قوش بول، بارسەلونا! ينيەستا وسى ماۋسىمدىق جارىس اقىرلاسقان سوڭ بارسەلونا كومانداسىنان كەتەتىنىن ايتتى

2018.04.28 15:01   كەلۋ قاينارى : حالىق تورابى

　　حالىق تورابى، 28 – ءساۋىر، بەيجيڭ.بارسەلونا كومانداسىنىڭ دوپشىسى ينيەستا 26 – ءساۋىر كۇنى اقپار جاريالاۋ جينالىسىن اشىپ، ءوزىنىڭ وسى ماۋسىمدىق جارىس اقىرلاسقان سوڭ بارسەلونا كومانداسىنان كەتەتىنىن جاريالادى.

　　ينيەستا بارسەلونا كومانداسى جاستار جاتتىعۋ بازاسىندا تاربيەلەنگەن، 18 جاسىنان باستاپ بارسەلونا كومانداسى اتىنان جارىسقا قاتىناسقاننان بەرى، 4 رەت ەۆروپا چەمپيوندار ليگاسىنىڭ اعا جۇلدەگەرى، 8 رەت يسپانيا ليگاسىنىڭ اعا جۇلدەگەرى، 6 رەت يسپانيا پاتشاسى ساۋىتى، 3 رەت ەۆروپا سۋپەر ساۋىتى، 3 رەت الەم كلۋبتار ساۋىتى، 7 رەت يسپانيا سۋپەر ساۋىتى قاتارلى 31 اعا جۇلدەگەرلىككە قول جەتكىزگەن، بۇل ماۋسىمدىق جارىستا تاعى ءبىر رەت يسپانيا ليگاسى اعا جۇلدەگەرلىگىن الۋدان ءۇمىت زور. سونىمەن ول مەسسيمەن قاتار، بارسەلونا فۋتبول كلۋبى تاريحىنداعى اعا جۇلدەگەرلىككە ەڭ كوپ قول جەتكىزگەن دوپشى بولدى.

　　كەلۋ قاينارى: حالىق تورابى