بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.06.10 16:56 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 9 - كۇنى، بەيجيڭ، 6 - ايدىڭ 9 - كۇنى مەملەكەت ءتوراعاسى شي جينپيڭ گرۋزيانىڭ زۇڭتۇڭى كاۆەلاشۆيليمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 34 جىلدىعىن قۇتتىقتادى.
شي جينپيڭ مىنالاردى اتاپ كورسەتتى: 34 جىلدان بەرى جۇڭگو مەن گرۋزيا باستان - اياق ءوزارا قۇرمەت ەتۋ، ءوزارا سەنىم ارتۋ، سەلبەسىپ تەڭ يگىلىككە كەنەلۋ پرينسيبىنەن جازباي، ەكى جاقتى قاتىناستىڭ اقاۋسىز، ورنىقتى دامۋىن ىلگەرىلەتىپ، ءار سالاداعى سەلبەستىكتە سۇبەلى تابىستارعا قول جەتكىزدى. 2023 - جىلى جۇڭگو مەن گرۋزيا ستراتەگيالىق سەرىكتەستىك قاتىناس ورناتقاننان كەيىن ەكى جاقتىڭ ساياسي سەنىمدىلىگى بارعان سايىن بەكەمدەلىپ، ناقتى سەلبەستىگى جەدەل ىلگەرىلەپ، كوپ جاقتى سەلبەستىك اناعۇرلىم ناتيجەلى بولدى.
شي جينپيڭ بىلاي دەپ باسا دارىپتەدى: حالىقارالىق جاعداي قالاي وزگەرسە دە، جۇڭگو جاق جۇڭگو - گرۋزيا قاتىناسىنا باستان - اياق ستراتەگيالىق بيىكتىكتەن جانە ۇزاق بولاشاقتىق تۇرعىدان قارايدى. وسى ورايدا مەن كاۆەلاشۆيلي زۇڭتۇڭمەن بىرگە جۇڭگو - گرۋزيا قاتىناسىن جالپى بەتتىك ستراتەگيالىق سەرىكتەستىك قاتىناس دەڭگەيىنە كوتەرۋدى جاريالاعىم كەلەدى. مۇنىڭ جۇڭگو - گرۋزيا قاتىناسىنىڭ دامۋىنا جاڭا بولاشاق اشىپ، ەكى ەلدىڭ ءداستۇرلى دوستىعىنىڭ ۇزدىكسىز جاڭا داستانىن جازىپ، ەكى جاقتىڭ ءوزارا ءتيىمدى سەلبەستىگىنە پارمەندى قوزعاۋشى كۇش ۇستەپ، جۇڭگو - گرۋزيا حالقىنا اناعۇرلىم كوپ ىرىس - قۇت جاراتاتىندىعىنا سەنەمىن.
كاۆەلاشۆيلي مىنالاردى ءبىلدىردى: وتكەن 30 جىلعا قايىرىلا قاراساق، گرۋزيا مەن جۇڭگو ۇزاق ۋاقىتتىق دوستىق ورناتتى، ەكى جاقتى قاتىناس ءوزارا قۇرمەت ەتۋ، ءوزارا سەنۋ، سىندارلى سەلبەستىك نەگىزىندە تابىسقا قول جەتكىزدى. ەكى ەلدىڭ ديپلوماتيالىق قاتىناس ورناتقاندىعىنىڭ 34 جىلدىعى قارساڭىندا ءبىز گرۋزيا - جۇڭگو قاتىناسىن جالپى بەتتىك ستراتەگيالىق سەرىكتەستىك دەڭگەيگە كوتەرۋدى بىرگە ۇيعاردىق. مۇنىڭ ەكى ەلدىڭ سەلبەستىگىنە اناعۇرلىم كوپ وراي جاراتىپ، ەكى ەلگە اناعۇرلىم زور پايدا جەتكىزەتىندىگىنە، سونداي - اق ەكى ەل حالقىنىڭ دوستىق دانەكەرىن ونان ارى كۇشەيتەتىندىگىنە سەنەمىن.
كەلۋ قاينارى: حالىق تورابى
