شينجياڭ ”التىن قالقانمەن تىنىشتىقتى قورعاۋ“ جازعى قيمىلىن باستادى، زاڭعا قايشى ءتۇرلى كورنەكتى قىلمىستارعا قاتاڭ سوققى بەرەدى

6 ـ ايدىڭ 15 ـ كۇنى، شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسى، بيڭتۋان قوعام حاۋىپسىزدىگى مەكەمەسى 2026 شينجياڭ قوعام حاۋىپسىزدىگى ورگانىنىڭ ”التىن قالقانمەن تىنىشتىقتى قورعاۋ“ جازعى ارەكەتىن ورنالاستىرىپ باستاپ، ساياسي حاۋىپسىزدىك پەن قوعام ورنىقتىلىعىن شىنايى قورعاپ، جاز مەزگىلىندەگى زاڭعا قايشى ءتۇرلى كورنەكتى قىلمىستارعا قاتاڭ سوققى بەرىپ، ەكونوميكانىڭ، قوعامنىڭ جوعارى ساپالى دامۋىن قورعايدى.

جازعى ارەكەت 10 – ايدىڭ 7 - كۇنىنە دەيىن جالعاسادى، شينجياڭنىڭ جازعى اماندىق جاعدايى، تۇنگى ەكونوميكانىڭ دامۋى، ساياحات جولاۋشى اعىنىنىڭ جوعارىلاۋى قاباتتاسۋ ەرەكشەلىگىمەن تىعىز ۇشتاستىرىپ، ماسەلەنى باعدار ەتۋدەن، دالمە - ءدال شارا قولدانۋدان جازباي، جازدا قوعام اماندىعى بىلىقپالىعى كوپ تۋىلاتىن جاعدايدى ارقاۋ ەتىپ، سوققى بەرۋ، ساقتانۋ، باسقارۋ، جونگە سالۋ شارالارىن جان ـ جاقتى ناقتى يگەرىپ، زاڭعا قايشى قىلمىستىق ارەكەتتەردىڭ تۋىلۋ مولشەرىن شىنايى تومەندەتىپ، ءتۇرلى حاۋىپسىزدىك كومەسكى قاتەرىن جويادى.

قيمىل كەزىندە، شينجياڭداعى ءار دارەجەلى قوعام حاۋىپسىزدىگى ورگاندارى قاتاڭ سوققى بەرۋدىڭ تەگەۋرىندى كۇيىن ساقتاۋدان اۋىتقىماي، زورلىقتى كۇش لاڭكەستىك وقيعالارىنىڭ تۋىلماۋىنىڭ سوڭعى شەگىن باتىل ساقتايدى. قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىشكەرىلەي ىلگەرىلەتىپ، تەلەگراف، توراپ الدامكوستىگىنە، اۋىر زورلىقتى كۇش قىلمىسىنا جانە ەسىرتكى قىلمىسىنا ”استە كەشىرىم ەتپەيدى“. جاز ماۋسىمىندا كوپ تۋىلاتىن بەتالدى سوقتىعىپ سويقان شىعارۋ، قاساقانا زاقىمداۋ، اراق ءىشىپ توبەلەسۋ قاتارلى كوشەدەگى زاڭعا قايشى قىلمىستىق ارەكەتتەرگە باعىتتاي وتىرىپ، ”تەز بارلاۋ، تەز ءبىتىرۋ“ مەحانيزمىن تياناقتاندىرىپ، حالىق بۇقاراسىنا حاۋىپسىزدىكتىڭ جانىندا ەكەندىگىن سەزىندىرەدى.

شينجياڭداعى ءار دارەجەلى قوعام حاۋىپسىزدىگى ورگاندارى ادام شوعىرلانعان ورىندار سياقتى ءتۇيىندى وڭىرلەرگە قاداعالاي نازار اۋدارىپ، حاۋىپسىزدىك كومەسكى قاتەرىن تەكسەرۋدى شوعىرلى ورىستەتىپ، اماندىق جاعىنداعى بىلىقپالىقتى جونگە سالۋدى كۇشەيتەدى. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، قايشىلىقتار مەن داۋ - شارلاردى ىشكەرىلەي تەكسەرىپ جانە شەشىپ، ەرتە باستان، ۇساق ىستەردەن باستاپ يگەرىپ، تۋ باستان ساقتانادى.

قوعام حاۋىپسىزدىگى ورگاندارى جول قاتىناس ءتارتىبىن باسقارۋدى كۇشەيتىپ، ءتۇيىندى قاتىناس زاڭىنا قايشى 11 ءتۇرلى ارەكەتتى قاتاڭ باسقارىپ، اۋىر، ەرەكشە اۋىر قاتىناس شىرعالاڭىنان بار كۇشپەن ساقتانادى. الدامكوستىككە قارسى تۇرۋ، ۇرىدان ساقتانۋ، ورتتەن ساقتانۋ، سۋعا كەتۋدەن ساقتانۋ سياقتى حاۋىپسىزدىك ۇگىتىن كەڭىنەن ورىستەتەدى. قوعام حاۋىپسىزدىگى، اۋا رايى، شۇعىل جاعدايعا توتەپ بەرۋ، قاتىناس قاتارلى تاراۋلاردىڭ بىرلەسىپ سەلبەسۋىن كۇشەيتىپ، كولەمدى قيمىلداردىڭ حاۋىپسىزدىگىن قورعاۋ جانە اپاتتان ساقتانۋ، اپات زيانىن ازايتۋ قىزمەتىن تىڭعىلىقتى ىستەپ، قوعامنىڭ ورنىقتى، ءتارتىپتى بولۋىنا كەپىلدىك ەتەدى.

دەمالىس كەزىندەگى كورىنىس وڭىرلەرىنىڭ اۆتوكولىك اعىنىنىڭ، ادام اعىنىنىڭ شوعىرلانۋ ەرەكشەلىگىنە باعىتتاي وتىرىپ، قاتىناۋ زاڭدىلىعىنا الدىن الا تۇجىرىم جاساپ، ساقشى كۇشىن عىلىمي، يكەمدى ورنالاستىرىپ، جولدىڭ حاۋىپسىز، بوگەتسىز بولۋىن بار كۇشپەن قامتاماسىز ەتىپ، ساياحاتشىلاردىڭ ءجۇرىس ـ تۇرىسىن ساپالاندىرادى، ساياحات بازارىنداعى بىلىقپالىقتى قاتاڭ جونگە سالىپ، بۇقارانىڭ اڭىسى كۇشتى بولعان ”قارا ساياحاتتاتۋشى“، ”قارا دانەكەر“ جانە ساياحاتقا ساياتىن ءماجبۇري ساتىپ الۋ، كۇشپەن ساتىپ بەرۋ قاتارلى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، تاماشا قوعام اماندىعى ورتاسى ارقىلى كورىكتى شينجياڭدى قورعايدى.

كەلۋ قاينارى: حالىق تورابى