”15 – بەسجىلدىقتىڭ“ سوڭىندا شينجياڭ ورتالاۋ مەكتەپتەگى 10 وقۋشىنىڭ 8 ىن ادەتتەگى ورتا مەكتەپكە تۇسىرۋگە كۇش سالادى

7 - ايدىڭ 22 – كۇنى ”’15 - بەسجىلدىقتىڭ‘ باستاماسى“ اتىنداعى جەلىلەس تاقىرىپتىق اقپار جاريالاۋ ءماجىلىسى (9 – مايدان) ۇرىمجىدە وتكىزىلدى، ءتىلشىنىڭ اقپار جاريالاۋ ماجىلىسىنەن ۇعىسۋىنشا، بيىل ادەتتەگى ورتا مەكتەپتەرگە وقۋشى قابىلداۋ جوسپارى تىڭنان %10 ارتقان، مۇنىڭ ىشىندە ساپالى ادەتتەگى ورتا مەكتەپتەرگە وقۋشى قابىلداۋدىڭ ارتۋ مولشەرى %5 تەن تومەن بولمايدى. ”15 – بەسجىلدىق“ مەزگىلىندە شينجياڭ اۋدان كولەمىندەگى ادەتتەگى ورتا مەكتەپتەردى گۇلدەندىرۋ جوسپارىن اتقارىپ، ”15 – بەسجىلدىقتىڭ“ سوڭىندا شينجياڭ بويىنشا ورتا مەكتەپ ساتىسىنداعى ادەتتەگى ورتا مەكتەپ پەن كاسىپتىك ورتا مەكتەپتىڭ سالىستىرماسىن 2: 8 گە جەتكىزۋگە كۇش سالادى، اتاپ ايتقاندا، 10 ورتالاۋ مەكتەپ وقۋشىسىنىڭ 8 ى ادەتتەگى ورتا مەكتەپكە تۇسەدى.

شينجياڭ ۇيعۇر اۆتونوميالى رايوندىق حالىق ۇكىمەتىنىڭ باس باقىلاۋشىسى، اۆتونوميالى رايوندىق وقۋ ـ اعارتۋ مەڭگەرمەسى پارتگرۋپپاسىنىڭ مۇشەسى سۇن چاڭبو بىلاي دەپ تانىستىردى: الداعى بەس جىلدا وقۋ ـ اعارتۋ بايلىعى وقۋ جاسىنداعى جان سانىنىڭ اۋقىمدىق رەتتەلۋىنە ىلەسىپ، وڭتۇستىك شينجياڭداعى 4 ايماق ـ وبلىس جانە ءۇرىمجى، قۇلجا قاتارلى سىرتتان كەلگەن جان سانى كوپ جەرلەردى ءتۇيىن ەتىپ، قالا ـ قالاشىقتاردىڭ وزەكتى وڭىرلەرىندە مەكتەپتەردى وزگەرتىپ، كەڭەيتىپ سالۋدى جەدەلدەتىپ، بوس تۇرعان وقۋ ـ اعارتۋ بايلىعىن جانداندىرىپ، وقىتۋ ورنىنىڭ جەتكىلىكتى بولۋىن قامتاماسىز ەتەدى؛ شەت ـ شالعاي اۋىل ـ قىستاقتاردا قاجەتتى اۋىل ـ قالاشىق جاتاقتى مەكتەپتەرى مەن اۋىل ـ قىستاق شاعىن مەكتەپتەرىن ويداعىداي قۇرىپ، قالا مەن اۋىلداعى بالالاردىڭ ۇيىنە جاقىن جەردەن جاقسى وقۋىنا مۇمكىندىك جاسايدى.

ەرەكشە وقۋ - اعارتۋ، ارناۋلى وقۋ - اعارتۋدى قامتاماسىزداندىرۋ قاتار ىلگەرىلەتىلدى. بيىل كەريا اۋدانىندا ەرەكشە وقۋ - اعارتۋ مەكتەپتەرىنىڭ قۇرىلۋىنا ىلەسە، شينجياڭدا 200 مىڭنان استام جان سانى بار اۋدان، قالالارداعى ەرەكشە وقۋ - اعارتۋ مەكتەپتەرىن جاپپاي قامتۋ نەگىزىنەن جۇزەگە اسىرىلادى. كەلەسى قادامدا شارت - جاعدايى بار ەرەكشە وقۋ - اعارتۋ مەكتەپتەرىنىڭ دايىندىق ءبولىمىن، تولىق ورتا ءبولىمىن جانە ورتا دارەجەلى كاسىپتىك ءبولىمىن قۇرۋىنا قولداۋ كورسەتىپ، ەرەكشە وقۋ - اعارتۋدىڭ ەكى جاققا قاراي كەڭەيۋىن ىلگەرىلەتەدى. بيىل كۇزدە بۇكىل شينجياڭداعى 9 ارناۋلى مەكتەپ تۇگەلدەي وقۋشى قابىلداپ، شينجياڭنىڭ نەگىزدىك وقۋ ـ اعارتۋ جۇيەسىن اناعۇرلىم كەمەلدەندىرەدى.

كەلۋ قاينارى: حالىق تورابى