مامەتجان قۇرباننىڭ ىزگى ىستەرىنەن بايانداما جاساۋ ءماجىلىسى ۇرىمجىدە وتكىزىلدى

جاڭ چۇنشيان ماجىلىسكە قاتىناستى جانە بايانداما جاساۋ ۇيىرمەسىندەگىلەرمەن كەزدەستى

2016.03.01 15:27  

　　سۋرەتتە: 26 ـ اقپاندا، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان مەملەكەتتىك قوعام حاۋىپسىزدىگى جۇيەسىندەگى 1 ـ دارەجەلى قاھارمان ۇلگى مامەتجان توقتىنياز قۇرباننىڭ ىزگى ىستەرىنەن بايانداما جاساۋ ۇيىرمەسىندەگىلەرمەن شىن ىقىلاستى كەزدەستى.

　　تىلشىلەرىمىز ياۋ تۇڭ، سۇي يۇنيان 27 ـ اقپاندا ۇرىمجىدەن حابارلايدى. زورلىقتى كۇش لاڭكەستەرىنىڭ جالاڭداعان پىشاعىنان ول استە يمەنبەي، لاڭكەستەرگە قاتال نالەت ايتىپ، ولاردى قارۋلارىن تاستاپ باعىنۋعا ٴناسيحاتتاپ، اقىرى لاڭكەستەردىڭ راقىمسىز قاستاندىعىنا ۇشىراپ، ەرلىكپەن قۇربان بولادى. «ءومىرىن ادالدىققا ارناعان» __ مەملەكەتتىك قوعام حاۋىپسىزدىگى جۇيەسىندەگى 1 ـ دارەجەلى قاھارمان ۇلگى، اۆتونوميالى رايوندىق تاڭداۋلى كومپارتيا مۇشەسى مامەتجان توقتىنياز قۇرباننىڭ ىزگى ىستەرىنەن بايانداما جاساۋ ءماجىلىسى 26 ـ اقپان تۇستەن كەيىن ۇرىمجىدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، اۆتونوميالى رايونىمىزداعى ورىنباسار ولكە دارەجەلىدەن جوعارى باسشى جولداستار، اۆتونوميالى رايونىمىزداعى تاراۋلارداعى، كوميتەتتەردەگى، مەڭگەرمەلەردەگى نەگىزگى جاۋاپتى جٶلداستار جانە ءار ۇلت، ءار سالاداعى ۋاكىلدەردەن 300 نەشە ادام باياندامانى تىڭدادى.

　　بۇل __ بايانداما جاساۋ ۇيىرمەسىنىڭ 29 ـ رەت جاساعان بايانداماسى، مامەتجان توقتىنياز قۇرباننىڭ قاھارماندىق ىزگى ىستەرى تۋرالى باياندامانى تيانشاننىڭ تۇستىگى مەن تەرىستىگىنەن 40 نەشە مىڭ ادام تىڭدادى.

　　مامەتجان توقتىنياز كوزى تىرىسىندە اقسۋ ايماقتىق قوعام حاۋىپسىزدىگى مەكەمەسىنىڭ ورىنباسار باستىعى بولعان. 2015 ـ جىلى 13 ـ قازاندا باقي دۇنيەگە اتتاندى. باي اۋدانىنداعى «18 ـ قىركۇيەك» دەلوسىن تۋدىرعان لاڭكەستەردى قۋعىنداۋ بارىسىندا ول بارىمتالانعان مالشىلاردى قۇتقارۋ ءۇشىن، 51 جاسىندا لاڭكەستەردىڭ جان تۇرشىگەرلىك قاستاندىعىنا ۇشىرادى. قوعام حاۋىپسىزدىگى مينيسترلىگى وعان مەملەكەتتىك قوعام حاۋىپسىزدىگى جۇيەسىندەگى 1 ـ دارەجەلى قاھارمەن ۇلگى اتاعىن بەردى، اۆتونوميالى رايوندىق پارتكوم اۆتونوميالى رايوندىق تاڭداۋلى كومپارتيا مۇشەسى اتاعىن بەردى.

