بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىقارالىق باقىلاۋ: توقايەۆتىڭ قازاقستان پرەزيدەنتى بولعاننان كەيىنگى ماڭداي الدى مىندەتى ەكونوميكانى دامىتۋ

2019.06.11 14:45     كەلۋ قاينارى : حالىق تورابى

  حالىق تورابى، 6 – ايدىڭ 11 – كۇنى، بەيجيڭ. ءتىلشىنىڭ قازاقستان ورتالىق سايلام كوميتەتىنىڭ 6 – ايدىڭ 10 – كۇنى جاريالاعان داۋىس بەرۋ جاعدايىنىڭ العاشقى ساناعىنا نەگىزدەلگەندە، قازاقستاننىڭ قازىرگى پرەزيدەنتى توقايەۆ 6 – ايدىڭ 9 – كۇنگى سايلامدا 70 پايىزدىق بەلەت سانىمەن باسقا ارىپتەستەرىنەن اسقان باسىمدىلىقپەن قازاقستان پرەزيدەنتى بولىپ سايلانعان.

  تالداۋ جاساۋشىلاردىڭ ويىنشا، مول اكىمشىلىك تاجىريبەسى بار، سونداي – اق تۇڭعىش پرەزيدەنت نازاربايەۆتىڭ سەنىمى مەن قولداۋىندا يە بولعان توقايەۆتىڭ سايلانۋى وسىدان بۇرىنعى حالىقتىق اۋەننىڭ مەجەسىنە ۇيلەسەدى. توقايەۆ بۇدان بىلاي نازاربايەۆ داۋىرىندەگى كوپ نەگىزدى ديپلوماتيالىق ساياساتتى جالعاستى اتقارىپ، ەكونوميكانى دامىتادى. اسىرەسە، ءتۇرلى رەفورمالاردىڭ ۇزدىكسىز تەرەڭدەۋىن ىلگەرىلەتىپ، جالاڭ ەكونوميكالىق قۇرىلىمدى جاقسارتۋ توقايەۆتىڭ ماڭداي الدى مىندەتى بولماق.

  جوعارى داۋىسپەن سايلانۋىنىڭ ەشقانداي تاڭعالارلىعى جوق

  پرەزيدەنت سايلامىنان بۇرىن قازاقستاننىڭ كوپتەگەن حالىقتىق تەكسەرۋ ناتيجەسىنەن قاراعاندا، توقايەۆتىڭ جوعارى داۋىسپەن سايلانۋ مۇمكىندىگى ەرەكشە جوعارى بولعان. جاماعات پىكىرىنشە، نازاربايەۆتىڭ قولداۋى، بيلىك باسىنداعى پارتيا نۇر وتان پارتياسىنىڭ بار كۇشپەن قولداپ - قۋاتتاۋى، توقايەۆتىڭ ٶزىنىڭ قوعامدىق بەدەلى مەن مول اكىمشىلىك تاجىريبەسىنىڭ ءبارى ونىڭ سايلامدا جەڭىسكە جەتۋىنە نەگىز قالادى.

  توقايەۆ اعىلشىن ءتىلى مەن حانزۋ تىلىنە جەتتىك، بۇرىن سوۆەت وداعىنىڭ جۇڭگودا تۇراتىن ەلشىحاناسىندا قىزمەت ىستەگەن، سونىمەن بىرگە، بۇرىن قازاقستان سىرتقى ىستەر مينيسترلىگىنىڭ مينيسترى، ۇكىمەتتىڭ پرەمەر مينيسترى، بىرلەسكەن مەملەكەتتەر ۇيىمى باس حاتشىسىنىڭ ورىنباسارى، سونداي – اق قازاقستان پارلامەنتى جوعارى پالاتاسىنىڭ باستىعى سياقتى ماڭىزدى مىندەتتەردە بولعان. نازاربايەۆتىڭ باعالاۋىنشا، توقايەۆ قازاقستاننىڭ ەكونوميكالىق، ساياسي جاعدايىنا قانىق، قازاقستاندى جونگە سالۋ سىندى اۋىر مىندەتتى وعان تاپسىرۋعا بولادى.

  ساراپشىلار مىنانى اتاپ كورسەتتى: سايلامعا قاتىناسقان باسقا كانديداتتارمەن سالىستىرعاندا، نازاربايەۆتىڭ قولداۋىمەن بيلىك باسىنداعى پارتيا نۇر وتان پارتياسىنىڭ اتىنان قاتىناسقان توقايەۆ مەيلى ساياسي بايلىق جاعىنان بولسىن، الدە حالىق بۇقاراسىنىڭ قولداۋى جاعىنان بولسىن، بارلىعىندا دا مۇلدەم باسىم ورىندى يەلەدى. توقايەۆتىڭ پرەزيدەنتتىك مىندەتكە ءساتتى سايلانۋى، قازاقستان اكىمياتىنىڭ ورنىقتى ءوتۋىن جۇزەگە اسىردى، قوعام ورنىقتىلىعىن قورعاۋ مەن سىرتقى قارجىنى ۇزدىكسىز باۋراۋعا كومەگى بار.

  ماڭداي الدى مىندەتى ەكونوميكانى دامىتۋ

  قازاقستان 1991 – جىلى تاۋەلسىزدىك العاننان كەيىن، نازاربايەۆ بەلگىلەگەن بايلىقتى مەملەكەت قۇرۋ ساياساتىنىڭ ارقاسىندا ەكونوميكانىڭ دامۋى وراسان زور تابىستارعا قول جەتكىزدى. ەكونوميكانىڭ جالپى مولشەرى 15 ەسە، تۇرعىنداردىڭ كىرىسى 9 ەسە ارتىپ، ىشكى ءوندىرىستىڭ ادام باسىندىق جالپى ءونىم قۇنى ورتا، جوعارى كىرىستەگى ەلدەردىڭ دەڭگەيىنە جەتتى. سونىمەن بىرگە قازاقستاننىڭ حالىقارالىق ىقپالى دا ۇزدىكسىز جوعارىلاپ، حالىقارالىق ساحنادا بارعان سايىن ماڭىزدى رول اتقارىپ كەلەدى.

  الايدا 2008 - جىلى حالىقارالىق فينانس داعدارىسى تۋىلعاننان كەيىن، حالىقارالىق بازارداعى كوپ قولدى تاۋارلاردىڭ باعاسى كۇرت تومەندەپ، بايلىق ەكسپورتىنا يەك سۇيەيتىن قازاقستان ەكونوميكاسىنا زور سوققى بولدى، قازاقستان ەكونوميكاسىنىڭ دامۋىنا ىقپال جاسايتىن جانە ونى تەجەيتىن كوپتەگەن ماسەلەلەر دە كۇن سايىن كورنەكتىلەنە ءتۇستى. قازاقستان ۇكىمەتى سوڭعى جىلداردان بەرى، كەڭ كولەمدى جەكەشەلەندىرۋ، نەگىزدىك قۇرىلعىلاردى زور دارەجەدە جاقسارتۋ سياقتى شارالاردى قولدانىپ، ەكونوميكانىڭ ومىرشەڭدىك قۋاتىن ارتتىرىپ، شارۋاشىلىقتىڭ ءتيپىن وزگەرتىپ، بەلگىلى ونىمدىلىككە قول جەتكىزگەنىمەن، قازاقستان ەكونوميكاسىن ۇزاق ۋاقىت مازالاپ كەلگەن وڭىرلىك دامۋدىڭ بىركەلكىسىزدىگى، ەكونوميكالىق قۇرىلىمنىڭ جالاڭ بولۋى سياقتى كوپتەگەن ماسەلەلەر تۇبىرىنەن شەشىلگەن جوق.

  توقايەۆ سايلاۋ باسەكەسى پروگرامماسىندا بىلاي دەپ انىق ايتقان: سايلانعاننان كەيىنگى ماڭداي الدى مىندەت تۇرعىنداردىڭ كىرىسىن ارتتىرۋ، تۇرعىنداردىڭ تۇرمىس ورەسىن جوعارىلاتۋ جانە ەكونوميكانىڭ باياندى ارتۋىنا كەپىلدىك ەتۋ.

