قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى ”كۇمىس تۇلكى“ ترويان ۆيرۋسىنا سوققى بەرۋگە قاتىستى 5 تيپتىك دەلونى جاريالادى 

شينحۋا اگەنتتىگىنىڭ ءتىلشىسى لي ميڭحۇي 6 - ايدىڭ 16 – كۇنى بەيجيڭنەن حابارلايدى. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى 6 - ايدىڭ 16 - كۇنى ”كۇمىس تۇلكى” ترويان ۆيرۋسىنا سوققى بەرۋگە قاتىستى 5 تيپتىك دەلونى جاريالاپ، ينتەرنەتپەن قاتىستى وسى تەكتەس جاڭا تيپتەگى زاڭعا قايشى الىنەن اسقان قىلمىستاردىڭ اپتىعىن باتىلدىقپەن باسىپ، ينتەرنەت كەڭىستىگىنىڭ حاۋىپسىزدىگىن قورعادى.

5 تيپتىك دەلونى قورىتىندىلاي كەلە، قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسىنىڭ قاتىستى جاۋاپتىسى مىنانى ءبىلدىردى: مۇنداي ”كۇمىس تۇلكى” ترويان ۆيرۋسىنىڭ جاسىرىنۋ قابىلەتى كۇشتى، كاسىپورىن، مەكەمە قىزمەتكەرلەرىنە، اسىرەسە، قازىناعا قاتىستى قىزمەتكەرلەرگە ارناۋلى تۇردە نىسانالى شابۋىل جاساپ، كومپيۋتەردى الىستان باسقارۋ، تىركەلگى مەن قۇپيا ءنومىردى ۇرلاۋ، كەلتە حاتپەن كۋالاندىرۋ ءنومىرىن ءبىلىپ الۋ، قۇپيا ساندى مالىمەتتەردى ۇرلاۋ قاتارلى زاڭعا قايشى ارەكەتتەردى جۇزەگە اسىرادى، بۇل جۇرتشىلىقتىڭ مال - مۇلىك حاۋىپسىزدىگىنە اۋىر زيان جەتكىزىپ، قالىپتى ينتەرنەت ءتارتىبىن بۇلدىرەدى.

مالىمەتكە قاراعاندا، 5 دەلودا جەرگىلىكتى قوعام حاۋىپسىزدىگى ورگاندارى قاتىستى قىلمىس كۇماندىلارىنا زاڭ بويىنشا قىلمىستىق ىستەرگە باعىتتالعان ماجبۇرلەۋ شارالارىن قولدانعان.

ينتەرنەت ساقشىسىلارى مىنانى ەسكەرتەدى: مۇنداي ترويان ۆيرۋسىنان ءۇش ءتۇرلى جاقتان ساقتانۋ جانە ءبىرجاقتى ەتۋ شارالارىن قولدانۋ كەرەك. بىرىنشىدەن، قاينارىنان باستاپ ساقتانۋ، جۇمساق بولشەكتەردى، ءسوزسىز، رەسمي ينتەرنەت پاراقشالارىنان ءتۇسىرۋ، ءجيى قولدانىلاتىن جۇمساق بولشەكتەردىڭ رەسمي ينتەرنەت پاراقشالارىن تور شولعىشقا ساقتاپ قويىپ، ءار رەت ىزدەۋ پاراقشالارى ارقىلى ىزدەۋدەن اۋلاق بولۋ، ىزدەۋ پاراقشالارىنداعى ”جارناما“، ”تانىستىرۋ“ دەپ بەلگىلەنگەن ءتۇسىرۋ جالعانىمىنان ساق بولۋ كەرەك. ەكىنشىدەن، قولدانۋ بارىسىندا ساقتانۋ، جالعانىمدى جىبەرۋشىنىڭ سالاۋاتىن انىقتاۋعا، جالعانىم ادرەسىن پارىقتاۋعا، سەزىمتال ينفورماتسيانى تولتىرماۋعا نازار اۋدارۋ كەرەك. ۇشىنشىدەن، شۇعىل ءبىرجاقتى ەتۋدى ۇيرەنۋ، ەگەر كومپيۋتەردە قالىپسىزدىق بايقالسا، دەرەۋ ينتەرنەتتى ءۇزىپ، ۆيرۋسقا قارسى كاسىپتىك جۇمساق بولشەكتەرمەن بارلىق ديسكلەردى تەكسەرۋ كەرەك.

كەلۋ قاينارى: حالىق تورابى