ۇكىمەت قىزمەتىنەن بايانداما(2)
2019.05.23 15:46 كەلۋ قاينارى : حالىق تورابى
ٴتورتىنشى، دامۋعا جاڭالىق اشۋ ارقىلى دەم بەرۋ ستراتەگياسى ىشكەرىلەي اتقارىلىپ، جاڭالىق اشۋ قابىلەتى جانە ونىمدىلىك اناعۇرلىم جوعارىلادى. جاڭالىق اشۋ ەكولوگياسى بارىنشا جاقسارتىلىپ، ٴار الۋان جاڭالىق اشۋ سۋبيەكتىلەرىنىڭ بەلسەندىلىگى ساۋلەلەندىرىلدى. عىلىم-تەحنيكانى باسقارۋ ٴتۇزىلىسى رەفورماسى تەرەڭدەتىلىپ، شەشۋشى، وزەكتى تەحنيكادان قامال الۋ ىلگەرىلەتىلىپ، كەلەلى عىلىم-تەحنيكا نەگىزدىك قۇرىلعىلارى، عىلىم-تەحنيكادا جاڭالىق اشۋ ورتالىعى قۇرىلىستارى كۇشەيتىلدى. كاسىپورىنداردىڭ تەحنيكالىق جاڭالىق اشۋداعى نەگىزگى تۇلعالىق ورنى نىعايىپ، زەرتتەۋ-اشۋ قاراجاتىن باجىدان بۇرىن الىپ قالۋ سالىستىرماسىن جوعارىلاتۋ ساياساتى بارلىق كاسىپورىندارعا كەڭەيتىلدى. كوپ بولىپ شارۋاشىلىق قۇرۋدىڭ، جالپى جۇمىلىپ جاڭالىق اشۋدىڭ ىشكەرىلەي دامۋىن قولداۋدىڭ ساياساتتىق شارالارى جاسالدى. تەحنيكالىق توقتامنىڭ ٴبىتىسۋ سوماسى %30 تىڭ ۇستىندە ارتتى. عىلىم-تەحنيكا العاباسارلىعىنىڭ قوسقان ۇلەسى %58.5 كە جوعارىلاتىلدى.
بەسىنشى، رەفورمالاۋ، ەسىك اشۋ تەبىنى ارتىپ، دامۋدىڭ قوزعاۋشى كۇشى ٴۇرتىس ارتتى. مەملەكەت مەنشىگىندەگى كاپيتال، مەملەكەت مەنشىگىندەگى كاسىپورىندار رەفورماسى تەرەڭدەپ، مەملەكەت مەنشىگىندەگى كاسىپورىنداردى ساپالىلاندىرىپ قايتا قۇرۋ، ساپاسىن ارتتىرىپ، ونىمدىلىگىن جوعارىلاتۋ جاعىندا تىڭ ىلگەرىلەۋشىلىكتەر بولدى. حالىقتىق كاسىپورىنداردىڭ دامۋىندا ٴدوپ كەلىپ وتىرعان قيىنشىلىقتار مەن ماسەلەلەرگە مەڭزەس، ۋايىمنان ارىلتىپ، قيىنشىلىعىن شەشۋگە مۇمكىندىكتىڭ بارىنشا كومەكتەستىك. قازىنالىق باجى ٴتۇزىلىسى رەفورماسى ىلگەرىلەتىلىپ، مەجە ەسەپتى ونىمدىلىگى بويىنشا باسقارۋ رەفورماسى جاپپاي باستالدى. فينانستىق باقىلاۋ-باسقارۋ تۇزىلىسىنە رەفورما جاساپ، ٴوسىم مەن سىندىرىلىمدى بازارلاندىرۋ جولىمەن قالىپتاستىرۋ مەحانيزمى كەمەلدەندى. اۋىل شارۋاشىلىق، اۋىل-قىستاق، قوعامدىق ىستەر، ەكولوگيالىق ورتانى قورعاۋ سالاسىنداعى رەفورما ۇزدىكسىز تەرەڭدەدى. سىرتقا ەسىك اشۋدىڭ ٴبىرسىپىرا ماڭىزدى شارالارى العا قويىلدى. ”ٴبىر بەلدەۋ، ٴبىر جولدى“ بىرگە گۇلدەندىرۋدەگى جەتەكشىلدىك ىقپالىمىز ۇزدىكسىز كورنەكتىلەندى، جول بويىنداعى ەلدەرمەن بولعان سەلبەستىك مەحانيزمى ۇزدىكسىز