ورتاشادان باستاپ قالىڭ جاڭبىر جاۋادى! ءىشىنارا جەرلەردە نوسەر جاۋادى! دۋان - ۋ مەرەكەسى دەمالىسىنداعى شينجياڭنىڭ اۋا رايىنان مالىمەت

6 – ايدىڭ 17 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، دۋان – ۋ مەرەكەسى كەزىندە (6 – ايدىڭ 19 – كۇنىنەن 21 – كۇنىنە دەيىن) سولتۇستىك شينجياڭنىڭ باتىس بولەگىندە، وڭتۇستىك شينجياڭدا كورنەكتى جاۋىن - شاشىن بولادى، تيانشاننىڭ سولتۇستىك بەتكەيى، بايىنعولىن موڭعۇل اۆتونوميالى وبلىسىنىڭ وڭتۇستىگى، شىعىس شينجياڭ قاتارلى جەرلەردە تەمپەراتۋرا ءبىرشاما جوعارى بولادى، بۇكىل شينجياڭدا ”باتىستا جاڭبىر، شىعىستا ىستىق “ سىندى اۋا رايى جاعدايى جارىققا شىعادى.

الدىن الا مالىمەتتە كورسەتىلۋىنشە، 6 – ايدىڭ 19 – كۇنىنەن 21 - كۇنىنە دەيىن سولتۇستىك شينجياڭنىڭ باتىس بولەگى، وڭتۇستىك شينجياڭنىڭ باسىم كوپ بولەگى جانە تارباعاتاي ايماعى، التاي ايماعى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى، تۇرپان قالاسىنىڭ سولتۇستىك تاۋلى رايونى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، بيىك تاۋلى وڭىرلەردە قار جاۋادى. مۇنىڭ ىشىندە ىلە اڭعارى، بۇراتالا موڭعۇل اۆتونوميالى وبلىسىنىڭ تاۋلى رايونى، تارباعاتاي ايماعىنىڭ وڭتۇستىك تاۋلى رايونى، شىحىزى قالاسىنىڭ وڭتۇستىك تاۋلى رايونى، ءۇرىمجى قالاسىنىڭ وڭتۇستىك تاۋلى رايونى، سانجى وبلىسىنىڭ تاۋلى رايونى، قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعى، اقسۋ ايماعى، بايىنعولىن وبلىسى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى، ىلە وزەنى اڭعارى، بۇراتالا وبلىسىنىڭ تاۋلى رايونى، قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعى، اقسۋ ايماعى، بايىنعولىن وبلىسى قاتارلى جەرلەردىڭ ءىشىنارا جەرلەرىندە نوسەر جاۋادى. جوعارىدا ايتىلعان ءىشىنارا وڭىرلەر مەن شىعىس شينجياڭدا باتىس سولتۇستىكتەن 5 بال اينالاسىندا بوران سوعادى، جەل وتىندە 9 دا 10 بالعا جەتەدى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا بوران سوعادى، مەزەتتىك جەل كۇشى 8 دە 9 بالعا جەتەدى، ءىشىنارا جەرلەردە قۇمدى بوران سوعادى.

جوعارى تەمپەراتۋرا جاعىندا، تيانشاننىڭ سولتۇستىك بوكتەرىندە، بايىنعولىن وبلىسىنىڭ وڭتۇستىگىندە، شىعىس شينجياڭدا 35 سەلتسي گرادۋستان اساتىن جوعارى تەمپەراتۋرا جارىققا شىعادى. مۇنىڭ ىشىندە بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسىنىڭ سولتۇستىك بولەگى، سانجى وبلىسى، بايىنعولىن وبلىسىنىڭ وڭتۇستىك بولەگى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە ەڭ جوعارى تەمپەراتۋرا 37 سەلتسي گرادۋستان اسادى، قارامايلى قالاسى، تۇرپان قالاسى، قۇمىل قالاسى قاتارلى جەرلەردىڭ ءىشىنارا جەرلەرىنىڭ تەمپەراتۋراسى 40 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىنىڭ تەمپەراتۋراسى 45 سەلتسي گرادۋستان اسادى.

دۋان – ۋ مەرەكەسى كەزىندە ۇرىمجىدە نەگىزىنەن كۇن اشىق بولادى نەمەسە بۇلتتى بولادى، ەڭ جوعارى تەمپەراتۋرا 32 سەلتسي گرادۋستان 35 سەلتسي گرادۋسقا دەيىن بولادى، ەڭ تومەنگى تەمپەراتۋرا 21 سەلتسي گرادۋستان 23 سەلتسي گرادۋسقا دەيىن بولادى.

كەلۋ قاينارى: حالىق تورابى