مەملەكەتتىك پارتيا قۇرىلىسى قىزمەتى اڭگىمە ءماجىلىسى بەيجيڭدە اشىلدى

«حالىق گازەتى»، 6 - ايدىڭ 15 - كۇنى، بەيجيڭ (ءتىلشى جاڭ ياڭ). مەملەكەتتىك پارتيا قۇرىلىسى قىزمەتى اڭگىمە ءماجىلىسى 6 - ايدىڭ 15 - كۇنى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ماجىلىسكە قاتىناستى.

ءماجىلىس بىلاي دەپ قارادى: پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى قانداي ۇزاق ۋاقىت بيلىك جۇرگىزەتىن ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭ پارتيا قۇرىلىسى يدەياسىن قالىپتاستىردى. شي جينپيڭ پارتيا قۇرىلىسى يدەياسى _ شي جينپيڭ جاڭا ءداۋىر جۇڭگو ۇلگىسىندەگى سوتسياليزم يدەياسىنىڭ ماڭىزدى قۇرامداس بولىگى، ماركسيزمدىك پارتيا قۇرۋ ءىلىمىن دامىتۋعا كەلەلى ءتول جاسامپازدىق ۇلەس قوسۋ، پارتيانى قۇدىرەتتەندىرۋ، مەملەكەتتى قۇدىرەتتەندىرۋ جونىنەن كەلەلى رەال مانگە جانە ۇزاق بولاشاقتىق جەتەكشىلىك مانگە يە.

ءماجىلىس مىنالاردى اتاپ كورسەتتى: شي جينپيڭ پارتيا قۇرىلىسى يدەياسى _ جاڭا داۋىردەگى پارتيا قۇرىلىسىن كۇشەيتۋدىڭ ءتۇبىرلى تياناعى. بۇل يدەيادا مىنالار ايقىن العا قويىلدى: پارتيانىڭ باسشىلىعىنا تاباندى بولۋ جۇڭگو ۇلگىسىندەگى سوتسياليزمنىڭ ەڭ ماندىك ەرەكشەلىگى سانالادى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ، پارتيانى جاپپاي قاتاڭ جونگە سالۋعا تاباندى بولۋ، اۋەلگى ماقساتتى ۇمىتپاي، بورىشتى ەستە بەرىك ساقتاۋعا تاباندى بولۋ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولۋ، پارتيانىڭ جاڭالىق اشۋ نازارياسىمەن زەيىن - زەردەنى، رۋحتى سومداۋعا تاباندى بولۋ، بەرىك پارتيالىلىقتى شىڭداۋعا تاباندى بولۋ، جوعارى مەن تومەن تۇتاسقان، پارمەندى اتقارىلاتىن ۇيىمدىق جۇيەنى اقاۋسىزداندىرۋعا تاباندى بولۋ، ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرۋعا تاباندى بولۋ، ستيل قۇرىلىسىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتۋگە تاباندى بولۋ، قاتاڭ ءتارتىپ ارقىلى بۇكىل پارتيانى باسقارۋعا، بۇكىل پارتيانى جونگە سالۋعا تاباندى بولۋ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇتاس ىلگەرىلەتۋگە تاباندى بولۋ، پارتيانى ءتۇزىم ارقىلى جونگە سالۋعا، پارتيانى ەرەجە بويىنشا جونگە سالۋعا تاباندى بولۋ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن تياناقتاندىرۋعا تاباندى بولۋ كەرەك، مۇنىڭ مازمۇنى باي، جۇيەسى قاتاڭ. بۇل يدەيا ماركسيزمنىڭ عىلمي نازارياسىنان باستاۋ العان، جۇڭحۋانىڭ تاڭداۋلى ءداستۇرلى مادەنيەتىنە تامىر تارتقان، جاڭا داۋىردە پارتيانى جاپپاي قاتاڭ جونگە سالۋدىڭ ۇلى امالياتىنا جەتىلگەن، بەرىك امالياتتىق نەگىزگە جانە تەرەڭ نازاريالىق قاينارعا يە. بۇل يدەيا بەرىك مۇرات - سەنىمدى، وسكەلەڭ تاريحي ىرىقتىلىقتى، ايقىن ماسەلەنى نىشان ەتۋدى، كۇشتى بورىش ارقالاۋدى، حالىققا دەگەن تەرەڭ سۇيىسپەنشىلىكتى، عىلمي يدەيالىق ءادىستى ايگىلەدى، ايقىن نازاريالىق قاسيەتكە يە.