　　بايانداما جاساۋ ماجىلىسىنەن ىلگەرى، جاڭ چۇنشيان بايانداما جاساۋ ۇيىرمەسىندەگىلەرمەن كەزدەسىپ، ولارمەن ءبىر ـ بىردەن قول الىسىپ، قاھارماننىڭ وتباسىنداعىلاردىڭ تۇرمىس جاعدايىن دەن قويا سۇرادى، جەر ـ جەردىڭ بايانداما جاساۋ ءماجىلىسى جونىندەگى اڭىسىن ۇعىستى. جاڭ چۇنشيان بىلاي دەدى: مامەتجان توقتىنياز شينجياڭداعى ءار ۇلت بۇقاراسىنىڭ تىنىشتىعى مەن قوعام ورنىقتىلىعى جولىندا قىمباتتى ءومىرىن ارنادى، شينجياڭ حالقىنىڭ جۇرەگىنەن ماڭگى وشپەيتىن قاھارمان. مامەتجان توقتىنياز قاندى شايقاستىڭ، ءومىر مەن ءولىمنىڭ قاتاڭ سىنىنان ءوتتى، ونىڭ بويىندا پارتياعا ادالدىقتىڭ، قايىسپاس قاھارماندىقتىڭ، حالىقتى قىزۋ ءسۇيۋدىڭ وسكەلەڭ قاسيەتى شوعىرلى بەينەلەنگەن، ول __ حالىق ساقشىلارىنىڭ ۇلگىسى، ءار ۇلت كادرلارىنىڭ ۇيرەنۋ ۇلگىسى. تۇتاس شينجياڭداعى ءار دارەجەلى پارتيا ۇيىمدارى، كوممۋنيستەر قاھارماندى ۇلگى ەتىپ، قاھارماننان ۇيرەنۋى، ونىڭ پارتياعا ادالدىعىنان، وتاندى، شينجياڭدى، ءار ۇلت حالقىن قىزۋ سۇيگەن وسكەلەڭ قاسيەتىنەن، مىندەتتى باتىلدىقپەن ارقالاپ، قۇربان بەرۋدەن قورىقپاي، ادىلەت جولىندا ايانباعان قالتقىسىز رۋحىنان ۇيرەنۋ، ءار كاسىپ، ءار ۇلت، ءار سالا اراسىندا قاھارماننىڭ ىزگى ىستەرىن كەڭىنەن تاراتىپ، قاھارماننىڭ رۋحىنا مۇراگەرلىك ەتىپ، قۇدىرەتتى كۇش ۇيىستىرىپ، شينجياڭدى كوركەيتۋ كەرەك.

　　بايانداما جاساۋ ۇيىرمەسىنىڭ مۇشەسى، مامەتجان قۇرباننىڭ جاۋىنگەر سەرىگى جياڭشان قاھارماننىڭ ىزگى ىستەرىن، ءسوز جوق، مۇقيات، قۇلشىنا جالپىلاستىرىپ، ويداعىداي ساۋلەلەندىرىپ، ءار ۇلت قوعام حاۋىپسىزدىگى كادر ساقشىلارىن، قوعامنىڭ ءار سالاسىنداعى بۇقارانى وڭ ەنەرگيامەن شابىتتاندىرۋعا كۇش سالاتىندىعىن ءبىلدىردى.

　　بايانداما جاساۋ ماجىلىسىندە مامەتجان توقتىنياز قۇرباننىڭ كەنجە قىزى قايري مامەتجان، جاۋىنگەر سەرىگى تۇرعىن موللەك، جياڭ شان، ليۋ ماۋليڭ، ياڭ ۋي، ياڭ حۋا، قاھارمان قۇتقارىپ قالعان مالشى ماحىمەت قاتارىلار مامەتجان قۇرباننىڭ قاجىرلى دا قاراپايىم، حالىق ءۇشىن ەرلىكپەن قۇربان بولعان ءومىرىن كوزدەرىنە ىستىق جاس الا ەسكە ءتۇسىردى.

　　قايري اكەسىمەن بىرگە بولعان كۇندەردى ەسىنە الىپ، ءوزىنىڭ اكەسىن شەكسىز ساعىنعاندىعىن، اكەسىنەن شىنىمەن ايرىلىپ قالعانىنا سەنگىسى كەلمەيتىندىگىن ايتتى، اكە مەن بالا اراسىنداعى سۇيىسپەنشىلىك، شاعىن وتباسىن ۇلكەن وتباسى جولىندا قيعان وسكەلەڭ قاسيەتى بۇقارانى تەرەڭ اسەرلەندىردى. ول «مەن اكەم سياقتى حالىق ساقشىسى بولىپ، اكەمنىڭ جولىن جالعاستىرىپ، زورلىقتى كۇش لاڭكەستەرىمەن ءومىر بويى باتىل كۇرەسەمىن»، ـ دەدى باتىلدىقپەن.

　　قايريدىڭ قايعىنى قايراتقا جەڭدىرگەن جىگەرى جاڭ چۇنشياندى تەبىرەنتتى، قايريدىڭ ءسوزى اياقتاي سالىسىمەن، جاڭ چۇنشيان ورنىنان تۇرىپ، قايريدىڭ جانىنا بارىپ، ونى قۇشاعىنا باسىپ، مۇنان بىلاي سەنى ءوز قىزىم دەپ بىلەمىن، ـ دەدى تەبىرەنگەن سەزىممەن.

　　اۆتونوميالى رايوننىڭ باسشىلارىنان شوكىرات زاكىر، چى جۇن، حۋاڭ ۋي، جۋ حايلۇن، شيۇڭ شۋانگو، شۇي حايرۇڭ، لي شۋەجۇن، ەركىن تۇنياز، ما شۋەجۇن بايانداما جاساۋ ماجىلىسىنە قاتىناستى.

　　كەلۋ قاينارى: «التاي گازەتى»- اعاجاي - التاي تورابى