابىستارعا قول جەتتى، ”14 - بەسجىلدىق“ مەزگىلىندە تۇرعىنداردىڭ جان باسىندىق قولداعى ورتاشا كىرىسى جىلىنا ورتا ەسەپپەن %5.4 ارتىپ، ەكونوميكانىڭ ارتۋىمەن قادامداس بولدى.
”’15 - بەسجىلدىق‘ كەزىندە ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلدى، الايدا ەكونوميكانىڭ ۇزاق ۋاقىت جاقسارۋ نەگىزگى جاعدايى وزگەرگەن جوق. جاڭالىق اشۋ ارقىلى دەم بەرۋ اۋقىمى كۇشەيىپ، رەفورما جاساپ، ەسىك اشۋ ىشكەرىلەي ىلگەرىلەتىلىپ، جوعارى ساپالى دامۋدا تىڭ تابىستارعا قول جەتكىزۋگە تىرەك بولدى“ دەدى كاڭ ي.
كەلۋ قاينارى: حالىق تورابى
