شينجياڭدا كومىر كەن شىرعالاڭىندا قامالىپ قالعان 17 ادام تۇگەل قازا بولدى

2014.07.08 13:24   كەلۋ قاينارى : حالىق تورابى

　　6 – شىلدە، قۇتقارۋشى قىزمەتكەرلەر كەن قۇدىعى اۋزىندا بۇيرىق كۇتىپ وتىر. شينحۋا اگەنتتىگىنىڭ ءتىلشىسى جياڭ ۋىنياۋ فوتوسى

　　حالىق تورابى، 8 – شىلدە، بەيجيڭ. شينحۋا تورابىنىڭ حابارلاۋىنشا، شينجياڭ داحۋاڭشان يۇيشين كومىر كاسىبى شەكتى جاۋاپكەرشىلىك سەرىكتىگىنىڭ 1 – ءنومىرلى كەن قۇدىعىندا تۋىلعان ۋلى گاز پارتىلاۋ شىرعالاڭىندا كەن قۇدىعىندا قامالىپ قالعان 17 ادامنىڭ بارلىعى قازا بولعان، قازىر سوڭعى ىستەرى ءبىرجاقتىلى ەتىلۋدە.

　　5 – شىلدە ساعات 20دان 43 مينۋت وتكەندە شينجياڭ داحۋاڭشان يۇيشين كومىر كاسىبى شەكتى جاۋاپكەرشىلىك سەرىكتىگىنىڭ 1 – ءنومىرلى كەن قۇدىعىندا ۋلى گاز پارتىلاۋ شىرعالاڭى تۋىلىپ، سول كەزدە كەن قۇدىعىندا جۇمىس ىستەپ جاتقان 20 جۇمىسكەردىڭ ۇشەۋى قۇتقارىلىپ، قالعان 17 جۇمىسكەر كەن قۇدىعىندا قامالىپ قالعان.

　　شىرعالاڭ تۋىلعاننان كەيىن شينجياڭ ءوندىرىس – قۇرىلىس بيڭتۋانى قۇتقارۋعا جەتەكشىلىك ەتۋ باس شتابىن قۇرىپ، شىرعالاڭ تۋىلعان ناق مايداندا قاتەردەن قۇتقارۋ - كومەكتەسۋ قىزمەتىنە سايكەستى جەتەكشىلىك ەتتى. مەملەكەتتىك اماندىق باقىلاۋ مەڭگەرمەسى، شينجياڭ كومىر كەن اماندىق باقىلاۋ مەكەمەسى قاتارلى قاتىستى تاراۋلاردىڭ قىزمەتكەرلەرى دە قۇتقار ىستەرىنە ايانباي كۇش سالدى.

　　كەلۋ قاينارى: حالىق تورابى