شاڭحاي كوپ ءتۇرلى شارانى قاتار قولدانىپ، جاستار مەن ورەندەردى قىزىل قان تامىردى جالعاستىرىپ، قىزىل تۇقىم سەۋىپ، قىزىل گەندى جالعاستىرۋعا جەتەكتەدى (اۋەلگى ماقساتتى، بورىشتى ەستە بەرىك ساقتاپ، گۇلدەنۋ ساپارىندا ەكپىندەي ىلگەرىلەيىك)

”جۇڭگو كوممۋنيستىك پارتياسىنىڭ 1 - قۇرىلتايى وسى ارادا اشىلىپ، ونان سوڭ جىجياڭنىڭ جياشيڭ قالاسى نانحۋ كولىندەگى ءبىر سەرۋەن قايىعىنا جوتكەلدى“.

جۇڭگو كوممۋنيستىك پارتياسىنىڭ 1 - قۇرىلتايى اشىلعان جەردىڭ الدىندا، قىزىل گالستۋكتى ءتۇسىندىرۋشى لي رۇيچىڭ دەن قويا بايانداۋدا.

ءبىر شەتتە تۇرعان قىزىل گالستۋكتى ءتۇسىندىرۋشى ما شىنيان تولىقتاپ: ”ءار جولى وسى اراعا كەلىپ ەرىكتى تۇسىنىك جاساپ، پارتيانىڭ توڭكەرىستىك حيكايالارى مەن قاھارماندىق ىزگى ىستەرىن بايانداعان سايىن، مەن ەرەكشە اسەرلەنەمىن جانە ماقتانىش سەزىنەمىن“ دەدى.

لي رۇيچىڭ، ما شىنيان شاڭحاي قالاسى حۋاڭپۋ رايونى لۋۋان 1 - سەنترلى باستاۋىش مەكتەبىنىڭ ”قىزىل كەرناي“ تۇسىندىرۋشىلەر اترەتىنىڭ مۇشەلەرى. 20 جىلدان بەرى بۇل اترەت ”بالالارعا بەيىمدەلگەن ءتۇسىندىرۋ ءسوزى“ ارقىلى پارتيا قۇرۋ اڭگىمەسىن بايانداۋعا تاباندى بولىپ، جاستار مەن ورەندەردى ”حيكايا تىڭدايتىن ادامنان“ ”حيكايا ايتاتىن ادامعا“ اينالدىردى. ”مەكتەپ بىتىرگەن كوپتەگەن وقۋشى بالا كەزىمىزدە ەگىلگەن قىزىل تۇقىم ەسەيگەننەن كەيىن ءومىرىمىزدىڭ باعدار بەلگىسىنە اينالدى دەيتىن بولدى“ دەدى مەكتەپ پارتيا ياچەيكاسىنىڭ شۋجيى، مەكتەپ باستىعى ۋ رۇڭجين تەبىرەنە.

قىزىل قان تامىردى جالعاۋ باس شۋجي شي جينپيڭنىڭ ۇزاق ۋاقىتتان بەرى قالىڭ جاستار مەن ورەندەرگە دەگەن شىنايى ءۇمىتى بولىپ تابىلادى. بيىل 1 - ماۋسىم حالىقارالىق بالالار مەرەكەسى كەلۋ قارساڭىندا، باس شۋجي شي جينپيڭ جۇڭگو كوممۋنيستىك پارتياسى 1 - قۇرىلتايى ەسكەرتكىش سارايىنىڭ، نانحۋ توڭكەرىستىك ەسكەرتكىش سارايىنىڭ پيونەرلەر وتريادى قىزىل گالستۋكتى تۇسىندىرۋشىلەرىنە جاۋاپ حات قايتارىپ: ”پارتيانىڭ ىستەرى ۇرپاقتان - ۇرپاققا جالعاسقان كۇرەستى قاجەت ەتەدى“، ”سەندەردىڭ وترياد تۋىن بيىك ۇستاپ، پارتياعا ىلەسىپ، قىزىل گەندى جالعاستىرىپ، ءبىلىم - قابىلەتتى ارتتىرىپ، ەرىك - جىگەردى شىڭداپ، پارتيا مەن حالىقتىڭ توڭكەرىسشىل ۇرپاعى بولىپ، جاڭا جورىقتاعى تاريحتىڭ ۇتىلامالى جارىسىندا ويداعىداي جۇگىرۋلەرىڭدى ءۇمىت ەتەمىن“ دەپ باسا دارىپتەدى.

شاڭحاي _ پارتيامىزدىڭ دۇنيەگە كەلگەن جەرى، اۋەلگى ماقساتتىڭ باستالعان جەرى، پارتيا قۇرۋ ۇلى رۋحىنىڭ جەتىلدىرىلگەن جەرى، 600 دەن استام توڭكەرىستىك كونە جۇرتى جانە قىزىل الاڭ - سارايلارى بار. تاياۋ جىلداردان بەرى شاڭحاي باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كونە جۇرتتاردىڭ ورنىن پارتيا تاريحى ”ساباقحاناسىنا“ اينالدىرۋعا تاباندى بولىپ، مادەني ەسكەرتكىشتەردى، تاريحي ماتەريالداردى پارتيا تاريحى ”وقۋلىعىنا“، قاھارمان قۇرباندار ۇلگىلەرىن پارتيا تاريحى ”وقىتۋشىسىنا“ اينالدىرىپ، كوپ ءتۇرلى شارانى قاتار قولدانىپ، ءومىردىڭ ”بۋىن تارتۋ، وركەندەۋ مەزگىلىندە“ تۇرعان جاستار مەن ورەندەردى قىزىل گەندى جالعاستىرۋعا جەتەكتەپ، جاڭا جورىقتاعى تاريحتىڭ ۇتىلامالى جارىسىندا ويداعىداي جۇگىرۋگە جەتەكتەدى.

ۋاقىت پەن كەڭىستىكتەن اتتادى، رۋح ماڭگىلىككە جالعاستى.

جۇڭگو كوممۋنيستىك پارتياسىنىڭ سىمسىز راديو قۇپيا سيفر حابارلاسۋ قىزمەتى دۇنيەگە كەلگەن جەر تاريحي كورمە الاڭىندا، شاڭحاي قالاسى شىشي ورتالاۋ مەكتەبىنىڭ فيزيكا وقىتۋشىسى ۋاڭ ي - چاۋ ۇزىن جەيدە كيىپ، العاشقى راديو ستانسياسىنىڭ الىس ارالىقتى حابارلاسۋدى جۇزەگە اسىرۋىنىڭ عىلمي قاعيداسىن ءتۇسىندىردى. ”ەكەۋى كەزەكتەسىپ جۇگىرەتىن سپورتشىعا ۇقسايدى، الدىعا تارالاتىن ’ەلەكتروماگنيتتىك تولقىن‘ قالىپتاستىرادى ...“ ۋاقىت پەن كەڭىستىكتىڭ ىقپالداستىعى جونىندەگى وسى ساباق ابستراكت ەلەكتر تولقىنىن رۋحاني كۇشكە اينالدىردى.

”ءبىز تەلەگرامما بىلىمدەرىن ۇيرەنىپ قانا قويماي، جۇڭگو كوممۋنيستەرىنىڭ توتەنشە حاۋىپتى جاعدايدا كۇرەستى تاباندىلىقپەن جۇرگىزگەندىگىن دە بىلدىك“ دەدى 8 - جىلدىقتىڭ وقۋشىسى سۇن ياشين. ءبىر كلاستاعى ساباقتاس فاڭ يۇيشىڭ تەبىرەنە: ”جۇڭگو كوممۋنيستىك پارتياسىنىڭ مۇشەسى نەتكەن كەرەمەت!“ دەدى.

شاڭحايدا باستاۋىش، ورتا، جوعارى مەكتەپتەر مەن قىزىل الاڭ - سارايلار ۇزدىكسىز بىرلەسە قيمىلداپ، ”جىلجىمالى يدەيا - ساياسي ساباعى“، ”قانىعۋ ۇلگىسىندەگى ساباقحانا“ سياقتى فورمالار ارقىلى قىزىل تاريحتى قولمەن ۇستاۋعا، سەزۋگە بولاتىن جاندى بولمىسقا اينالدىردى.

جۇڭگو كوممۋنيستىك پارتياسىنىڭ 1 - قۇرىلتايى ەسكەرتكىش سارايى ”100 زاتتى 100 مەكتەپكە جەتكىزۋ“ قيمىلىن ورىستەتىپ، مۇراجايدا ساقتالعان ۋاكىلدىك سيپاتتى توڭكەرىستىك مادەني مۇرالاردى مەكتەپ اۋلاسىنا جەتكىزدى؛ چىن يۇن ەسكەرتكىش سارايى كورمە، قۇجاتتى فيلم سياقتىلاردى جوعارى مەكتەپتەرگە جەتكىزىپ، قانىعۋ ۇلگىسىندەگى ۇيرەنۋ ورتاسىن جاراتتى.

لي باي قۇرباننىڭ كونە تۇراعىنىڭ الدىنا بارعاندا، حۇڭكوۋ رايوندىق پارتكوم پارتيا مەكتەبىنىڭ زەينەتكە شىققان وقىتۋشىسى جاڭ جياحى ايالداپ، جاسىرىن شەپتىڭ كۇرەسىن باياندادى: ”راديو ستانسياسىنىڭ قۋاتى ءبىرشاما زور، ءتۇن ورتاسىندا اپپارات اشىلىسىمەن، كورشى بولمەدەگى شىراق سىمى شىتىرلاپ كەتەتىن ... ءبىز سوڭىندا جيىلىكتى 7 - 15 ۋاتقا ءتۇسىرىپ، سيگنالدى يان - انعا انىق جەتكىزە الدىق“. ”وسى جىلجىمالى پارتيا ساباعى“ بالالارا ناقتى كورىنىستى ايقىن سەزىندىردى. قيمىلعا قاتىناسقان ءبىر باستاۋىش مەكتەپ وقۋشىسى: ”قاھارمانداردىڭ ىزگى ىستەرى ماعان تەرەڭ اسەر قالدىردى!“ دەدى.

شاڭحاي ”پارتيا دۇنيەگە كەلگەن جەر“ قىزىل مادەنيەتىن جالعاستىرۋ، ساۋلەلەندىرۋ ينجەنەرياسىنا سۇيەنىپ، ۇكىمەت، مەكتەپ، قىزىل الاڭ - سارايلار، قوعام بىرگە ات سالىساتىن ادام تاربيەلەۋ جۇيەسىن ورناتىپ، جاستار مەن ورەندەردىڭ اقاۋسىز ەسەيىپ - ەرجەتۋىنە كوڭىل بولەتىن، قامقورلىق جاسايتىن تاماشا راي قالىپتاستىردى. جۇڭگو كوممۋنيستىك پارتياسى 1 - قۇرىلتايى ەسكەرتكىش سارايى ۇگىت - تاربيە ءبولىمىنىڭ مەڭگەرۋشىسى ياڭ يۇي ەسكە الىپ بىلاي دەدى: ”ءار جىلعى جازدىق دەمالىستا بالاقايلار قارا تەرگە مالشىنادى، ءبىراق بارلىعى ەڭسەلى دە سەرگەك، ۇندەرى اشىق تا جارقىن، ولار جەر - جەردەن كەلگەن كورەرمەندەرگە پارتيا قۇرۋ حيكاياسىن ايتىپ بەرەدى“.

بۇگىنگى تاڭدا شاڭحاي ”ۇلكەن يدەيا - ساياسي نازاريا ساباعى“ قۇرىلىسىن تەرەڭدەتىپ، ”قىزىل كەرناي“ كىشكەنتاي تۇسىندىرۋشىلەرى سياقتى ۇلگىلىك رولدى ساۋلەلەندىرىپ، قىزىل گالستۋكتى تۇسىندىرۋشىلەر قوسىنىن ۇزدىكسىز كەڭەيتىپ، كۇشەيتىپ، قىزىل قان تامىردى ماڭگىلىككە اعىتتى.

كەزىندەگى ”قىزىل كەرناي“ كىشكەنتاي ءتۇسىندىرۋشىسى لي تيانشين قازىر داشۋە وقۋشىسى. ول بىلاي دەدى: ”قىزىل كەرناي“ ءتۇسىندىرۋشىسى بولۋ تاماشا ەستەمە عانا ەمەس، ونان دا ماڭىزدىسى، ءومىردىڭ قاستەرلى بايلىعى.

كەلۋ قاينارى: حالىق تورابى