بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>كوپ بەتتىك حابارلار

ۇكىمەت قىزمەتىنەن بايانداما

‐‐‐ 13-كەزەكتى مەملەكەتتىك حالىق قۇرىلتايىنىڭ 2-ماجىلىسىندە 2019-جىلى 3-ايدىڭ 5-كۇنى جاسالدى

مەملەكەتتىك كەڭەستىڭ زۇڭليى   لي كىچياڭ

2019.05.23 15:46     كەلۋ قاينارى : حالىق تورابى

  قۇرمەتتى ۋاكىلدەر:

  ەندى مەن مەملەكەتتىك كەڭەس اتىنان قۇرىلتايعا ۇكىمەت قىزمەتىنەن بايانداما جاسايمىن، قاراپ شىعۋلارىڭىزدى، ٴارى مەملەكەتتىك ساياسي كەڭەس مۇشەلەرىنىڭ پىكىر بەرۋىن وتىنەمىن.

   1. 2018-جىلعى قىزمەتتەرگە شولۋ

  وتكەن ٴبىر جىل ‐‐ پارتيا 19-قۇرىلتايىنىڭ رۋحىن جاپپاي دايەكتىلەندىرۋ باستالعان جىل، وسى كەزەكتى ۇكىمەت زاڭ بويىنشا مىندەتىن وتەگەن ٴبىرىنشى جىل. ەلىمىزدىڭ دامۋى كوپ جىلدان بەرى بولماعان كۇردەلى دە اۋىر ىشكى-سىرتقى جاعدايلارعا ٴدوپ كەلدى، ەكونوميكادا جاڭا قۇلدىراۋ قىسىمى جارىققا شىقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ٴار ۇلت حالقى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، ۇدىرە العا تارتىپ، قيىن قامالداردى الىپ، ەكونوميكالىق، قوعامدىق دامۋدىڭ تۇتاس جىلداعى باستى نىسانا-مىندەتتەرىن ورىنداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە تىڭ دا كەلەلى ىلگەرىلەۋشىلىككە قول جەتكىزدى.

  ‐‐‐ ەكونوميكالىق اينالىم ۇيلەسىمدى ارالىعىن ساقتادى. ىشكى ٴوندىرىستىڭ جالپى قۇنى %6.6 ارتىپ، جالپى مولشەرى 90 تريلليون يۋاننان استى. ەكونوميكانىڭ ارتۋ قارقىنى ەلەكتردەن پايدالانۋ، جۇك تاسىمالى قاتارلى ناقتى زات مولشەرى كورسەتكىشىمەن ٴوزارا سايكەستى. تۇرعىنداردىڭ تۇتىنۋ باعاسى %2.1 ارتتى. حالىقارالىق كىرىس-شىعىس نەگىزىنەن تەپە-تەڭ بولدى. قالا-قالاشىقتاردان 13 ميلليون 610 مىڭ ادام تىڭنان جۇمىستانىپ، انىقتالعان جۇمىسسىزدىق مولشەرى %5 اينالاسىنداعى ٴبىرشاما تومەن دەڭگەيدە بولۋداي تۇراقتىلىقتى ساقتادى. ٴبىر ميلليارد 400 ميلليونعا تاياۋ جان سانى بار دامۋ جولىنداعى ٴىرى ەلدە ٴبىرشاما تولىق جۇمىستانۋ جۇزەگە اسىرىلدى.

  ‐‐‐ ەكونوميكالىق قۇرىلىم ۇزدىكسىز ساپالىلاندى. تۇتىنۋدىڭ ەكونوميكانىڭ ارتۋىن جەبەۋ رولى اناعۇرلىم كۇشەيدى. قىزمەت وتەۋ كاسىبىنىڭ ەكونوميكانىڭ ارتۋىنا قوسقان ۇلەسى %60 كە تايادى، جوعارى تەحنيكالى شارۋاشىلىقتىڭ، جابدىقتاۋ-جاساۋ كاسىبىنىڭ ارتۋ قارقىنى ادەتتەگى ونەركاسىپتەن ەلەۋلى دارەجەدە تەز بولدى، اۋىل شارۋاشىلىعىنان تاعى دا مول ٴونىم الىندى. ىشكى ٴوندىرىستىڭ جالپى قۇنىنداعى ەنەرگيانىڭ بىرلىكتىك جۇمسالىمى %3.1 تومەندەدى. ساپا مەن ونىمدىلىك ۇزدىكسىز جوعارىلادى.

