شينجياڭنىڭ حالىقارالىق جول تاسىمالى ەۆروپانىڭ ەسىگىن قاقتى

جۇڭگو، قازاقستان، رەسەي اراسىندا كوپ جاقتى ترانزيتتىك جول تاسىمالى اشىلدى

2016.02.18 13:49   كەلۋ قاينارى : ءتاڭىرتاۋ تورابى

　　جۇڭگو شينجياڭ قاتىناس - تاسىمال مەڭگەرمەسى مەن رەسەي فەدەراتسياسى كولىك مينيسترلىگى فەدەراتسيالىق بيۋدجەت باسقارماسىنىڭ كولىك تاسىمالى بيۋروسىنىڭ قيىر شىعىس بولىمشەسى 16 - اقپان كۇنى ۇرىمجىدە العاش رەت «جۇڭگو - رەسەي جۇك كولىكتەرىنىڭ قازاقستان رەسپۋبليكاسىنىڭ اۋماعى ارقىلى ۋاقىتشا ترانزيتتىك جۇك تاسىمالىن جولعا قويۋ تۋرالى ليتسەنزيانى» اۋىستىردى، ءسويتىپ، جۇڭگو، قازاقستان، رەسەي اراسىندا كوپ جاقتى ترانزيتتىك جول تاسىمالى رەسمي تۇردە اشىلدى، بۇل − شينجياڭنىڭ العاش رەت كوپ جاقتى ترانزيتتىك جول تاسىمالىن اشۋى، ەۆروپا باعىتىنا جول اشۋعا نەگىز سالعان ماڭىزدى بۋىن، شينجياڭنىڭ حالىقارالىق جول تاسىمالى تاريحىندا ەسكەرتكىشتىك مانگە يە.

　　بۇگىنگى راسىمگە ارنايى قاتىسقان شيندى حالىقارالىق تاسىمال شەكتى سەرىكتەستىگىنىڭ باس ديرەكتورى ايتۇرسىنگۇل: بۇل بىزدەگى حالىقارالىق جول تاسىمالىمەن اينالىساتىن كاسىپورىندارعا كوپ جەڭىلدىكتەر تۋدىرادى. جۇڭگو، قازاقستان، رەسەي ورتاسىندا كوپ جاقتى ترانزيتتىك جول تاسىمالى رەسمي اشىلعاننان كەيىن، تاسىمال ۋاقىتى ايتارلىقتاي قىسقارىپ، جولشىباي شىعىندار ازايادى، ءسويتىپ، جۇڭگو مەن رەسەي ورتاسىنداعى جول تاسىمالى ونان سايىن ىركىلىسسىزدەنە تۇسەدى، - دەدى.

　　سوڭعى جىلدارى، اسىرەسە، «ءبىر بەلدەۋ، ءبىر جول» ستراتەگياسى اتقارىلعاننان بەرى، جۇڭگو مەن رەسەي ءوزارا پايدالى سەلبەستىكتەردى ۇزدىكسىز تەرەڭدەتتى، ەكى جاقتىڭ ەكونوميكا، ساۋدا قاتىناستارى كۇن وتكەن سايىن نىعايىپ، ەكونوميكا، ساۋدا سەلبەستىكتەرى جەدەل دامىدى، جۇڭگونىڭ شينجياڭى مەن رەسەيدىڭ حالىقارالىق جول تاسىمالى جاعىنداعى سەلبەستىگى دە تەرەڭدەپ كەلەدى.

　　اۋىستىرۋ راسىمىنە قاتىسقان جۇڭگو ۋاكىلى، اۆتونوميالى رايوندىق قاتىناس - تاسىمال مەڭگەرمەسىنىڭ باستىعى زۇلفيا ابدىقادىر: جۇڭگو، قازاقستان، رەسەي اراسىنداعى كوپ جاقتى ترانزيتتىك جول تاسىمالىنىڭ رەسمي اشىلۋى شينجياڭنىڭ حالىقارالىق جول تاسىمال ىستەرىنىڭ ەۆروپا باعىتىنا جول الۋىنىڭ ماڭىزدى بۋىنى، بۇل شينجياڭنىڭ حالىقارالىق جول تاسىمالى تاريحىندا ەسكەرتكىشتىك مانگە يە، مەملەكەتتىڭ «ءبىر بەلدەۋ، ءبىر جول» ستراتەگياسىن ىسكە اسىرىپ، شينجياڭنىڭ حالىقارالىق جول تاسىمالى ىستەرىنىڭ ىشكەرىلەي دامۋىن ىلگەرىلەتۋدە ايرىقشا ماڭىزدى ءمان الادى، - دەدى. «شينجياڭ گازەتى»