كەمەلدەنىپ، ەكونوميكا-ساۋدا جاعىنداعى سەلبەستىك پەن گۋمانيتارلىق اۋىس-ٴتۇيىس تەزدەي ٴتۇستى. سىرتقى ساۋدانى ورنىقتىرۋ ساياساتى جاريالانىپ، بۇيىمداردىڭ وتكەلدەن ٴوتۋ ۋاقىتى بۇرىنعىدان جارىم ەسە قىسقاردى. ٴبىر ٴبولىم تاۋارلاردىڭ يمپورتتىق كەدەن باجىسى تومەندەدى، كەدەن باجىسىنىڭ جالپى دەڭگەيى %9.8 تەن %7.5 كە ٴتۇستى. شەكارا اتتاعان ٴبىر توپ ەلەكتروندىق ساۋدا جالپىلىق سىناق رايوندارى تىڭنان قۇرىلدى. ەركىن ساۋدا سىناق رايوندارىنىڭ رەفورما تاجىريبەلەرى كوشىرىلىپ جالپىلاستىرىلدى. شەتەل قارجىسىن ەنگىزۋگە رۇقسات ەتىلمەيتىن تۇرلەر ٴتىزىمى نەداۋىر قىسقاردى، فينانس، اۆتوكولىك سياقتى كاسىپ سالالارىنىڭ سىرتقا ەسىك اشۋ اياسى كەڭەيدى، شەتەل قارجىلاندىراتىن ٴبىر توپ كەلەلى نىسان تياناقتاندى، جاڭادان قۇرىلعان شەتەل قارجىلاندىرعان كاسىپورىندار %70 كە تاياۋ ارتتى.
التىنشى، قالا مەن اۋىلدىڭ وڭىرلىك دامۋى ٴبىرتۇتاس پلاندالىپ، ٴتيىمدى ىقپالداستىق جۇيەسىنىڭ قالىپتاسۋى تەزدەدى. اۋىل-قىستاقتى كوركەيتۋ ستراتەگياسى پارمەندى اتقارىلىپ، استىقتىڭ جالپى ٴونىم مولشەرى ٴبىر تريلليون 300 ميلليارد جىڭنان جوعارى دەڭگەيىن ساقتادى. جاڭاشا قالا-قالاشىقتانۋ اياق الىسى تىڭعىلىقتى ىلگەرىلەپ، اۋىل شارۋاشىلىعىنان اۋىسقان 14 ميلليونعا تاياۋ ادام قالا-قالاشىققا قونىستاندى. باتىس بولىكتى اشۋ، شىعىس سولتۇستىكتى گۇلدەندىرۋ، ورتا بولىكتى كوركەيتۋ، شىعىس بولىكتى الدىمەن دامىتۋدا، ٴبىر توپ رەفورما، جاڭالىق اشۋ شارالارى جارىققا شىقتى. بەيجيڭ-تيانجين-حىبەي سەلبەسە دامۋدا ەلەۋلى ىلگەرىلەۋشىلىك بولدى، چاڭجياڭ ەكونوميكالىق بەلدەۋىنىڭ ەكولوگياسى الدىڭعى ورىنعا قويىلىپ، جاسىل دامۋ جۇيەسى ۇزدىكسىز بەكەمدەلدى. گۋاڭدۇڭ-شياڭگاڭ-اۋمىن شىعاناق رايونى پلانى قۇرىلىسىندا ماندىك ادىم اتتالىپ، شياڭگاڭ-جۋحاي-اۋمىن كوپىرى سالىنىپ، كولىك قاتىنادى. توڭكەرىستىك بايىرعى رايونداردىڭ، ۇلتتىق رايونداردىڭ، شەكارا رايونداردىڭ، كەدەي رايونداردىڭ رەفورماسى مەن دامۋىنا قولداۋ كورسەتۋ تەبىنى كۇشەيدى. جوعارى قارقىندى تەمىر جولدىڭ تاسىمال ارالىعى تىڭنان 4100 كيلومەتر ارتتى، 6000 كيلومەتردەن استام جوعارى قارقىندى تاس جول، 300 مىڭ كيلومەتردەن استام اۋىل-قىستاق تاس جولى تىڭنان سالىندى جانە جاڭالاندى. قالا مەن اۋىل وڭىرلىك دامۋىنىڭ سايكەسىمدىلىگى ۇزدىكسىز جوعارىلادى.
