مەملەكەتتىك دەنساۋلىق ساقتاۋ جانە سالاماتتىق كوميتەتى: ناركوزدىك دارىلەر مەن پسيحيكالىق دارىلەردى قاتاڭ باسقارۋ كەرەك

مەملەكەتتىك دەنساۋلىق ساقتاۋ جانە سالاماتتىق كوميتەتى كەشە اقپار جاريالاۋ ءماجىلىسىن اشىپ، ناركوزدىك دارىلەر مەن پسيحيكالىق دارىلەردى باسقارۋعا قاتىستى جاعدايلاردى تانىستىردى. تانىستىرۋعا قاراعاندا، بيىل 6 – ايدىڭ 26 - كۇنى 39 – رەتكى حالىقارالىق ەسىرتكىگە تيىم سالۋ كۇنى. «جۇڭحۋا حالىق رەسپۋبليكاسىنىڭ ەسىرتكىگە تيىم سالۋ زاڭىنا» نەگىزدەلگەندە، ەسىرتكى دەگەنىمىز اپيىن، حەروين، كريستال ەسىرتكى (مەتيل) قاتارلى زاتتاردى قامتىپ قالماستان، مەملەكەت باسقارۋعا الۋدى بەلگىلەگەن باسقا دا ادامدى قۇمارلاندىراتىن ناركوزدىك دارىلەر مەن پسيحيكالىق دارىلەردى دە قامتيدى.

مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ ەسكەرتۋى

ناركوزدىك دارىلەر مەن پسيحيكالىق دارىلەردى ۇيلەسىمدى پايدالانۋ اۋرۋدى ەمدەۋگە، سىرقىراپ اۋرۋدى تىزگىندەۋگە پايدالى، ۇيلەسىمسىز پايدالانسا قۇمارتاتىن جاعداي جانە باسقا دا كەرى اسەر بەرەتىن جاعداي تۋىلۋى مۇمكىن. جوعارىدا ايتىلعان دارىلەردى، ءسوز جوق، شيپاگەردىڭ تاپسىرۋى بويىنشا ساتىپ الۋ، جۇيەلى پايدالانۋ كەرەك، پايدالانۋ بارىسىندا شيپاگەردىڭ تاپسىرۋى بويىنشا ۋاقىتىندا قايتالاي دياگنوز قويۋ كەرەك، ءوز بەتىمەن ءدارى ساتىپ الىپ ىستەتۋگە نەمەسە رەتتەۋگە بولمايدى.

ۋاقىتى وتكەن جانە اسىپ قالعان ناركوزدىك دارىلەر مەن پسيحيكالىق دارىلەردى بەلگىلەمە بويىنشا ەمدەۋ قۇرىلىمدارىنا قايتارىپ بەرۋ كەرەك، باسقالارعا وتكەرمەلەپ ساتۋعا بولمايدى.

ناركوزدىك دارىلەر مەن پسيحيكالىق دارىلەردى الداپ ساتىپ الۋ، اشىپ ساتۋ، وتكەرمەلەۋ ەسىرتكىمەن اينالىسۋ قىلمىسىنا سايۋى ءارى سايكەستى زاڭدىق جاۋاپكەرشىلىك ارقالاۋى مۇمكىن.

يۇيمەي تابلەتكاسى، پرەگابالين قاتارلى ءبىر ءبولىم دارىلەر ناركوزدىك دارىلەر مەن پسيحيكالىق دارىلەر تىزىمدىگىنە ەنگىزىلمەگەنىمەن، قۇمارتىپ قالۋ سيپاتتى حاۋىپ - قاتەرگە يە، ۇيلەسىمسىز پايدالانۋ دا نەرۆتى، قان تامىر جۇيەسىن زاقىمداۋى، ءتىپتى ومىرگە حاۋىپ ءتوندىرۋى مۇمكىن. ساتىپ الۋ، پايدالانۋ بارىسىندا ابايلاۋ، قىراعى بولۋ كەرەك.

كەلۋ قاينارى: حالىق تورابى