ا ق ش – تىڭ تەننەسي شتاتىنداعى شىركەۋدە وق شىعارۋ وقيعاسى تۋىلىپ، ءبىر ادام قازا بولىپ، كوپ ادام جارالاندى

2017.09.25 13:59   كەلۋ قاينارى : حالىق تورابى

　　شينحۋا اگەنتتىگى، 24 – قىركۇيەك، ۋاشينگتون (شۇي جيانمەي) ا ق ش – تىڭ وڭتۇستىگىندەگى تەننەسي شتاتى ناشۆيل قالاسىنداعى شىركەۋدە 24 – قىركۇيەكتە وق شىعارۋ وقيعاسى تۋىلدى. جەرگىلىكتى ساقشى مەكەمەسىنىڭ راستاۋىنشا، بۇل وقيعادا ءبىر ايەل قازا بولىپ، وق شىعارۋشىنى قامتىعان 7 ادام جارالانعان.

　　24 – قىركۇيەك ــ جەكسەنبى، تەننەسيدەگى جەرگىلىكتى اقپارات قۇرالدارىنىڭ حابارلاۋىنشا، وقيعا تۋىلعان شىركەۋ تاڭەرتەڭ ساعات 10دا اشىلعان، ساعات 11دەن 15 مينۋت وتكەندە ساقشى جاق مالىمدەۋ تەلەفونىن قابىلداعان، مالىمدەۋشى شىركەۋدە وق شىعارۋ وقيعاسى تۋىلعانىن ايتقان.

　　سول كۇنى تۇستە ناشۆيل قالالىق ءورت ءوشىرۋ تاراۋىنىڭ الەۋمەتتىك جەلىدەگى تۆيتتەر پاراقشاسىندا ايتۋىنشا، وق شىعارۋشىنى قامتىعان 8 ادام جارالانىپ، ەمحاناعا جەتكىزىلگەن. ءبىر ادامنان سىرت، جارالانعانداردىڭ بارلىعى 60 جاستان اسقان قارتتار.

　　«تەننەسي گازەتىنىڭ» شىركەۋدىڭ مالىمدەمەشىسى تاڭ الۇننىڭ سوزىنەن سيتات كەلتىرە حابارلاۋىنشا، وق شىعارۋشى ەر ادام دەلو تۋدىرۋ بارىسىندا باسىنا شاڭعى تەبۋشىلەردىڭ بەت قالقاسىن تاعىپ العان. ول وق شىعارعاننان كەيىن، شىركەۋدەگى ءبىر ەر ادام شىعىپ كەتىپ، ۇيىنەن مىلتىعىن اكەلىپ، وق شىعارۋشىمەن اتىسقان، وق شىعارۋشى ەڭ سوڭىندا ءوزىن – ءوزى اتقان.

　　وق شىعارۋ وقيعاسى تۋىلعاننان كەيىن، شىركەۋدىڭ ماڭىنداعى وڭىرلەر قۇرساۋلانعان. قازىر وق شىعارۋشىنىڭ سالاۋاتى مەن دەلو تۋدىرۋ ماقساتى ءالى انىق ەمەس، ساقشى جاق بۇل ءىستى ىشكەرىلەي تەكسەرۋدە.

　　كەلۋ قاينارى: حالىق تورابى