جەتىنشى، حالىق تۇرمىسىن دامۋ بارىسىندا قامتاماسىزداندىرۋ جانە جاقسارتۋدان جازباي، حالىق بۇقاراسى رەفورما، دامۋ جەتىستىكتەرىنەن ٴتىپتى دە كوپ، ٴتىپتى دە ادىلدىكپەن يگىلىكتەندى. سىرتقى ورتاداعى وزگەرىستىڭ جۇمىستانۋعا تيگىزگەن ىقپالىنا مەڭزەس، جۇمىستانۋدى ورنىقتىرۋ شارالارى دەر كەزىندە شىعارىلدى. مىندەتتى وقۋ-اعارتۋ ساتىسىنداعى وقىتۋشىلاردىڭ ەڭبەكاقى مامىلەسى جاعىنداعى ساياساتتىڭ تياناقتانۋى بارىنشا جەبەلىپ، اۋىل-قىستاقتاعى كولەمى شاعىن مەكتەپتەر مەن اۋىل-قالاشىقتارداعى جاتاقتى مەكتەپتەر قۇرىلىسى كۇشەيتىلىپ، جوعارى دارەجەلى وقۋ-اعارتۋدىڭ مايەكتى دامۋى جەبەلدى. كاسىپورىندارداعى جۇمىسشى-قىزمەتكەرلەردىڭ نەگىزگى زەينەتكەرلىك قامسىزداندىرۋ قورىن ورتالىق تەڭشەۋ ٴتۇزىمى بەلگىلەنىپ، زەينەتكەرلەردىڭ نەگىزگى زەينەتاقىسى جوعارىلاتىلدى، قالا-اۋىل تۇرعىندارىنىڭ نەگىزگى زەينەتاقىسىنىڭ ەڭ تومەنگى ولشەمى ايىنا 70 يۋاننان 88 يۋانعا كوتەرىلدى. قامقورلىق، ەڭ تومەنگى قامتاماسىزدىق قاتارلىلاردىڭ ولشەمى جالعاستى جوعارىلادى، مۇگەدەكتەرگە باعىتتالعان ”ەكى ٴتۇرلى جاردەمنەن“ شارتقا تولاتىن بارلىق ادام تولىق يگىلىكتەندى. اسكەري قوسىننان قايتقاندارعا قىزمەت وتەۋ جانە ولاردى باسقارۋ قىزمەتى كۇشەيتىلىپ، قوسىننان قايتقان اسكەريلەردىڭ زاڭدى ۇقىق-مۇددەسى قورعالدى. ەمدەۋ، ەمدەلۋدى قامسىزداندىرۋ، ٴدارى-دارمەك ۇشەۋىن ٴوزارا ۇشتاستىرۋ رەفورماسى ىشكەرىلەي جۇرگىزىلدى. دارەجەگە ٴبولىپ ەمدەۋ ورنىقتى ىلگەرىلەتىلدى. تۇرعىنداردىڭ نەگىزگى ەمدەلۋىن قامسىزداندىرۋ قوسىمشا قاراجاتىنىڭ ولشەمى مەن سالماقتى اۋرۋلار قامسىزداندىرۋىندا ەمدەلۋ اقىسىن ەسەپتەن كوتەرۋ سالىستىرماسى جوعارىلاتىلدى. جاڭا دارىلەردى تەكسەرىپ باعالاۋ، تەكسەرىپ بەكىتۋ رەفورماسىنىڭ اياق الىسى تەزدەپ، راك اۋرۋىنا قارسى 17 ٴتۇرلى ٴدارىنىڭ باعاسى زور مولشەردە تومەندەدى، سونداي-اق مەملەكەتتىڭ ەمدەلۋدى قامسىزداندىرۋ تىزىمىنە ەنگىزىلدى. حالىققا مادەنيەت ارقىلى يگىلىك جەتكىزۋ ينجەنەرياسى جەدەل ىلگەرىلەتىلىپ، نەگىزگى ساتىداعى الەۋمەتتىك مادەنيەتتىك قىزمەت وتەۋ جالعاستى كۇشەيتىلدى. جالپى حالىقتىق دەنە شىنىقتىرۋ كەڭىنەن جالپىلاستىرىلىپ، سپورت ساڭلاقتارىمىز حالىقارالىق ۇلكەن جارىستاردا تاعى دا تاماشا ناتيجە جاراتتى.
سەگىزىنشى، زاڭمەن باسقارىلاتىن ۇكىمەت قۇرىلىسى مەن باسقارۋدا جاڭالىق اشۋ جەبەلىپ، قوعامنىڭ جاراسىمدى ورنىقتىلىعى ساقتالدى. مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا 18 زاڭ جوباسى ۇسىنىلىپ، 37 اكىمشىلىك زاڭ-ەرەجە جاسالدى جانە ولارعا وزگەرىس ەنگىزىلدى. ۇكىمەت قۇرىلىمدارىن بەلگىلەۋ جانە فۋنكتسيالارىن ورنالاستىرۋ جونىندە رەفورما جاسالدى جانە رەتتەۋ جۇرگىزىلدى. مەملەكەتتىك كەڭەستىڭ زور كولەمدى قۋزاپ-تەكسەرۋى ىشكەرىلەي جۇرگىزىلىپ، رەفورما مەن دامۋ جاعىنداعى ساياساتتار مەن ورنالاستىرۋلارىنىڭ تياناقتانۋىنا دەم بەرىلدى. قازىنالىق باقىلاۋدىڭ باقىلاۋ رولى ساۋلەلەندىرىلدى. قالا-اۋىلدىڭ نەگىزگى ساتىلارىن باسقارۋعا رەفورما جاسالىپ كەمەلدەندىرىلدى. ارىز حاتتار مەن ارىزدانۋشىلار قىزمەتى تاسىلىندە جاڭالىق اشىلدى. شۇعىل جاعدايعا توتەپ بەرۋ جانە ونى باسقارۋعا رەفورما جاسالىپ جانە كۇشەيتىلىپ، اۋىر جاراتىلىستىق اپاتتارعا دەر كەزىندە، ۇتىمدى توتەپ بەرىلدى، ٴوندىرىس حاۋىپسىزدىگى شىرعالاڭىنىڭ جالپى مولشەرى مەن اۋىر، ەرەكشە اۋىر شىرعالاڭداردىڭ سانى جالعاستى تومەندەدى. ازىق-تۇلىك، ٴدارى-دارمەك حاۋىپسىزدىگىن باقىلاۋ-باسقارۋ كۇشەيتىلدى، چاڭچۇن چاڭشىڭ سەرىكتەستىگى سياقتى سەرىكتەستىكتەردىڭ وندىرگەن كەسىرلى ۆاكسينا دەلوسى قاتاڭ تەكسەرىپ ٴبىر جايلى ەتىلدى. مەملەكەتتىڭ حاۋىپسىزدىك جۇيەسى اقاۋسىزداندىرىلدى. قوعام اماندىعىن جان-جاقتىلى جونگە سالۋ كۇشەيتىلىپ، قارا قوعام سيپاتتى ۇيىمدار مەن زۇلىم كۇشتەردى الاستاۋ ارناۋلى كۇرەسى جۇرگىزىلىپ، زاڭعا قايشى ٴتۇرلى قىلمىستارعا زاڭ بويىنشا سوققى بەرىلىپ، تىنىش جۇڭگو قۇرىلىسىندا تىڭ ىلگەرىلەۋشىلىكتەرگە قول جەتتى.
پارتيا ورتالىق كوميتەتىنىڭ پارتيانى جاپپاي قاتاڭ باسقارۋ ستراتەگيالىق ورنالاستىرۋى مۇقيات دايەكتىلەندىرىلىپ، پارتيا ستيلى، پاكتىك قۇرىلىسى كۇشەيتىلدى. ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىن ۇدايىلاندىرۋ، تۇزىمدەندىرۋ ىلگەرىلەتىلدى. ورتالىقتىڭ سەگىز تارماقتى بەلگىلەمەسى مەن ونى اتقارۋدىڭ ەگجەي-تەگجەيلى ەرەجەسىنىڭ رۋحى قاتاڭ تياناقتاندىرىلىپ، ”ٴتورت بۇرىس ستيل“ باتىل تۇزەتىلدى. زاڭ، ەرەجەلەرگە قايشى ٴتۇرلى ارەكەتتەر قاتاڭ تەكسەرىپ، ٴبىر جايلى ەتىلىپ، شىرىكتەسكەندەردى جازالاۋ، شىرىكتەسۋگە قارسى تۇرۋ كۇرەسىندە ۇستەم جەڭىسكە قول جەتكىزىلدى.
وتكەن ٴبىر جىلدا، جۇڭگوشا ٴىرى ەلدىك ديپلوماتيادا تىڭ تابىستارعا قول جەتكىزدىك. بو-اۋ ازيا تالقى مىنبەرىنىڭ جىلدىق جينالىسى، شاڭحاي سەلبەستىك ۇيىمى ەل باسشىلارىنىڭ چيڭداۋداعى كەڭەسى، جۇڭگو-افريكا سەلبەستىك مىنبەرى ەل باسشىلارىنىڭ بەيجيڭدەگى كەڭەسى قاتارلى كەلەلى اسابالىق ديپلوماتيا قيمىلدارى تابىستى وتكىزىلدى. ٴتوراعا شي جينپيڭ قاتارلى مەملەكەت باسشىلارى كوپتەگەن ەلدەردە ساپاردا بولدى، ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ٴماجىلىسى، «G20» ەل باسشىلارىنىڭ كەڭەسى، بريكس ەلدەر باسشىلارىنىڭ كەزدەسۋى، ازيا-ەۆروپا ەل باسشىلارىنىڭ ٴماجىلىسى، شىعىس ازيا سەلبەستىگى ەل باسشىلارىنىڭ جەلىلەس ٴماجىلىسى قاتارلى كەلەلى قيمىلدارعا قاتىناستى. باستى ٴىرى ەلدەرمەن قاتىناسىمىز جالپى تۇلعادان العاندا ورنىقتى بولدى، توڭىرەگىمىزدەگى ەلدەرمەن قاتىناسىمىز جاپپاي دامىدى، دامۋ جولىنداعى ەلدەرمەن ىنتىماقتىق، سەلبەستىك بايلانىسىمىز بەكەمدەلە ٴتۇستى. جاڭاشا حالىقارالىق قاتىناس ورناتