تەبىندى ەلدەر باسشىلارىنىڭ 9 – كەزدەسۋى جانە جاڭا گۇلدەنگەن بازار ەلدەرى مەن دامۋداعى ەلدەردىڭ كەڭەسى، سونداي – اق قاتىستى قيمىلدار فۋجيان ولكەسىنىڭ شيامىن قالاسىندا وتكىزىلەدى

2017.08.30 16:37   كەلۋ قاينارى : حالىق تورابى

　　سۋرەتتە: شيامىن قالاسىنداعى يان – ۋ كوپىرىنىڭ جاعالاۋى جانە گۋلاڭ ارالى (بىرىكتىرىلگەن سۋرەت، 24 – تامىزدا تارتىلعان). تەبىندى ەلدەر باسشىلارىنىڭ 9 – كەزدەسۋى قىركۇيەكتە شيامىن قالاسىندا وتكىزىلەدى، تەڭىزدەگى وسى گۇلستان قالا كورىكتى كەلبەتىمەن دۇنيە ءجۇزىنىڭ جەر – جەرىنەن كەلەتىن سيلى قوناقتاردى قارسى الادى.

　　سۋرەتتى شينحۋا اگەنتتىگىنىڭ ءتىلشىسى جياڭ كىحۇڭ تۇسىرگەن.شينحۋا اگەنتتىگى، 30 – تامىز، بەيجيڭ. سىرتقى ىستەر مينيسترلىگىنىڭ مالىمدەمەشىسى لۋ كاڭ 30 – تامىزدا بىلاي دەپ جاريالادى: تەبىندى ەلدەر باسشىلارىنىڭ 9 – كەزدەسۋى 3 – قىركۇيەكتەن 5 – قىركۇيەككە دەيىن فۋجيان ولكەسىنىڭ شيامىن قالاسىندا وتكىزىلەدى. كەزدەسۋدىڭ نەگىزگى تاقىرىبى «تەبىندى ەلدەردىڭ ارىپتەستىك قاتىناسىن بەكەمدەپ، ءتىپتى دە نۇرلى بولاشاق جاراتۋ» بولادى. وسى مەزگىلدە «ءتيىمدى سەلبەستىكتى ىشكەرىلەي جۇرگىزىپ، قاتار دامۋدى جەبەۋ» نەگىزگى تاقىرىبىنداعى جاڭا گۇلدەنگەن بازار ەلدەرى مەن دامۋداعى ەلدەردىڭ كەڭەسى وتكىزىلەدى. جۇڭگونىڭ مەملەكەت ءتوراعاسى شي جينپيڭ كەزدەسۋدى جانە كەڭەستى باسقارادى ءارى تەبىندى ەلدەردىڭ ساۋدا – ونەركاسىپ تالقى مىنبەسىنىڭ اشىلۋ سالتى سياقتى قاتىستى قيمىلدارعا قات ىناسادى.

　　كەلۋ قاينارى: حالىق تورابى