بۇل يدەيا تاريحتى، رەالدىقتى جانە بولاشاقتى ساباقتاستىرىپ، جاڭا داۋىردەگى پارتيا قۇرىلىسى امالياتىنىڭ دامۋىنا ىلەسە ۇزدىكسىز بايىدى جانە دامىدى.

ءماجىلىس مىنالاردى باسا دارىپتەدى: شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ ماڭىزدى ساياسي مىندەتى. پارتيا مۇشەلەرىن، كادرلاردى ءتۇپ نۇسقانى وقىپ، ءتۇپ نۇسقانى ۇيرەنىپ، قاعيدانى ۇعىنىپ، ونىڭ سولاي ەكەنىن بىلۋمەن بىرگە، سەبەبىن دە ءبىلىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باتىل ورىنداۋعا ۇيىمداستىرۋ كەرەك. جۇيەلىلەندىرىپ، عىلمي قاعيدالاندىرىپ زەرتتەۋدى جانە ءتۇسىندىرۋدى ۇيىمداستىرىپ، وسى يدەيانىڭ قاعيدا جەتىستىكتەرىن، ءتول ۇلەسىن جانە عىلمي جۇيەسىن، باي مازمۇنىن، رۋحاني ءمانىن، امالياتتىق تالابىن ىشكەرىلەي ءتۇسىندىرىپ، پارتيا مۇشەلەرى، كادرلار، بۇقارا ۇناتاتىن تاسىلمەن ۇگىت جۇرگىزۋ كەرەك. شي جينپيڭ پارتيا قۇرىلىسى يدەياسىن ۇيرەنۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، ءار دارەجەلى پارتيا ۇيىمدارىن سانالى تۇردە شي جينپيڭ پارتيا قۇرىلىسى يدەياسى ارقىلى پارتيا قۇرىلىسىن جوبالاپ جانە ىلگەرىلەتىپ، پارتيانى جاپپاي قاتاڭ جونگە سالۋ قىزمەتتەرىن اناعۇرلىم جوعارى ولشەممەن، اناعۇرلىم ناقتى شارامەن ويداعىداي يگەرۋگە باستاۋ كەرەك.

شى تايفىڭ ءماجىلىستى باسقاردى، لي شۋلەي، ليۋ جينگو، مۋ حۇڭ ماجىلىسكە قاتىناستى.

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى، ورتالىق ۇيىمداستىرۋ ءبولىمى، ورتالىق ۇگىت ءبولىمى، ورتالىق پارتيا مەكتەبى (مەملەكەتتىك اكىمشىلىك شۋەيۋانى)، ورتالىق پارتيا تاريحى جانە قۇجات زەرتتەۋ ورنى، مەملەكەتتىك پارتيا قۇرىلىسىن زەرتتەۋ قوعامى، جىجياڭ ولكەلىك پارتكوم ۇيىمداستىرۋ ءبولىمىنىڭ، بەيجيڭ داشۋەسىنىڭ جاۋاپتى جولداستارى پىكىر اۋىستىرىپ، ءسوز سويلەدى (سويلەنگەن سوزدەردىڭ ىقشامدالعان نۇسقاسىن «حالىق گازەتىنىڭ» 6 -، 7 - بەتتەرىنەن وقي الاسىزدار).

ورتالىق كوميتەت پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى ورىندارىنىڭ، ءارقايسى ولكە، اۆتونوميالى رايون، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانى پارتكومدارىنىڭ ۇيىمداستىرۋ بولىمدەرىنىڭ، مەملەكەتتىك پارتيا قۇرىلىسىن زەرتتەۋ قوعامىنىڭ جاۋاپتى جولداستارى، مامان - وقىمىستىلاردىڭ ۋاكىلدەرى قاتارلىلار ماجىلىسكە قاتىناستى.