  ‐‐‐ دامۋدىڭ جاڭا قوزعاۋشى كۇشى تەز جەتىلدى. «چاڭ-ى ــ 4» الەم كەمەسى قاتارلى ٴبىر توپ كەلەلى عىلىم-تەحنيكالىق جاڭالىق اشۋ جەتىستىكتەرى ارت-ارتىنان جارىققا شىقتى. جاڭا گۇلدەنگەن كاسىپ سالالارى قارىشتاپ دامىدى، ٴداستۇرلى كاسىپ سالالارىندا قۇرىلىمدى جاڭالاپ، دەڭگەيىن ٴوسىرۋ جەدەلدەدى. كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ ىشكەرىلەي ىلگەرىلەتىلدى، كۇنىنە ورتا ەسەپپەن جاڭادان قۇرىلعان كاسىپورىنداردىڭ سانى 18 مىڭنان استامعا جەتتى، بازار سۋبيەكتىلەرىنىڭ جالپى مولشەرى 100 ميلليوننان استى. جاڭا قوزعاۋشى قۋات ٴوندىرىس، تۇرمىس تاسىلىندە تەرەڭ وزگەرىس تۋدىرىپ، جۇڭگو دامۋىنىڭ جاڭا باسىمدىعىن قالىپتاستىرۋدا.

  ‐‐‐ رەفورما جاساپ، ەسىك اشۋدا تىڭ تابىستار قولعا كەلدى. مەملەكەتتىك كەڭەستىڭ جانە جەرگىلىكتى ۇكىمەتتەردىڭ قۇرىلىم رەفورماسى ٴساتتى اتقارىلدى. ٴتۇيىندى سالالار رەفورماسىندا تىڭ قادام تاستالدى، بازارعا كىرۋگە رۇقسات ەتىلمەيتىندەر ٴتىزىمى ٴتۇزىمى جاپپاي اتقارىلدى، ۇكىمەت قۇرىلىمدارىن ىقشامداپ ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىنىڭ تەبىنى ارتتى، تيجارات-ساۋدا ورتاسىنىڭ حالىقاراداعى ورنى زور دارەجەدە جوعارىلادى. سىرتقا ەسىك اشۋ جان-جاقتى ۇلعايدى، ”ٴبىر بەلدەۋ، ٴبىر جولدى“ بىرگە گۇلدەندىرۋدە ماڭىزدى ىلگەرىلەۋشىلىك بولدى. تۇڭعىش كەزەكتى جۇڭگو حالىقارالىق يمپورت كورمەسى ٴساتتى اشىلدى، حاينان ەركىن ساۋدا سىناق رايونى قۇرىلىسى باستالدى. زاتتىڭ يمپورت-ەكسپورت جالپى سوماسى 30 تريلليون يۋاننان استى، ناق پايدالانىلعان شەتەل قارجىسى 138 ميلليارد 300 ميلليون دوللار بولىپ، دامۋ جولىنداعى ەلدەر بويىنشا الدىڭعى ورىندى يەلەدى.

  ‐‐‐ ٴۇش ٴىرى قامال الۋ شايقاسىنىڭ باستاماسى تاماشا بولدى. اۋىر حاۋىپ-قاتەردەن ساقتاندىق جانە ونى جويدىق، ماكرولىق سۇيمەن مولشەرى ورنىعا باستادى، فينانس اينالىمى جالپى تۇلعالىق جاقتان ورنىقتى بولدى. كەدەيلىكتەن شىن مانىندە ارىلتۋ سەرپىندى ىلگەرىلەتىلدى، اۋىل-قىستاقتاردا 13 ميلليون 860 مىڭ ادام كەدەيلىكتەن ارىلدى، 2 ميلليون 800 مىڭ ادام وزگە جەرلەرگە كوشىرىلىپ سۇيەمەلدەندى. لاستانۋدان ساقتانۋ جانە ونى وڭاۋ كۇشەيتىلدى، توزاڭ زاتتاردىڭ (PM2.5) قويۋلىعى ۇزدىكسىز تومەندەپ، ەكولوگيالىق وركەنيەت قۇرىلىسىنىڭ ونىمدىلىگى كورنەكتى بولدى.

