تۇركيا استاناسىندا تۋىلعان اۆتوكولىك قوپارىلىس شابۋىلىندا كەمىندە 28 ادام قازا بولدى

2016.02.18 15:11   كەلۋ قاينارى : حالىق تورابى

　　سۋرەتتە: 17 – اقپاندا تۇركيا استاناسى انكارا قالاسىنىڭ ورتالىعىنداعى جاڭا اي الاڭىنىڭ ماڭىنداعى قوپارىلىس شابۋىلى تۋىلعان جەر. شينحۋا اگەنتتىگى (مۇستافا كايا فوتوسى)

　　تۇركيا NTV تەلەۆيزياسىنىڭ حابارلاۋىنشا، بۇل رەتكى اۆتوكولىك قوپارىلىس شابۋىلى تۇركيا قارۋلى قوسىنى باس شتابىنىڭ اسكەرلەر جاتاعىنىڭ ماڭىندا تۇرعان اسكەري بولىمدەر پايدالاناتىن 3 كەزەكشى اۆتوموبيلدىڭ قاسىندا تۋىلعان. قوپارىلىس تۋىلعان جەردە قويۋ ءتۇتىن بۋداقتاپ، الاساپىران جاعداي بولعان. جارالانعاندار سول ماڭداعى ەمحانالارعا جەتكىزىلىپ ەمدەلگەن.

　　قوپارىلىس تۋىلعاننان كەزدە تۇركيا پرەزيدەنتى ەردوعان انكاراداعى پرەزيدەنت سارايىندا جوعارى دارەجەلى حاۋىپسىزدىك ءماجىلىسىن اشىپ جاتقان بولاتىن. انكارا ولكەسىنىڭ باستىعى كيليچلار اقپارات قۇرالدارىنا بەرگەن سۇحباتىندا قوپارعىش زاتتىڭ اۆتوكولىككە ورناتىلعان بولۋى مۇمكىن دەگەن كۇمانىن بىلدىرگەن.

　　قوپارىلىس تۇركيا قارۋلى قوسىنى باس شتابىنا جاقىن جەردە تۋىلعان، تۇركيا ارميا جاعى مەن ساقشى جاعى وقيعا تۋىلعاننان كەيىن بۇل ارانى قۇرساۋلادى، وقيعا تۋىلعان جەرگە نەشە ونداعان ساقشى اۆتوكولىكتەرى توقتاتىلىپ، ساقشى جاقتىڭ تىك ۇشاعى اۋەدەن شارلاۋ جۇرگىزدى.

　　تۇركيا پرەمەر – مينيسترى داۋىتوعلۇ: ۇكىمەت قازىر قوپارىلىس تۋىلعان جەردە تەكسەرۋ جۇرگىزۋدە، - دەدى.

　　بىلتىر 10 – قازاندا انكارا پويەز بەكەتىنىڭ ماڭىندا ەكى رەت جانكەشتى قوپارىلىس شابۋىلى تۋىلىپ، كەمىندە 102 ادام قازا بولىپ، 200دەن استام ادام جارالانعان. انكارا قالالىق پروكۋراتۋرا باستىعى كەڭسەسى بىلتىر 28 – قازاندا جاريالاعان مالىمدەمەسىندە بىلاي دەلىنگەن: پويەز بەكەتىنىڭ ماڭىندا تۋىلعان جەلىلەس قوپارىلىس وقيعاسىن «ءىسلام مەملەكەتى» ۇشقارى ۇيىمى تۋدىرعان.

　　كەلۋ قاينارى: حالىق تورابى