چۇڭچيڭ قالاسى شۋە – ىرسى، شيندۇڭفاڭ قاتارلى وقۋ – اعارتۋ قۇرىلىمدارىنىڭ بەلگىلەمەگە قايشىلىق جاساعان ىستەرى جونىندە حابارلاندىرۋ شىعاردى
2021.05.06 15:27 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى كى گاۋياڭ 5 – ايدىڭ 5 – كۇنى چۇڭچيڭنەن حابارلايدى. بەلگىلەمەگە قايشىلىق جاساپ، مەرزىمىنەن بۇرىن كۋرسقا قاتىناستىرعان، مەرزىمىنەن بۇرىن اقى العان، جالعان جارناما جاساۋ ارقىلى ۇگىتتەگەن ت.ب. سەبەپتەرمەن چۇڭچيڭ قالالىق وقۋ – اعارتۋ كوميتەتى، قالالىق بازاردى باقىلاۋ – باسقارۋ مەكەمەسى 5 – ايدىڭ 5 – كۇنى بىرلەسكەن قۇجات شىعارىپ، جۋىردان بەرى شۋە – ىرسى، شيندۇڭفاڭ قاتارلى مەكتەپتەن سىرتقى كۋرس قۇرىلىمدارىندا پاندەرگە قاتىستى ساباق ورنالاستىرۋ، وقىتۋشىلاردىڭ ساپاسى، وقۋشى قابىلداۋ بارىسىنداعى اقى الۋ، جارنامالىق ۇگىت قاتارلى جاقتاردا ساقتالعان ماسەلەلەر جونىندە حابارلاندىرۋ جاريالاعان.
ءتىلشىنىڭ ۇعىسۋىنشا، بۇل رەت حابارلاندىرۋ شىعارىلعان ماسەلەلەر مەكتەپتەن سىرتقى كۋرس قۇرىلىمدارىنان جيىنى 18 قۇرىلىمعا سايادى. مۇندا چۇڭچيڭ قالاسىنداعى شۋە – ىرسى كۋرس قۇرىلىمىنىڭ قاتىستى مەكتەپتەرى ءىشىنارا ساباقتاردى ولشەمنەن، مەرزىمنەن بۇرىن ورنالاستىرعان، جاڭا قاتىناسقان وقۋشىلاردان بەلگىلەمەگە قايشى تۇردە مەرزىمىنەن بۇرىن، مەرزىمىنەن ارتىق اقى العان، وقۋشىلاردىڭ تانىمالى مەكتەپتەرگە وتكەنىن العا تارتىپ، وسى ارقىلى ۇگىت جۇرگىزگەن، جالعان ۇگىتتەۋ، جالعان جارنامالاۋ قاتارلى زاڭعا قايشى ارەكەتتەر كۇمانىن قالىپتاستىرعان؛ چۇڭچيڭ قالالىق شيندۇڭفاڭ كۋرس مەكتەبى بەيبەي مەكتەپ رايونى پاندەردى تىزىمگە الدىرۋ ينفورماتسياسىن جاريالاماعان، تالاپقا ساي كلاس تاقتاسىن جاريالاماعان، جاريالاۋ تاقتاسىنداعى وقىتۋشىلاردىڭ ينفورماتسياسى وقىتۋشىلار تىزىمدىگىندەگىمەن ۇقساس بولماعان. مۇنان سىرت، كەي كۋرس قۇرىلىمدارىندا ءىس جۇزىندىك تيجارات ءادرىسى مەن تىزىمگە الدىرعان ءادىرىسى بىردەي بولماۋ، كۋرس توقتامىنىڭ ۇلگى نۇسقاسىنا قول قويماۋ قاتارلى ماسەلەلەر ساقتالعان.
جوعارىداعى ماسەلەلەر جونىندە، چۇڭچيڭ قالالىق وقۋ – اعارتۋ كوميتەتى، قالالىق بازاردى باقىلاۋ – باسقارۋ مەكەمەسى رايوندار مەن اۋداندارداعى وقۋ – اعارتۋ، بازاردى باقىلاۋ – باسقارۋ تاراۋلارىن جاعدايدى جەدەل تەكسەرۋگە، تەكسەرىپ ءبىرجاقتى ەتۋ تەبىنىن ارتتىرۋعا، زاڭ – تۇزىمگە قايشىلىق جاساۋ كۇمانىن قالىپتاستىرعان قۇرىلىمداردى قاتاڭ ءبىرجاقتى ەتۋگە، تەكسەرىپ ءبىرجاقتى ەتۋ جاعدايىن دەر كەزىندە جاريالاپ، مەكتەپ سىرتىنداعى كۋرس قۇرىلىمدارىنىڭ ءتارتىبىن ۇزدىكسىز جونگە سالۋعا بۇيىرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
