شي جينپيڭ مەن پىڭ لييۋان جۇڭگو - چاۋشيان دوستىق مۇناراسىن قۇرمەتپەن كوردى

سول جەر ۋاقىتى 6 - ايدىڭ 9 - كۇنى تۇستەن بۇرىن چاۋشياندا مەملەكەتتىك ساپاردا جۇرگەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جانە حانىمى پىڭ لييۋان جۇڭگو - چاۋشيان دوستىق مۇناراسىن قۇرمەتپەن كوردى. چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋ سەرىك بولدى.

سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

«حالىق گازەتى»، 6 - ايدىڭ 9 - كۇنى، پيڭراڭ (ءتىلشى ياڭ چياۋچۋ). سول جەر ۋاقىتى 6 - ايدىڭ 9 - كۇنى تۇستەن بۇرىن چاۋشياندا مەملەكەتتىك ساپاردا جۇرگەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان جۇڭگو - چاۋشياندا دوستىق مۇناراسىن قۇرمەتپەن كوردى. چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋ سەرىك بولدى.

ساعات 10 نان 40 مينۋت وتكەندە شي جينپيڭ مەن پىڭ لييۋان اۆتوكولىكپەن مۋدان شوقىسىنىڭ بوكتەرىنە ورنالاسقان جۇڭگو - چاۋشيان دوستىق مۇناراسىنا جەتتى، جين جىڭىن مەن لي شۋەجۋ قارسى الدى. چاۋشياننىڭ اسكەري وركەسترى جۇڭگو مەن چاۋشياننىڭ مەملەكەت ءانىن ورىندادى. قۇرمەت قاراۋىلى گۇل شارباقتاردى باياۋ كوتەرىپ تەكشەگە شىقتى. گۇل شارباقتىڭ تورعىن لەنتاسىنا ”جۇڭگو حالىق ەرىكتىلەر ارمياسىنىڭ قۇرباندارى ماڭگى جاسايدى“ دەپ جازىلعان. شي جينپيڭ بايسالدى قاداممەن تۇعىرعا شىعىپ، گۇل شارباقتىڭ تورعىن لەنتاسىن رەتتەدى. بارلىق ادام جۇڭگو حالىق ەرىكتىلەر ارمياسى قۇرباندارىنا ءۇنسىز ازا ءبىلدىردى. ءۇنسىز ازا ءبىلدىرۋ اياقتاعاننان كەيىن شي جينپيڭ مەن جين جىڭىن قۇرمەت قاراۋىلىنىڭ سالتانات قاتارىن كوردى.

شي جينپيڭ مەن حانىمى جين جىڭىن مەن حانىمىنىڭ سەرىك بولۋىندا دوستىق مۇناراسىنىڭ ەسكەرتكىش زالىنا كىردى. جين جىڭىن شي جينپيڭگە دوستىق مۇناراسىنا قويىلعان جۇڭگو حالىق ەرىكتىلەر ارمياسىنىڭ چاۋشيان حالقىمەن تىزە قوسا قاندى شايقاس جۇرگىزىپ، مەكەندى بىرگە قايتا قۇرىپ شىعۋى جونىندەگى تاريحي ماتەريالداردى، سۋرەتتەردى جانە ماي بوياۋلى سۋرەت تۋىندىلارىن تانىستىردى.

شي جينپيڭ اسىقپاي كىدىرىپ، زەر سالا كوردى. شي جينپيڭ ەرىكتىلەر ارمياسى قۇرباندارىنىڭ ەسىمدىك داپتەرىن مۇقيات پاراقتاپ، جين جىڭىنعا قۇربان بولعان ەرىكتىلەر ارمياسىنىڭ قولباسشىلارى مەن جاۋىنگەرلەرىنىڭ قاتىستى جاعدايىن تانىستىردى.

شي جينپيڭ مەن جين جىڭىن ءبىر اۋىزدان بىلاي دەپ قارادى: وتكەن عاسىردىڭ 50 - جىلدارىندا جۇڭگو مەن چاۋشياننىڭ بىرگە شايقاس جاساعان جىلدارى _ ەكى جاقتىڭ ماڭگىلىك تاريحي ەستەلىگى، ەكى جاق ەرىكتىلەر ارمياسى قۇرباندارىن ەسكە ءتۇسىرۋ قۇرىلعىلارىن بىرگە ويداعىداي قورعاپ، ەرەكشەلىككە يە توڭكەرىستىك ءداستۇر تاربيەسىن، جاستار مەن ورەندەردىڭ يدەيا - ءمورال تاربيەسىن ورىستەتىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن اسقاقتاتا ساۋلەلەندىرىپ، جۇڭگو مەن چاۋشياننىڭ ۇلى ءداستۇرلى دوستىعىن ۇرپاقتار بويى جالعاستىرۋى كەرەك.

ساي چي، ۋاڭ ي قاتارلىلار قاتىناستى.

كەلۋ قاينارى: حالىق تورابى