تايفىڭ داۋىلىنان ساقتانۋدىڭ قىزىل ءتۇستى دابىلى جالعاستى قاعىلدى! ”ساۋدەل“ قۇرلىققا شىعۋ الدىندا تۇر 

بۇگىن (8 – ايدىڭ 28 - كۇنى) ساعات 6 دا، ورتالىق اۋا رايى ستانسياسى اۋا رايى حاۋىپ – قاتەرى جونىندەگى بىرنەشە ينفورماتسيانى جاريالاپ، ساقتىق دابىلىن قاقتى، ساقتانۋدى ەسكەرتتى.

تايفىڭ داۋىلىنان ساقتانۋدىڭ قىزىل ءتۇستى دابىلى قاعىلدى

بيىلعى 18 - ءنومىرلى تايفىڭ داۋىلى ”ساۋدەلدىڭ“ (كۇشتى تايفىڭ دارەجەسىندە) سەنترى بۇگىن (8 – ايدىڭ 28 - كۇنى) تاڭەرتەڭ ساعات 5 تە جىجياڭ ولكەسى ۋىنجوۋ قالاسىنىڭ شىعىسىنان شامامەن 130 كيلومەتر قاشىقتىقتاعى دۇڭحاي تەڭىزى اۋماعىندا بولدى، سەنترىنىڭ ماڭىنداعى ەڭ زور جەل كۇشى 14 بال بولدى.

مەجەگە قاراعاندا، ”ساۋدەل“ ساعاتىنا 20 كيلومەتر شاماسىنداعى جىلدامدىقپەن قيىس باتىس - وڭتۇستىككە قاراي جىلجىعان، قۋاتىندا زور وزگەرىس بولمايدى، 8 – ايدىڭ 28 - كۇنى تاڭەرتەڭنەن تۇسكە دەيىن جىجياڭداعى ۋىنليڭنان پيڭياڭعا دەيىنگى بەلدەۋدەن جاعالاۋعا ىلىنەدى (قارقىنى سەكۋندىنا 33 - 42 مەتر ، 12 - 14 بال، تايفىڭ داۋىلى نەمەسە كۇشتى تايفىڭ داۋىلى دارەجەسىندە)، قۇرلىققا ىلىنگەننەن كەيىن قۋاتى بىرتە - بىرتە السىرەيدى.

كەلۋ قاينارى: حالىق تورابى