ورتالىق ۇيىمداستىرۋ ءبولىمى ورتالىقتىڭ باسقارۋىنداعى پارتيا جارناسىنان 427 ميلليون يۋاندى ”1 – تامىز“ قارساڭىندا حال سۇراۋ قيمىلىن ورىستەتۋگە جۇمسايدى

شينحۋا اگەنتتىگىنىڭ 6 – ايدىڭ 15 – كۇنى بەيجيڭنەن بەرگەن حابارى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ قالىڭ پارتيا مۇشەلەرىنە، كادرلارعا، بۇقاراعا دەگەن قامقورلىعى مەن كوڭىل ءبولۋىن تولىق ايگىلەۋ ءۇشىن، تاياۋدا ورتالىق ۇيىمداستىرۋ ءبولىمى ورتالىقتىڭ پارتيا جارناسىنان 427 ميلليون يۋان اجىراتىپ، ”1 – تامىز“ قارساڭىندا حال سۇراۋ قيمىلىن ورىستەتۋگە جۇمسايدى. وسى رەتكى حال سۇراۋ وبيەكتىسى ەڭبەڭ ءسىڭىرىپ، داڭققا يە بولعان پارتيا مۇشەلەرى، تۇرمىسىندا قيىنشىلىعى بار پارتيا مۇشەلەرى، ساقا پارتيا مۇشەلەرى، ساقا كادرلار جانە قۇربانداردىڭ وتباسىنداعىلار، ۇكىمەت قىزمەتى جولىندا قۇربان بولعان پارتيالى كادرلاردىڭ وتباسىنداعىلار. ورتالىق كوميتەتتىڭ ۇيىمداستىرۋ ءبولىمى مىنانى تالاپ ەتتى: ورىندار، تاراۋلار حال سۇراۋ قيمىلىن كوڭىل قويىپ قانات جايدىرىپ، ناقتى قيىنشىلىقتاردى شەشۋگە كومەكتەسۋ كەرەك؛ ءوز دارەجەسىندەگى پارتيا جارناسىن باسقارۋدان سايكەستى قارجىنى تەز ارادا تياناقتاندىرىپ، ”1 – تامىزدان“ بۇرىن حال سۇراۋ وبيەكتىلەرىنىڭ قولىنا تاراتۋعا كەپىلدىك ەتۋ كەرەك.

كەلۋ قاينارى: حالىق تورابى