«ا ق ش جاقتان قاتىناسقان ادام جوقتىڭ قاسى»

2021.05.08 13:51   كەلۋ قاينارى : حالىق تورابى

　　سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 5 – ايدىڭ 7 – كۇنى تىلشىلەردى قابىلداۋ ءماجىلىسىن باسقارىپ اشتى.

　　ءتىلشى بىلاي دەپ سۇرادى: حابارعا قاراعاندا، ا ق ش پارلامەنتى قاۋىمدىق پالاتاسىنىڭ سىرتقى ىستەر كوميتەتى جۋىردا بەينە كەسكىن فورماسى ارقىلى «شينجياڭداعى ۇيعۇرلارعا جانە باسقا از ۇلتتارعا باعىتتالعان زورلىق – زومبىلىق» تاقىرىبىنداعى كۋاگەرلەردىڭ ءسوزىن تىڭداۋ ءماجىلىسىن وتكىزگەن. اتالمىش «امان قالعاندار» مەن ا ق ش ماماندارى قاتارلىلار ماجىلىسكە قاتىناسقان ءارى كۋاگەر بولعان. جۇڭگو جاق بۇعان قانداي پىكىر بىلدىرەدى؟

　　ۋاڭ ۋىنبين بىلاي دەپ جاۋاپ بەردى: شينجياڭعا قاتىستى ماسەلەنىڭ ۇلت، ءدىن نەمەسە ادامدىق ۇقىق ماسەلەسى ەمەس ەكەندىگىن، قايتا لاڭكەستىككە، بولشەكتەۋشىلىككە قارسى تۇرۋ ماسەلەسى ەكەندىگىن تاعى ءبىر رەت قايتالاي دارىپتەيمىن.

　　ا ق ش پارلامەنتى قاۋىمدىق پالاتاسىنىڭ سىرتقى ىستەر كوميتەتى ەشقانداي فاكتى جوق، نەگىزسىز تۇردە اتالمىش «شينجياڭداعى ۇيعۇرلارعا جانە باسقا از ۇلتتارعا باعىتتالعان زورلىق – زومبىلىق» تاقىرىبىنداعى كۋاگەرلەردىڭ ءسوزىن تىڭداۋ ءماجىلىسىن اشىپ، قاساقانا «ايىپتى دەپ تۇجىرىمداۋ» ارقىلى جۇڭگونىڭ ىشكى ىستەرىنە اشىقتان – اشىق كيلىكتى. كۋاگەرلەردىڭ ءسوزىن تىڭداۋ ماجىلىسىنە قاتىناسقاندار، ياكي، «شينجياڭ تاۋەلسىزدىگىن» دارىپتەيتىن بولشەكتەۋشى ەلەمەنتتەر، ياكي، شىلعي وتىرىك ايتاتىن، تالاي رەت ءوز ءسوزىن ءوزى تەرىستەگەن اتالمىش «امان قالۋشىلار»، نەمەسە، جۇڭگو جاقتىڭ شينجياڭدى جونگە سالۋ ساياساتىنا سىڭار جاقتىلى كوزقاراس ۇستانعاندار. مۇنداي كۋاگەرلەردىڭ ءسوزىن تىڭداۋ ماجىلىسىنەن ەشقانداي وبيەكتيۆ، ادىلدىك كۇتۋگە بولمايدى، بۇل تەك جۇڭگوعا قارسى سوراقى ويىن عانا.

　　ءىس جۇزىندە، ا ق ش جاقتاعىلاردىڭ شينجياڭنىڭ ناقتى جاعدايىن تۇسىنۋىنە كومەكتەسۋ ءۇشىن، جۇڭگونىڭ ا ق ش – ندا تۇراتىن ەلشىلىگى 5 – ايدىڭ 6 – كۇنى «شيجياڭ جاقسى جەر» اتتى بەينە كەسكىندى ءماجىلىس وتكىزگەن، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ جاۋاپتىلارى، تاربيەلەۋ – جەتىلدىرۋ ورتالىعىندا ۇيرەنۋ نىسانىنا قاتىناسقان كۋرسانتتار قاتارلى جەرگىلىكتى ورىنداعى جۇرتشىلىق ءوز كەشىرمەلەرى ارقىلى جەرگىلىكتى ورىننىڭ ءوندىرىس جانە تۇرمىس جاعدايىن تانىستىرعان ءارى ا ق ش جاقتان ماجىلىسكە قاتىناسقاندارمەن اڭگىمەلەسكەن. وسىنىڭ الدىندا، جۇڭگو جاق ا ق ش پارلامەنتىنىڭ مۇشەلەرى مەن ولاردىڭ كومەكشىلەرىن بەينە كەسكىندى ماجىلىسكە قاتىناسۋعا كەڭ كولەمدە ۇسىنىس ەتكەن. ولار ادەتتە شينجياڭنىڭ ادامدىق ۇقىق جاعدايىنا كوڭىل بولەمىز دەپ اۋىز جاپپاي جار سالعانىمەن، بۇل ماجىلىسكە ا ق ش جاقتان قاتىناسقانداردىڭ سانى جوقتىڭ قاسى. بۇل ا ق ش جاقتاعىلاردىڭ شينجياڭعا ساياتىن ماسەلەدەگى كولگىرلىكتەرى مەن ولاردىڭ جات نيەتتە ەكەندىگىن، جەرگىلىكتى ورىننىڭ جاعدايىن ەڭ جاقسى بىلەتىن شينجياڭدىق جەرگىلىكتى ۇكىمەت قىزمەتكەرلەرى مەن جۇرتشىلىققا بەتپە – بەت كەلۋگە باتىلدارى بارمايتىندىعىن، تەك از سانداعى قۇرىلىمدار مەن جەكەلەردىڭ شينجياڭنىڭ ادامدىق ۇقىق جاعدايى جونىندە ويدان قيىستىرىپ، كۇيە جاعىپ، سوققى بەرۋدى ماقسات ەتەتىن وتىرىكتەرىنە عانا سەنۋدى قالايتىندىعىن اشىققا شىعاردى.

　　ءبىز ا ق ش جاقتىڭ شينجياڭنىڭ دامۋى مەن العا باسۋى سىندى وبيەكتيۆ فاكتىگە دۇرىس كوزقاراس ورناتىپ، جۇڭگوعا قارسى كۇشتەردىڭ ويدان قيىستىرعان وتىرىكتەرى جانە جالعان ينفورماتسيالارىمەن كوزىن كولەگەيلەپ الماۋىن، جۇڭگونىڭ ۇلت، ءدىن ساياساتىنا داق كەلتىرۋدى، كۇيە جاعۋدى توقتاتۋىن، اتالمىش شينجياڭداعى ادامدىق ۇقىق ماسەلەسىن جەلەۋ ەتىپ، جۇڭگونىڭ ىشكى ىستەرىنە كيلىگۋدى توقتاتۋىن ءۇمىت ەتەدى.

　　كەلۋ قاينارى: حالىق تورابى