  ساراپشىلار بىلاي دەپ اتاپ كورسەتتى: نازاربايەۆ الدىن - الا پرەزيدەنت مىندەتىنەن شەگىنۋىنىڭ جانە ەكىنشى شەپكە شەگىنۋىنىڭ ماڭىزدى ولشەمىنىڭ ءبىرى __ ءتىپتى دە قابىلەتتى باسشى ارقىلى مەملەكەتتى جونگە سالىپ، قازاقستان ەكونوميكاسىنىڭ دامۋى بارىسىنداعى قيىن ماسەلەلەردىڭ شىن مانىندە شەشىلۋىن ءۇمىت ەتتى. الايدا نازاربايەۆ داۋىرىنەن باستاپ اتقارىلعان جانە ىلگەرىلەتىلگەن ەمدەۋ رەفورماسى، قارتتاردى كۇتىمگە الۋ رەفورماسى، جەر رەفورماسى سياقتى ءبىرقىدىرۋ رەفورما شارالارى ءسوز جوق سايىسقا ۇشىرايدى. توقايەۆ بۇدان بىلاي بۇل رەفورمالاردى ۇزدىكسىز ىلگەرىلەتۋ ءۇشىن ءالى دە قاتاڭ سىنعا ءدوپ كەلىپ وتىر.

  كوپ نەگىزدى ديپلوماتيالىق ساياسات وزگەرمەيدى

  مەيلى ەكونوميكالىق قۋات جاعىنان، حالىقارالىق ورىن جاعىنان بولسىن، الدە وڭىرلىك ساياسي تۇرعىدان تالداۋ جاساعاندا بولسىن، قازاقستان ورتا ازيا رايونىنداعى ماڭىزدى ەلدەردىڭ ءبىرى. توقايەۆتىڭ سايلانۋىنا بايلانىستى، قازاقستان بۇدان كەيىن قانداي ديپلوماتيالىق ساياسات اتقارادى دەگەن ساۋال جۇرتشىلىق پىكىرى نازار اۋداراتىن تاعى ءبىر تۇيىنگە اينالدى.

  قازاقستان ساراپشىلارى توقايەۆ بيلىككە شىققاننان كەيىن، نازاربايەۆ داۋىرىندەگى كوپ نەگىزدى ديپلوماتيالىق ساياساتتى جالعاستى اتقارىپ، جۇڭگو، رەسەي، ەۆروپا وداعى، ا ق ش سياقتى جاقتارمەن بولعان بايلانىستى بەلسەنە دامىتىپ، قازاقستان ەكونوميكاسىنىڭ دامۋىنا ءتيىمدى سىرتقى ورتا جاراتادى دەپ قارادى. توقايەۆ ءوزى دە ەگەر پرەزيدەنت بولىپ سايلاناتىن بولسا، ول ىشكى - سىرتقى ساياساتتىڭ ۇلاسپالىلىعىن، بولجالدىعىن جانە ورنىقتىلىعىن كەپىلدەندىرەمىن دەپ كوپ رەت باسا دارىپتەگەن.

  توقايەۆ جۇڭگونى جاقسى بىلەدى. بيىل 4 – ايدا، ول «رەسەي گازەتىنىڭ» ارناۋلى سۇحباتىن قابىلداعان كەزدە، «ءبىر بەلدەۋ، ءبىر جول» دارىپتەمەسىنىڭ ەرەكشە ماڭىزدى ەكەندىگىن بىلدىرگەن. جۇڭگونىڭ بۇرىنعى قازاقستاندا تۇراتىن باس ەلشىسى ياۋ پەيشىڭ تىلشىگە توقايەۆ جازعان قازاقستاننىڭ ديپلوماتيالىق ساياساتى جونىندەگى كوپتەگەن ەڭبەكتەرىندە جۇڭگومەن بولعان قاتىناستى دامىتۋدىڭ تاريحي قاجەتتىلىگى مەن رەال ماڭىزدىلىعىن باسا دارىپتەگەندىگىن ايتتى.

  كەلۋ قاينارى: حالىق تورابى

  
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار