شاعان مەزگىلىندە 60 شاقىرىمدىق جوعارى قارقىندى تاس جولدا ٵر كۇنى 20 توننا قوقسىق تازالانعان

جول شەتتەرى جينالعان قوقسىقتاردان «قوقسىق الاڭىنا اينالعان»

2016.02.17 14:20   كەلۋ قاينارى : حالىق تورابى

　　حالىق تورابى، 17 - اقپان، بەيجيڭ. سۋرەتتە: 15 - اقپان حۋنان ولكەسى چاڭ - ي جوعارى قارقىندى تاس جول تازالىق ساقتاۋ ورتالىعىنىڭ ءبىر جۇمىسكەرى جوعارى قارقىندى تاس جولدىڭ جول شەتىندەگى قوقسىقتاردى تازالاۋدا.

　　جۋىردان بەرى، ەلىمىزدىڭ جەر - جەرىندەگى جوعارى قارقىندى تاس جولداردا شاعان مەرەكەسى تۇسىنداعى تاسىمال لەگى تولاستاماي، ءىشىنارا جول بولەكتەرىندە كولىك كەپتەلىسى تۋىلعان. ءتىلشىنىڭ تەكسەرۋىنە قاراعاندا، كەيبىر جولاۋشىلاردىڭ مادەنيەتسىز ارەكەتىنىڭ كەسىرىنەن، كولىك كەپتەلىسى تۋىلعان جول بولەكتەرىندە قوقسىق ءۇيىلىپ، شاعان تۇسىنداعى تاسىمال ورتاسىن اۋىر دارەجەدە ويرانداعان.

　　حۋنان ولكەسىندەگى چاڭ - ي جوعارى قارقىندى تاس جولىنىڭ چاڭدى، يياڭ قاتارلى قالالارىنان چاڭشاعا باراتىن جول جەلىسىندە، شاعاننىڭ 5 - كۇنىنەن باستاپ شاعان وتكىزىپ اۆتوكولىكپەن قايتقان جولاۋشىلار كۇرت مولايىپ، كولىك كەپتەلىسى تۋىلعان. حۋنان ولكەسى چاڭ - ي جوعارى قارقىندى تاس جولىنداعى تازالىق ساقتاۋ ورتالىعىنىڭ جۇمسىكەرىنىڭ تانىستىرۋىنا قاراعاندا، شاعان مەزگىلىندە 60 شاقىرىمدىق وسى جوعارى قارقىندى تاس جولدا ٵر كۇنى ورتا ەسەپپەن 20 توننا قوقسىق تازالانعان.

　　«جۇڭحۋا حالىق رەسپۋبليكاسىنىڭ جول قاتىناس حاۋىپسىزدىك زاڭىنىڭ» 66 - تارماعىندا اۆتوكولىكتە وتىرعان جولاۋشىلاردىڭ سىرتقا قاراي نارسە لاقتىرۋىنا بولمايدى، شوفەردىڭ حاۋىپسىز اۆتوكولىك جۇرگىزۋىنە كەسىرىن تيگىزەتىن ارەكەتتەردى ىستەۋىنە بولمايدى دەپ بەلگىلەنگەن. قاتىناس تاراۋلارى قالىڭ شوفەر - جولاۋشىلاردى مادەنيەتپەن جولعا شىعىپ، مادەنيەتتى، حاۋىپسىز قاتىناس ورتاسىن بىرگە جاراتۋعا ۇندەدى.

　　كەلۋ قاينارى: حالىق تورابى