شي جينپيڭ جين جىڭىن وتكىزگەن قارسى الۋ قوناعاسىنا قاتىناستى

«حالىق گازەتى»، 6 - ايدىڭ 8 - كۇنى، پيڭراڭ (ءتىلشى حۋ زىشي). سول جەر ۋاقىتى 6 - ايدىڭ 8 - كۇنى كەشتە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان پيڭراڭداعى مۋلان سارايىندا چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن وتكىزگەن قارسى الۋ قوناعاسىنا قاتىناستى.

مۋلان سارايىنا بارا جاتقان جولدىڭ بويىندا ۇلتتىق كيىم كيگەن ىستىق ىقىلاستى بۇقارا بويلاي وتكەن شي جينپيڭنىڭ اۆتوكولىك اترەتىن قىزۋ قارسى الدى. مۋلان سارايىنىڭ قوناعاسى زالى الۋان تۇسكە ەنگەن، الۋان گۇلدەر جايناپ، دۋماندى مەرەكەلىك لەپ ەسەدى.

كەشكى ساعات 7 مولشەرىندە شي جينپيڭ مەن پىڭ لييۋان مۋلان سارايىنا كەلگەندە جين جىڭىن مەن حانىمى لي شۋەجۋ ىستىق ىقىلاسپەن قارسى الدى. ەكى پارتيانىڭ، ەكى ەلدىڭ ەڭ جوعارى باسشىلارى مەن حانىمدارى توپتىق سۋرەتكە ءتۇستى. چاۋشياننىڭ پارتيا مەن مەملەكەت باسشىلارى ساپقا تۇرىپ قارسى الىپ، قۇرمەت ءبىلدىردى.

وسىدان كەيىن شي جينپيڭ مەن پىڭ لييۋان جين جىڭىن مەن لي شۋەجۋدىڭ سەرىك بولۋىندا قوناعاسى زالىنا كىردى. بۇكىل الاڭداعىلار ورىندارىنان تۇرىپ قارسى الدى.

قىزۋ قول شاپالاق ءۇنى ىشىندە شي جينپيڭ مەن جين جىڭىن جەكە - جەكە ارناۋ ءسوز سويلەدى.

شي جينپيڭ بىلاي دەپ اتاپ كورسەتتى: جۇڭگو مەن چاۋشيان ەكى ەل تاۋ - وزەندەرى تۇتاسقان، تاعدىرلاس، جۇڭگو مەن چاۋشياننىڭ ءداستۇرلى دوستىعى حالىقارالىق اۋمالى - توكپەلى وزگەرىستەردىڭ سىناعىندا ۇرپاقتان - ۇرپاققا جالعاسىپ، ۋاقىت وتكەن سايىن بەكەمدەلە ءتۇستى. بيىل _ «جۇڭگو - چاۋشيان دوستىق سەلبەستىك ءوزارا كومەكتەسۋ شارتىنا» قول قويىلعاندىعىنىڭ 65 جىلدىعى، جۇڭگو - چاۋشيان قاتىناسى جاڭا تاريحي باستامادا تۇر. وسى جولعى ساپارىمدا باس شۋجي جين جىڭىنمەن ماڭىزدى ورتاق تانىمعا كەلدىم. ءبىز ءبىر اۋىزدان بىلاي دەپ قارادىق: سوتسياليزمنىڭ بولاشاعى مەن تاعدىرى سىندى ستراتەگيالىق تۇرعىدان ءداۋىر اۋقىمىن مەڭگەرىپ، ەكى ەل حالقىنىڭ ورتاق تىلەگىنە سايكەسىپ، جوعارى جىكتەگىلەردىڭ بارىس - كەلىسىن كۇشەيتىپ، ستراتەگيالىق قاتىناستى تەرەڭدەتىپ، ناقتى سەلبەستىكتى كەڭەيتىپ، حالىق تىلەگىنىڭ توعىسۋىن كۇشەيتىپ، جۇڭگو - چاۋشيان قاتىناسىنىڭ جوعارى دەڭگەيدە دامۋىن ىلگەرىلەتىپ، ەكى ەلدىڭ سوتسياليزم ىستەرىنىڭ اناعۇرلىم تاماشا بولاشاعىن قول ۇستاسا اشىپ، ادامزات قوعامىنىڭ ۇزدىكسىز العا باسۋىن جەبەۋ كەرەك.

شي جينپيڭ مىنالاردى ءبىلدىردى: بيىل چاۋشيان ەڭبەك پارتياسىنىڭ 9 - قۇرىلتايى جەڭىسپەن اشىلىپ، چاۋشياننىڭ پارتيا مەن مەملەكەت ىستەرىنىڭ ۇزاق بولاشاقتىق دامۋى جونىندە ستراتەگيالىق جوبا جانە كەلەلى ورنالاستىرۋ جاسالىپ، چاۋشياننىڭ سوتسياليستىك جاپپاي دامۋىنىڭ جاڭا ءداۋىرى باستالدى. جاقسى كورشى، جاقسى دوس، جاقسى جولداس رەتىندە، جۇڭگو جاق باس شۋجي جين جىڭىن باس بولعان چاۋشيان ەڭبەك پارتياسى ورتالىق كوميتەتىنىڭ پارمەندى باسشىلىعىندا چاۋشيان حالقىنىڭ چاۋشيان ەڭبەك پارتياسىنىڭ 9 - قۇرىلتايىندا العا قويىلعان نىسانالاردى، مىندەتتەردى ءساتتى ورىنداپ، چاۋشياننىڭ سوتسياليزم ىستەرىندە ۇزدىكسىز جاڭا جاعداي اشۋدى ىلگەرىلەتۋىن شىن جۇرەكتەن تىلەيدى.

جين جىڭىن چاۋشيان پارتياسى، ۇكىمەتى جانە حالقى اتىنان شي جينپيڭنىڭ ساپارلاي كەلگەندىگىن ەڭ شىنايى ىقىلاسپەن قارسى الدى. جين جىڭىن مىنالاردى ءبىلدىردى: بۇگىن پيڭراڭنىڭ بارلىق جەرى دوستىق سۇيىسپەنشىلىككە تولىپ، چاۋشيان پارتياسىنىڭ، ۇكىمەتىنىڭ جانە حالقىنىڭ ەڭ قۇرمەتتى قوناقتارىن قىزۋ قارسى الىپ وتىرمىز. باس شۋجي شي جينپيڭنىڭ بيىل تۇڭعىش ساپارىندا چاۋشيانعا كەلۋى چاۋشيان مەن جۇڭگو ەكى پارتيانىڭ، ەكى ەلدىڭ قاتىناسىن دامىتۋعا ايرىقشا ءمان بەرەتىندىگىن جانە چاۋشياننىڭ سوتسياليزم ىستەرىنە ەڭ قاستەرلى قولداۋ كورسەتەتىندىگىن ايگىلەدى.

جين جىڭىن مىنالاردى ءبىلدىردى: مەن باس شۋجي شي جينپيڭ جولداسپەن اراعا 9 اي سالىپ قايتالاي كەزدەسىپ، جاڭا جاعدايدىڭ وزگەرىسىنە ۇشتاستىرا وتىرىپ، جاڭا داۋىرلىك مانگە يە چاۋشيان - جۇڭگو قاتىناسىن ونان ارى ىلگەرىلەتۋ جونىندە ماڭىزدى ورتاق تانىمعا كەلدىم، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە كەڭ كولەمدە پىكىر اۋىستىردىم، مۇنىڭ تەرەڭ تاريحي داستۇرگە يە چاۋشيان - جۇڭگو دوستىعىنىڭ جەدەل دامۋىن ىلگەرىلەتەتىندىگى، ءوڭىردىڭ جانە دۇنيە ءجۇزىنىڭ بەيبىتشىلىگى، ورنىقتىلىعى ءۇشىن ۇلەس قوساتىندىعى داۋسىز. چاۋشيان حالقى باۋىرلاس جۇڭگو حالقىنىڭ قول جەتكىزگەن ۇلى تابىستارىنا شىن جۇرەكتەن قۋانادى، باس شۋجي شي جينپيڭ جولداستى ۇيتقى ەتكەن جۇڭگو كوممۋنيستىك پارتياسىنىڭ باسشىلىعىندا، ۇلى جۇڭگو حالقىنىڭ جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتى ۇلى گۇلدەنۋىنىڭ جاڭا ساپارىن جۇزەگە اسىرۋ بارىسىندا اناعۇرلىم زور تابىستارعا قول جەتكىزەتىندىگىنە سەنەمىن.

ساي چي، ۋاڭ ي قاتارلىلار قوناعاسىعا قاتىناستى.

كەلۋ قاينارى: حالىق تورابى