كۇتپەگەن جاعداي تۋىلدى! موڭعۇليادا جايىلىمعا كەتكەن ءورت جۇڭگو شەكاراسىنىڭ ىشىنە دەيىن كەڭەيدى

2021.04.19 14:38   كەلۋ قاينارى : حالىق تورابى

　　سۋرەتتە: موڭعۇليانىڭ سۇحباتىر ولكەسىندە 4 – ايدىڭ 18 – كۇنى جايىلىمدا تۋىلعان ءورت اپاتى (سۋرەتتىڭ كەلۋ قاينارى: موڭعۇليانىڭ سۇحباتىر ولكەلىك بىرلەسكەن اقپارات تورابى)

　　جەرگىلىكتى ۋاقىت بويىنشا 4 – ايدىڭ 18 – كۇنى موڭعۇليانىڭ سۇحباتىر ولكەسى داريعانعا اۋدانىندا جايىلىمعا ءورت كەتكەن. جەرگىلىكتى ورىن 150 نەشە ادامدى ءورت وشىرۋگە جۇمىلدىرعان. الايدا، جەل ءبىرشاما كۇشتى بولعاندىقتان، ءورت ءوشىرۋ قىزمەتىنىڭ قيىندىق دارەجەسى ارتا تۇسكەن.

　　4 – ايدىڭ 19 – كۇنى تاڭعى ساعات نولدەن 20 مينۋت وتكەندە، موڭعۇليانىڭ سۇحباتىر ولكەلىك بىرلەسكەن اقپارات تورابىنىڭ حابارلاۋىنشا، ءورت داريعانعا اۋدانىنىڭ كوپ جەرىندە جايىلىمدى جالماعان سوڭ، ەردىڭچاعان اۋدانى ارقىلى قازىر جۇڭگو شەكاراسىنىڭ ىشىنە دەيىن كەڭەيگەن. ۇعىسۋعا قاراعاندا، ءورتتى ءوشىرۋ جۇمىسى ءالى دە جۇرگىزىلۋدە.

　　كەلۋ قاينارى: حالىق تورابى