«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

شينحۋا اگەنتتىگى، 5 - ايدىڭ 31 - كۇنى، بەيجيڭ. 6 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 11 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «بولاشاق كاسىپ سالالارىن كورەگەندىكپەن ورنالاستىرايىق جانە دامىتايىق» اتتى ماڭىزدى ماقالاسى جاريالانادى.

ماقالادا بىلاي دەپ باسا دارىپتەلدى: بولاشاق كاسىپ سالالارىن جەتىلدىرۋ، دامىتۋ ءبىزدىڭ عىلىم - تەحنيكا مەن كاسىپ سالالارىنىڭ بيىك تۇرعىسىن يەلەۋىمىزدە، دامۋدىڭ ىرىقتىلىق ۇقىعىن مىقتاپ يگەرۋىمىزدە، جاڭاشا وندىرگىش كۇشتەردى دامىتۋىمىزدا، وسىزاماندانعان كاسىپ سالالارى جۇيەسىن ورناتۋىمىزدا، حالىقتىڭ تۇرمىس ساپاسىن جوعارىلاتۋىمىزدا، ادامنىڭ جان - جاقتى دامۋىن جانە قوعامنىڭ جاپپاي العا باسۋىن جەبەۋىمىزدە كەلەلى ماڭىز الادى. تاياۋ جىلداردان بەرى پارتيا ورتالىق كوميتەتى بولاشاق كاسىپ سالالارىنىڭ دامۋىنا ايرىقشا ءمان بەرىپ، ستراتەگيالىق جوبالاۋدى، ساياساتتىق قولداۋدى كۇشەيتىپ، بولاشاقتاعى كاسىپ سالالارىنىڭ دامۋىندا تاماشا جاعداي جارىققا شىقتى. جاڭا جورىقتا ءبىز مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋ ستراتەگيالىق تۇرعىسىنان وبيەكتيۆ شارت - جاعدايدى تياناق ەتىپ، سالىستىرمالى باسىمدىقتى ساۋلەلەندىرىپ، ورنىقتىلىق بارىسىندا ىلگەرىلەۋگە، ساتىلى جەتىلدىرۋگە تاباندى بولىپ، ەلىمىزدىڭ بولاشاقتاعى كاسىپ سالالارىنىڭ دامۋىندا ۇزدىكسىز تىڭ تابىستارعا قول جەتكىزۋىمىز كەرەك.

ماقالادا مىنالار اتاپ كورسەتىلدى: ءبىر تۇتاس جوسپارلاۋدى كۇشەيتۋ كەرەك. بولاشاق كاسىپ سالاسى كورەگەندىك، ستراتەگيالىق، ورنىن باسۋ سياقتى ەرەكشەلىكتەرگە يە، ول عىلمي جوبالاۋدى، جالپى جاعدايدى ءبىر تۇتاس جوسپارلاۋدى قاجەت ەتەدى. دامۋ بەتالىسىن ءدال يگەرىپ، كۆانتتىق عىلىم - تەحنيكا، بيولوگيالىق جاساۋ سياقتى سالالارعا نازاردى شوعىرلاندىرىپ، دالمە - ءدال شارا قولدانۋ كەرەك. تەحنيكالىق لۋشياندى عىلمي دالەلدەپ، الدىڭعى لەكتىك تەحنيكاعا ستراتەگيالىق الدىن الا تۇجىرىم جاساۋ قابىلەتىن جوعارىلاتۋ كەرەك. دامۋ ريتىمىن يگەرىپ، مەملەكەتتىڭ ستراتەگيالىق قاجەتى، تەحنيكالىق پىسىپ - جەتىلۋ دارەجەسى، فاكتورلارعا تىرەك بولۋ شارت - جاعدايى سياقتى فاكتورلاردى جان - جاقتى ويلاستىرىپ، جەرگىلىكتى جاعدايعا قاراي ىستەپ، ورىن اۋىستىرىپ دامۋ كەرەك. كاسىپ سالاسىنىڭ سايكەسۋىن كۇشەيتىپ، ىقپالداسىپ دامۋعا تاباندى بولىپ، بولاشاقتاعى كاسىپ سالاسىنىڭ جاڭادان گۇلدەنگەن كاسىپ سالاسىمەن، ءداستۇرلى كاسىپ سالاسىمەن ءوزارا سايكەسۋىن ىلگەرىلەتۋ كەرەك.

ماقالادا مىنالار اتاپ كورسەتىلدى: عىلىم - تەحنيكادا جاڭالىق اشۋدى جەتەكشى ەتۋگە تاباندى بولۋ كەرەك. عىلىم - تەحنيكادا قامال الۋ دارەجەسى بولاشاقتاعى كاسىپ سالاسىنىڭ دامۋ قارقىنىن، كەڭدىگىن، تەرەڭدىگىن بەلگىلەيدى. جاڭاشا بۇكىل ەل بولىپ جۇمىلۋ ءتۇزىلىس باسىمدىعىن تولىق ساۋلەلەندىرىپ، ”كاسىپ سالاسى تاقىرىپ شىعارىپ، عىلىم - تەحنيكا جۇيەسى جاۋاپ بەرۋگە“ تاباندى بولىپ، عىلىم - تەحنيكانىڭ تىرەكتىك، جەتەكشىلىك قۋاتىن كۇش سالا جوعارىلاتۋ كەرەك.

ءتۇيىندى سالالارداعى شەشۋشى، وزەكتى تەحنيكالاردان قامال الۋ تەبىنىن ارتتىرىپ، نەگىزدىك زەرتتەۋدىڭ ستراتەگيالىق، كورەگەندىك، جۇيەلى ورنالاسۋىن كۇشەيتىپ، عىلىم - تەحنيكا جەتىستىكتەرىن وندىرگىش كۇشكە اينالدىرۋدى، قولدانۋدى جەدەلدەتۋ كەرەك.

ماقالادا مىنالار اتاپ كورسەتىلدى: كاسىپورىنداردىڭ تۇلعالىق رولىن ساۋلەلەندىرۋ كەرەك. كاسىپورىن _ جاڭالىق اشۋدىڭ نەگىزگى تۇلعاسى، كوپتەگەن بولاشاقتاعى كاسىپ سالاسىنىڭ گۇلدەنۋى كاسىپورىننىڭ بىرتىندەپ قامال الۋىنا سۇيەنەدى. ءتۇرلى جاڭالىق اشۋ بايلىقتارىنىڭ كاسىپورىندارعا شوعىرلانۋىن ىلگەرىلەتىپ، وزەكتى تەحنيكالاردا وزىق، جاڭالىق اشۋ قابىلەتى كۇشتى عىلىم - تەحنيكالىق كوشباسشى كاسىپورىنداردى جانە جوعارى، جاڭا تەحنيكالى كاسىپورىنداردى كۇش سالا جەتىلدىرۋ كەرەك. ورتالىق كاسىپورىندارىنىڭ نەگىزگى جاۋاپكەرشىلىكپەن، نەگىزگى كاسىپپەن ۇشتاستىرا وتىرىپ، بولاشاق كاسىپ سالاسىن دامىتۋىنا قولداۋ كورسەتىلىپ، وزەكتى باسەكەلىك قۋاتىن جوعارىلاتۋ كەرەك.

الەۋمەتتىك قىزمەت وتەۋمەن قامداۋدى كۇشەيتىپ، ءبىر توپ عىلىم - تەحنيكالىق ورتا، شاعىن كاسىپورىنداردى، ارنايى، كەمەلدى، ەرەكشە، جاڭا كاسىپورىنداردى، جەكە تۇردەگى اعا جۇلدەگەر كاسىپورىنداردى، دارا كاسىپورىنداردى جەتىلدىرۋ كەرەك.

ماقالادا مىنالار اتاپ كورسەتىلدى: تاماشا ساياساتتىق ورتا قالىپتاستىرۋ كەرەك. بولاشاق كاسىپ سالالارىن جەتىلدىرۋ پەريودى ۇزاق، بازار حاۋىپ - قاتەرى زور، ساياسات جاعىندا زور كۇشپەن قولداۋ، ۇكىمەت ويداعىداي قىزمەت وتەۋ كەرەك. قازىنا - باجى سياقتى ساياساتتاردى كەمەلدەندىرىپ، عىلىم - تەحنيكانى، فينانستى كۇش سالا دامىتىپ، ۇكىمەتتىك ساتىپ الۋ سياقتى ساياساتتاردى ساپالىلاندىرۋ كەرەك. دارىندىلاردى باۋلۋ، ەنگىزۋ، ىستەتۋ قىزمەتىن جان - جاقتى ويداعىداي ىستەپ، تۇتاس قوعامدا جاڭالىق اشۋعا ىنتالاندىراتىن قويۋ راي قالىپتاستىرىپ، دارىندىلاردىڭ جاڭالىق اشۋ، شارۋاشىلىق قۇرۋ بەلسەندىلىگىن تولىق جۇمىلدىرۋ كەرەك.

ماقالادا مىنالار اتاپ كورسەتىلدى: جونگە سالۋ جۇيەسىن اقاۋسىزداندىرۋ كەرەك. بولاشاقتاعى كاسىپ سالالارى دامۋىنىڭ شارپيتىن كولەمى كەڭ، سايكەستى جونگە سالۋدى كۇشەيتىپ، دامۋ مەن حاۋىپسىزدىكتى ءبىر تۇتاس جوسپارلاپ، عىلمي، ءونىمدى باقىلاۋ - باسقارۋ ءتاسىلى جونىندە ىزدەنىس جاساپ، تەحنيكالىق باقىلاۋ - ولشەۋ، حاۋىپ - قاتەردەن ساقتاندىرۋ، شۇعىل جاعدايعا توتەپ بەرۋ، وعان ءۇن قوسۋ جۇيەسىن ورناتىپ، ”جانداندىرۋعا“ ءارى ”جاقسى باسقارۋعا“ شىنايى كەپىلدىك ەتۋ كەرەك.

حالىقارالىق سەلبەستىكتى ۇزدىكسىز تەرەڭدەتىپ، ءار جاقتىڭ ولشەمدى بىرگە قۇرۋىن، ەرەجەنى بىرگە اقىلداسۋىن، كاسىپ سالاسىن بىرگە جەبەۋىن قۇلشىنا ىلگەرىلەتۋ كەرەك.

ماقالادا مىنالار باسا دارىپتەلدى: بولاشاق كاسىپ سالاسىنىڭ تەحنيكالىق جاڭارۋى تەز، ىقپال جاسايتىن فاكتورلار كوپ، شەشىم جاساۋ حاۋىپ - قاتەرى زور، ءبىزدىڭ باسشىلىق قابىلەتىمىز بەن جونگە سالۋ ورەمىزگە اناعۇرلىم جوعارى تالاپ قويۋدا. ءار دارەجەلى باسشى كادرلار عىلىم - تەحنيكانىڭ الدىڭعى لەگىنە قاتىستى بىلىمدەردى ۇيرەنۋدى شىن مانىندە كۇشەيتىپ، ماماندانۋ قابىلەتىن جوعارىلاتىپ، عىلىم - تەحنيكانى بىلۋگە، كاسىپ سالاسىن بىلۋگە، شەشىم جاساۋعا شەبەر بولۋعا قۇلشىنۋى كەرەك.

كەلۋ قاينارى: حالىق تورابى