ولاردى قىزىل گەندى جالعاستىرىپ، ءبىلىمدى مولايتۋ قابىلەتىن جەتىلدىرىپ، جاڭا جورىقتاعى تاريحتىڭ كۇش جالعاۋ جارىسىندا جاقسى جۇگىرۋگە شابىتتاندىردى

جاۋاپ حات

جۇڭگو كوممۋنيستىك پارتياسىنىڭ 1 - قۇرىلتايى ەسكەرتكىش سارايىنداعى، نانحۋ توڭكەرىستىك ەسكەرتكىش سارايىنداعى پيونەرلەر وتريادىنىڭ قىزىل گالستۋكتى تۇسىندىرۋشىلەرىنە:

حاتتارىڭدى تاپسىرىپ الدىم. سەندەردىڭ 1 - قۇرىلتايدىڭ جۇرتى مەن نانحۋ كولىندەگى قىزىل قايىقتىڭ جانىندا پارتيا تاريحىن، توڭكەرىس حيكايالارىن جانە قاھارمانداردىڭ ىزگى ىستەرىن دەن قويا، سۇيىسپەنشىلىكپەن بايانداپ، پارتيانى، وتاندى، سوتسياليزمدى ءسۇيۋ سەزىمىن تەرەڭدەتىپ، شىنىعىپ، ەسەيىپ - ەرجەتكەندەرىڭدى ءبىلىپ، قۋانىپ قالدىم.

بيىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، پارتيا ىستەرى ۇرپاقتان - ۇرپاققا ۇزدىكسىز كۇرەس جۇرگىزۋگە مۇقتاج.

سەندەردىڭ تۋدى بيىك ۇستاپ، پارتياعا ىلەسىپ، قىزىل گەندى جالعاستىرىپ، ءبىلىم مەن قابىلەتتى ارتتىرىپ، ەرىك - جىگەردى شىڭداپ، پارتيا مەن حالىقتىڭ توڭكەرىسشىل بالاسى بولىپ، جاڭا جورىقتا تاريحتىڭ كۇش جالعاۋ جارىسىندا جاقسى جۇگىرۋلەرىڭدى ءۇمىت ەتەمىن.

”1 - ماۋسىم“ حالىقارالىق بالالار مەرەكەسى كەلۋ الدىندا تۇر، سەندەردىڭ جانە بۇكىل ەلدەگى بالاقايلاردىڭ مەرەكەلەرىنىڭ قۇتتى بولۋىن تىلەيمىن!

شي جينپيڭ

2026 - جىلى 5 - ايدىڭ 30 - كۇنى

(شينحۋا اگەنتتىگى، 5 - ايدىڭ 30 - كۇنى، بەيجيڭ)

شينحۋا اگەنتتىگى، 5 - ايدىڭ 30 - كۇنى، بەيجيڭ. ”1 - ماۋسىم“ حالىقارالىق بالالار مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسىنىڭ 1 - قۇرىلتايى ەسكەرتكىش سارايىنداعى، نانحۋ توڭكەرىستىك ەسكەرتكىش سارايىنداعى پيونەرلەر وتريادىنىڭ قىزىل گالستۋكتى تۇسىندىرۋشىلەرىنە جاۋاپ حات جازىپ، ولاردى شىن ىقىلاسپەن شابىتتاندىردى ءارى ولاردىڭ جانە بۇكىل ەلدەگى ورەندەر مەن بالالاردىڭ مەرەكەلەرىنىڭ قۇتتى بولۋىن تىلەدى.

شي جينپيڭ جاۋاپ حاتىندا بىلاي دەدى: سەندەردىڭ 1 - قۇرىلتايدىڭ جۇرتى مەن نانحۋ كولىندەگى قىزىل قايىقتىڭ جانىندا پارتيا تاريحىن، توڭكەرىس حيكايالارىن جانە قاھارمانداردىڭ ىزگى ىستەرىن دەن قويا، سۇيىسپەنشىلىكپەن بايانداپ، پارتيانى، وتاندى، سوتسياليزمدى ءسۇيۋ سەزىمىن تەرەڭدەتىپ، شىنىعىپ، ەسەيىپ - ەرجەتكەندەرىڭدى ءبىلىپ، قۋانىپ قالدىم.

شي جينپيڭ بىلاي دەپ باسا دارىپتەدى: بيىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، پارتيا ىستەرى ۇرپاقتان - ۇرپاققا ۇزدىكسىز كۇرەس جۇرگىزۋگە مۇقتاج.

سەندەردىڭ تۋدى بيىك ۇستاپ، پارتياعا ىلەسىپ، قىزىل گەندى جالعاستىرىپ، ءبىلىم مەن قابىلەتتى ارتتىرىپ، ەرىك - جىگەردى شىڭداپ، پارتيا مەن حالىقتىڭ توڭكەرىسشىل بالاسى بولىپ، جاڭا جورىقتا تاريحتىڭ كۇش جالعاۋ جارىسىندا جاقسى جۇگىرۋلەرىڭدى ءۇمىت ەتەمىن (جاۋاپ حاتتىڭ تولىق مازمۇنى بولەك جاريالاندى).

2021 - جىلى ”پارتيانىڭ اڭگىمەسىن باياندايمىن − قىزىل گالستۋكتى ءتۇسىندىرۋشى بولۋعا قۇلشىنۋ“ امالياتتىق باستان كەشىرۋ قيمىلى رەسمي باستالدى، جەر - جەر پيونەرلەردى قىزىل الاڭ - سارايلارعا كىرىپ پارتيا تاريحىن ۇيرەنۋگە، پارتيا حيكاياسىن تۇسىندىرۋگە ۇيىمداستىردى.

تاياۋدا شاڭحايداعى جۇڭگو كوممۋنيستىك پارتياسى 1 - قۇرىلتايى ەسكەرتكىش سارايىنداعى، جىجياڭ جياشيڭ نانحۋ توڭكەرىستىك ەسكەرتكىش سارايىنداعى قىزىل گالستۋكتى تۇسىندىرۋشىلەردىڭ ۋاكىلدەرى باس شۋجي شي جينپيڭگە حات جازىپ، ءتۇسىندىرۋ قيمىلىنىڭ تابىسى مەن ەسەيىپ - ەرجەتۋلەرى جونىندە مالىمەت بەرىپ، جاڭا داۋىردەگى جاقسى ورەن بولۋعا تالپىنۋ بەكىمدەرىن بىلدىرگەن بولاتىن.

كەلۋ قاينارى: حالىق تورابى