قوعام حاۋىپسىزدىگى مينيسترلىگى ”تىنىش دالا – 2026“ ارناۋلى قيمىلىن ورىستەتۋدى ورنالاستىردى

شينحۋا اگەنتتىگىنىڭ 7 - ايدىڭ 9 – كۇنى بەيجيڭنەن بەرگەن حابارى. ءتىلشىنىڭ 7 - ايدىڭ 9 - كۇنى قوعام حاۋىپسىزدىگى مينيسترلىگىنەن ۇعىسۋىنشا، تاياۋدا قوعام حاۋىپسىزدىگى مينيسترلىگى ۇقتىرۋ شىعارىپ، بۇكىل ەلدەگى قوعام حاۋىپسىزدىگى ورگاندارىنىڭ بيىل 6 - ايدىڭ سوڭىنان 12 - ايعا دەيىن ”تىنىش دالا – 2026“ ارناۋلى قيمىلىن ورىستەتىپ، قۇستار قاتارلى جابايى حايۋاناتتارعا زيان جەتكىزەتىن قىلمىستىق ارەكەتتەرگە زاڭ بويىنشا ۇزدىكسىز قاتاڭ سوققى بەرىپ، قارا، سۇرى كاسىپ تىزبەگىن باتىل ءۇزىپ، كەشەندى جونگە سالۋدى ىلگەرىلەتىپ، ەكولوگيالىق حاۋىپسىزدىك قالتقىسىن شىنايى بەكەمدەپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەۋدى ورنالاستىردى.

ۇقتىرۋدا مىنالار تالاپ ەتىلدى: قوعام حاۋىپسىزدىگى ورگاندارىنىڭ فۋنكسيالىق رولىن تولىق ساۋلەلەندىرىپ، نازاردى ءتۇيىندى وڭىرلەرگە، ورىندارعا شوعىرلاندىرىپ، دەرەكتەردىڭ كەلۋ قاينارىن كەڭەيتىپ، تۇجىرىمداۋدى، تالداۋ جاساۋدى كۇشەيتىپ، دالمە – ءدال سوققى بەرۋ قابىلەتىن ۇزدىكسىز جوعارىلاتۋ كەرەك. دەلونى اشۋدان قامال الۋعا كۇش سالىپ، سوققى بەرۋ ءتۇيىنىن كورنەكتىلەندىرىپ، نازاردى مىلتىققا، ۇشقىشسىز ۇشاققا ساياتىن زاڭسىز اڭ اۋلاۋ، ينتەرنەتتە ”جابايى حايۋاناتتى“ جەۋ قاتارلى ماسەلەلەرگە شوعىرلاندىرىپ، قۇستار قاتارلى جابايى حايۋاناتتارعا زالال جەتكىزەتىن قىلمىستارعا سىلەيتە سوققى بەرىپ، قىلپى بىلىنە سالا سوققى بەرۋ كەرەك. دەلونى بارلاۋدى، باسقارۋدى قاداعالاپ، اۋلاۋ، ساتىپ الۋ، ءبولىپ ساتۋ سياقتى بۋىندارعا تۇتاس تىزبەكتى سوققى بەرىپ، قىلمىس تورابىن باتىل تالقانداۋ كەرەك. توپتاسقان، ءوڭىر اتتاعان دەلولارعا شوعىرلى سوققى بەرىپ، ”ءبىر دەلونى ءبىر جاقتى ەتۋ ارقىلى ءبىر ٴوڭىردى سەسكەندىرۋ، ءبىر ءوڭىردى تازارتۋدى“ جۇزەگە اسىرۋ كەرەك. قاتىستى تاراۋلارمەن بىرگە كومەسكى قاتەرى شوعىرلى، ماسەلەسى كورنەكتى ءبىر توپ رايونداردى، كاسىپتەردى تەكسەرىپ، رەتتەپ، قارا، سۇرى كاسىپ تىزبەگىن باتىل جونگە سالۋ كەرەك. حالىقارالىق زاڭ اتقارۋ سەلبەستىگىن كۇشەيتىپ، مەملەكەت (شەكارا) اتتاعانجابايى حايۋاناتتارعا زالال جەتكىزۋ قىلمىستارىنا زاڭ بويىنشا قاتاڭ سوققى بەرىپ، الەمدىك جونگە سالۋدى جەبەۋ كەرەك.