مەملەكەتتىك كەڭەس «تۇتىنۋدى كەڭەيتۋدىڭ ”15 - بەسجىلدىق“ جوباسىنا» بەكىتپە جاۋاپ قايتاردى

شينحۋا اگەنتتىگى، 7 - ايدىڭ 13 - كۇنى، بەيجيڭ. جۇڭگو ۇكىمەت تورابىنىڭ 7 - ايدىڭ 13 - كۇنگى حابارىنا قاراعاندا، مەملەكەتتىك كەڭەس «تۇتىنۋدى كەڭەيتۋدىڭ ”15 - بەسجىلدىق“ جوباسىنا» بەكىتپە جاۋاپتى باسىپ تاراتىپ، «تۇتىنۋدى كەڭەيتۋدىڭ ”15 - بەسجىلدىق“ جوباسىنا» پرينسيپتىك جاقتان قوسىلعان.

بەكىتپە جاۋاپتا مىنالار اتاپ كورسەتىلدى: جوبانى اتقارۋدا ىشكى سۇرانىستى كەڭەيتۋ سىندى ستراتەگيالىق نەگىزگى تۇيىنگە تاباندى بولىپ، تۇتىنۋدى سەرپىلتۋ ارناۋلى ارەكەتىن ىشكەرىلەي اتقارىپ، قىزمەت وتەۋ تۇتىنۋىن كەڭەيتىپ، تاۋار تۇتىنۋىنىڭ دارەجەسىن جوعارىلاتىپ، كاسىپ كۇيىن بايىتىپ، تۇتىنۋ قابىلەتىن جوعارىلاتىپ، تۇتىنۋ ورتاسىن ساپالىلاندىرىپ، ءتۇزىم - ساياساتتاردى اقاۋسىزداندىرىپ، تۇرعىنداردىڭ تۇتىنۋىن كەڭەيتۋدىڭ باياندى مەحانيزمىن كەمەلدەندىرىپ، تۇتىنۋدىڭ ەكونوميكانىڭ دامۋىنداعى نەگىزدىك رولىن اناعۇرلىم ويداعىداي ساۋلەلەندىرۋ كەرەك.

بەكىتپە جاۋاپتا مىنالار تالاپ ەتىلدى: ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى تۇتىنۋدى كەڭەيتۋدى ءوز رايوندارىنىڭ ”15 - بەسجىلدىق“ مەزگىلىندەگى ەكونوميكالىق جانە قوعامدىق دامۋىنىڭ ماڭىزدى مىندەتى ەتىپ، ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن ايقىنداپ، جەرگىلىكتى جاعدايعا قاراي تۇتىنۋدى كەڭەيتۋدىڭ ءونىمدى جولدارىن قاراستىرىپ، جوبادا العا قويىلعان نىسانالىق مىندەتتەر مەن ساياساتتىق شارالاردى ءىس جۇزىندىك جاعدايمەن ۇشتاستىرا وتىرىپ ويداعىداي تياناقتاندىرۋى كەرەك.