  ‐‐‐ حالىق تۇرمىسى ۇزدىكسىز جاقساردى. تۇرعىنداردىڭ مەڭگەرۋگە بولاتىن جان باسىندىق كىرىسى ناقتى %6.5 ارتتى. جەكەلەر تابىس باجىسىن باستاپ الۋ شەگىن جوعارىلاتىپ، شىعارىپ تاستالاتىن قوسىمشا 6 ٴتۇرلى ارناۋلى ٴتۇر بەلگىلەدىك. نەگىزدىك زەينەتكەرلىك، نەگىزدىك ەمدەلۋ قامسىزداندىرۋى قاتارلى قامتاماسىزداندىرۋدىڭ تەبىنى ارتتى، اقشالاي كومەك كورسەتىلگەن تۇرلىشە مەكتەپتەردەگى وتباسىندا قيىنشىلىعى بار وقۋشىلار سانى 100 ميلليون ادام رەتكە تايادى. لاشىقتى مەكەندەگى ۇيلەردى وزگەرتۋ بويىنشا 6 ميلليون 200 مىڭنىڭ ۇستىندە ٴۇي سالىندى، اۋىل-قىستاقتارداعى ٴبىر ميلليون 900 مىڭ حاۋىپتى ٴۇي جاڭالاندى. قالا-قالاشىق تۇرعىندارىنىڭ تۇرمىس دەڭگەيىندە تاعى دا تىڭ جوعارىلاۋ بولدى.

  ٴبىز رەفورمالاۋ، ەسىك اشۋدىڭ 40 جىلدىعىن سالتاناتتى قۇتتىقتاپ، رەفورمالاۋ، ەسىك اشۋدىڭ ۇلى تابىستارى مەن قۇندى تاجىريبەلەرىن تەرەڭ قورىتىندىلاپ، جاڭا داۋىردە رەفورمالاۋ مەن ەسىك اشۋدى ەڭ سوڭىنا دەيىن جۇرگىزەتىن بەرىك بەكىمىمىزدى سالتاناتپەن جاريالاپ، بۇكىل ەلدەگى ٴار ۇلت حالقىن تىنباي كۇرەس جاساپ، تاعى دا جاڭا تاريحي ۇلى ەڭبەك سىڭىرۋگە شابىتتاندىردىق.

  وتكەن ٴبىر جىلعا كوز جىبەرسەك، ناتيجە وڭاي-وسپاق قولعا كەلگەن جوق. ٴبىز تەرەڭ وزگەرىس تۋىلعان سىرتقى ورتاعا ٴدوپ كەلىپ وتىرمىز. ەكونوميكانىڭ جاھاندانۋى كەدەرگىلەرگە تاپ بولىپ، كوپ جاقتىلىق سوققىعا ۇشىرادى، حالىقارالىق فينانس بازارىنىڭ تولقۋى، وتە-موتە، جۇڭگو مەن ا ق ش اراسىنداعى ساۋدا قاقتىعىسى كەيبىر كاسىپورىنداردىڭ ٴوندىرىس تيجاراتى، بازار مەجەسى قاتارلى جاقتارىنا ٴتيىمسىز ىقپال كورسەتتى. ٴبىز ەكونوميكالىق قۇرىلىمدى جاڭالاۋدىڭ قيىندىعى كورنەكتى بولىپ وتىرعان قاتاڭ سايىسقا ٴدوپ كەلدىك. جاڭا قايشىلىق پەن كونە قايشىلىق ارالاسىپ، دۇركىندىك، قۇرىلىمدىق ماسەلەلەر قاباتتاستى، ەكونوميكانىڭ اينالىمىندا ورنىقتىلىق بارىسىندا وزگەرىستەر ورىن الدى، بۇعان الاڭداۋشىلىقتار بولدى. ٴبىز ەكى جاقتى، كوپ جاقتى، قيىندىق ماسەلەسى ارتقان كۇردەلى جاعدايعا ٴدوپ كەلدىك. ورنىقتى ارتتىرۋ، حاۋىپ-قاتەردىڭ الدىن الۋ سياقتى قاباتتامالى نىسانالاردى ىسكە اسىرىپ، ەكونوميكا مەن قوعامنىڭ دامۋى قاتارلى كوپ ٴتۇرلى مىندەتتەردى ورىنداپ، كەزەكتەگى مەن بولاشاقتاعىنىڭ قاتىناسى قاتارلى كوپ ٴتۇرلى قاتىناستاردى ويداعىداي ٴبىر جايلى ەتۋدە، ساياساتتىق تالعام مەن قىزمەتتى ىلگەرىلەتۋدىڭ قيىندىعى كورنەكتى دارەجەدە ارتتى. بۇكىل ەلدىڭ بىرلىكتە قۇلشىنۋىندا، ەلىمىزدىڭ ەكونوميكالىق دامۋى جوعارى جيىنتىق سان جاعىنان جالپى تۇلعا بويىنشا ورنىقتى بولدى، ورنىقتىلىق بارىسىندا ىلگەرىلەدى، قوعامنىڭ جالپى جاعدايى ورنىقتىلىعىن ساقتادى. بۇل جۇڭگو كوممۋنيستىك پارتياسىنىڭ باسشىلىعىندا، جۇڭگو حالقىندا ٴارقانداي قيىنشىلىق پەن حاۋىپ-قاتەردى جەڭەتىن جىگەر-قايرات، اقىل-پاراسات جانە كۇش-قۋات بار ەكەنىن، جۇڭگونىڭ دامۋىندا الىنبايتىن قامال جوق ەكەنىن تاعى ٴبىر رەت دالەلدەدى.

  ٴبىر جىلدان بەرى، ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، قىزمەتتى ورنىقتىلىق بارىسىندا ىلگەرىلەتۋ سىندى نەگىزگى ارناعا تاباندى بولىپ، ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ-قاتەردىڭ الدىن الۋ قىزمەتىن ٴبىرتۇتاس جوسپارلاپ، جۇڭگو مەن اق ش-نىڭ ەكونوميكا-ساۋدا قاقتىعىسىنا بايىپتىلىقپەن توتەپ بەرىپ، جۇمىستانۋدى، فينانستى، سىرتقى ساۋدانى، شەتەل قارجىسىن، قارجى قوسۋدى، مەجەلى مەرزىمدى كۇش سالا ورنىقتىرۋدا باستىسى مىناداي قىزمەتتەردى ىستەدىك:

  ٴبىرىنشى، ماكرولىق تىزگىندەۋ جاڭالانىپ جانە كەمەلدەنىپ، ەكونوميكا ورنىقتى اينالىمىن ساقتادى. جاڭا احۋال، جاڭا وزگەرىس الدىندا، ٴبىز ”قارجىنى توپەلەپ توگۋ“ فورماسىنداعى كۇشەپ تىتىركەندىرمەۋگە تاباندى بولىپ، ماكرولىق ساياساتتىڭ ۇلاسپالىلىعىن، ورنىقتىلىعىن ساقتاپ، وڭىرلەر ارا تىزگىندەۋ نەگىزىندە باعىتتامالى تۇردە، ىڭعايىنا قاراي تىزگىندەۋدى كۇشەيتىپ، ىرىقتىلىقپەن الدىن الا رەتتەۋ، ٴىشىنارا رەتتەۋ جۇرگىزدىك. بەلسەندى قازىنا ساياساتىن تاباندىلىقپەن اتقارىپ، باجىنى كەمەيتىپ، اقىنى تومەندەتۋگە، ولقىلىقتى تولىقتاپ، قۇرىلىمدى رەتتەۋگە كۇش سالدىق. ارتقان قۇن باجىسىنىڭ باجى مولشەرىن تومەندەتىپ، باجى جاعىنداعى تيىمدىلىكتەن يگىلىكتەنەتىن شاعىن، تابىسى ماردىمسىز كاسىپورىنداردىڭ كولەمىن كەڭەيتىپ، زەرتتەۋ-اشۋعا، جاسامپازدىققا دەم بەرۋ سياقتى باجى كىرىسى ساياساتىن شىعاردىق. تۇتاس جىلدا كاسىپورىندار مەن جەكەلەردەن الىناتىن ٴبىر تريلليون 300 ميلليارد يۋان شاماسىندا باجى جانە اقىنى كەمەيتتىك. قازىنا شىعىسى قۇرىلىمىن ساپالىلاندىرىپ، قازىناداعى ىركىندى قارجىنى ىسكە قوسىپ، ٴتۇيىندى سالالاردىڭ شىعىسىن قامتاماسىز ەتتىك. ورنىقتى دا اقاۋسىز اقشا ساياساتىن اتقارۋعا تاباندى بولىپ، فينانستىق قولداۋدى تۇلعالىق شارۋاشىلىققا قاراي جەتەلەدىك. قارجى قۇراۋ قيىن، قارجى قۇراۋ قۇنى جوعارى بولۋ ماسەلەسىنە باعىتتاي وتىرىپ، سالىم زاپاس اقشا مولشەرىن ىلگەرىندى-كەيىندى 4 رەت تومەندەتتىك، ٴتۇرلى شارالاردى قاتار قولدانا وتىرىپ، حالىقتىق كاسىپورىندار مەن شاعىن، تابىسى ماردىمسىز كاسىپورىنداردىڭ قارجى تاپشىلىعى جاعدايىن باسەيتتىك، قارجى قۇراۋدىڭ وزىندىك قۇنىنىڭ ورلەۋ اۋقىمى العاشقى ادىمدا تىزگىندەلدى. جارنا بازارىنىڭ، زايوم بازارىنىڭ قالىپسىز تولقۋىنا دەر كەزىندە توتەپ بەردىك، حالىق اقشاسىنىڭ سىندىرىلىمى نەگىزىنەن ورنىقتى بولدى، شەتەل اقشاسى قورى 3 تريلليون دوللاردان جوعارى دەڭگەيىن ساقتادى.

  ەكىنشى، ٴۇش ٴىرى قامال الۋ شايقاسى تىڭعىلىقتى جۇرگىزىلىپ، ٴتۇيىندى مىندەتتەردە بەلسەندى ىلگەرىلەۋشىلىككە قول جەتتى. ٴۇش ٴىرى قامال الۋ شايقاسىنىڭ ٴۇش جىلدىق ارەكەت جوباسى جاسالدى ٴارى تارتىپپەن اتقارىلدى. قۇرىلىمدىق سيپاتتى ارتىق سۇيمەندى الاستاۋ نىق قاداممەن ىلگەرىلەتىلدى، فينانس سالاسىنداعى حاۋىپ-قاتەرلەر ۇيلەسىمدى ٴبىر جايلى ەتىلىپ، جەرگىلىكتى ۇكىمەتتەردىڭ قارىز حاۋىپ-قاتەرىنەن ساقتانىپ جانە ونى تەجەپ، قورا-جاي بازارىن رەتتەۋ-مەڭگەرۋ مەحانيزمىنە رەفورما جاسالدى جانە كەمەلدەندىرىلدى. كەدەيلىكتەن شىن مانىندە ارىلتۋ قىزمەتى ىشكەرىلەي ىلگەرىلەتىلىپ، كەدەيلەردى سۇيەمەلدەۋ كۇشتەرى نىعايىپ، قارجى قوسىلىمى ارتىپ، قوعامدىق كومەكتەر كۇشەيدى، كەدەي رايونداردىڭ ٴوزىن-ٴوزى دامىتۋ قابىلەتى ورنىقتى جوعارىلادى. كوك اسپان، ٴمولدىر سۋ، تازا توپىراقتى قورعاۋ شايقاسى جاپپاي جۇرگىزىلدى. ەنەرگيا جانە تاسىمال قۇرىلىمىنىڭ ساپاسى جاقساردى. سولتۇستىكتەگى رايونداردىڭ كومىر جىلۋ جۇيەسىن گاز جىلۋ جۇيەسىنە، ەلەكتر جىلۋ جۇيەسىنە وزگەرتۋ ۇيلەسىمدى ىلگەرىلەتىلدى. وزەن باستىعى ٴتۇزىمى، كول باستىعى ٴتۇزىمى جاپپاي ورنادى. حيميالىق تىڭايتقىش، ەگىس دارىلەرىنىڭ ىستەتىلۋ مولشەرى تومەندەدى. ەكولوگيالىق ورتانى قورعاۋ جونىنەن باقىلاۋ-تەكسەرۋ، زاڭ اتقارۋ كۇشەيدى. كليمات وزگەرىسىنە بەلسەندى توتەپ بەرىلدى.

  ٴۇشىنشى، ۇسىنىم جاعىنداعى قۇرىلىمدىق رەفورما تەرەڭدەپ، تۇلعالىق ەكونوميكانىڭ ومىرشەڭدىگى ۇزدىكسىز ايگىلەندى. ”قيراتۋ، ورناتۋ، تومەندەتۋ“ تەبىنى ارتتى. بولات-تەمىر، كومىر كاسىپتەرىن بازارلاندىرۋ جولىمەن ارتىق ٴوندىرىس قۋاتىنان ارىلتۋ ىلگەرىلەتىلدى. قارجى قوسۋدى ورنىقتىرۋ شارالارى اتقارىلىپ، جاساۋ كاسىبىن قارجىلاندىرۋ، حالىقتىق قارجىلاندىرۋدىڭ ارتۋى ەلەۋلى دارەجەدە جوعارىلادى. تۇرعىنداردىڭ تۇتىنۋىن جەبەۋ ساياساتى اتقارىلدى. ”ينتەرنەت +“ جاپپاي ىلگەرىلەتىلىپ، ٴداستۇرلى كاسىپ سالالارى جاڭا تەحنيكا، جاڭا ۇلگى بويىنشا جاڭالاندى. ۇكىمەت قۇرىلىمدارىن ىقشامداۋ، باجىنى كەمەيتۋ، اقىنى تومەندەتۋ ىشكەرىلەي جۇرگىزىلدى. اكىمشىلىك رۇقسات ەتۋدىڭ ٴبىرسىپىرا ٴىس تۇرلەرى كۇشىنەن قالدى، ”كۋالىك پەن كىناشكانى ايىرۋ“ رەفورماسى بۇكىل ەلدە جالپىلاسىپ، كاسىپورىن قۇرۋ ۋاقىتى ەداۋىر قىسقاردى، ونەركاسىپ وندىرىسىندەگى رۇقسات كۋالىگى تۇرلەرىنىڭ ۇشتەن بىرىنەن استامى قىسقاردى. ”كەز كەلگەن ۋاقىتتا تەكسەرۋ، كەز كەلگەن ۋاقىتتا تەكسەرۋشى جىبەرۋ، ٴبىردى اشىق جاريالاۋ“ سىندى باقىلاۋ-باسقارۋ جاپپاي اتقارىلدى. كاسىپورىندارعا ساياتىن ٴار الۋان اقى الۋ تۇرلەرى اداقتالىپ، جۇيەگە ٴتۇسىرىلىپ، ەنەرگيا جۇمساۋ، توراپتان پايدالانۋ، زات جەتكىزۋ قاتارلى جاقتارداعى وزىندىك قۇندى تومەندەتۋ جەبەلدى. ”ينتەرنەت+ ۇكىمەتتىك قىزمەت وتەۋ“ ىشكەرىلەي جۇرگىزىلىپ، جەر-جەر وزىندىك ەرەكشەلىككە يە ٴبىرسىپىرا رەفورما شارالارىن ىزدەپ تاۋىپ جالپىلاستىردى، مۇنىڭ كاسىپورىندار مەن جۇرتشىلىقتىڭ ٴىس بىتىرۋىنە بولعان قولايلىلىعى ۇزدىكسىز ارتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار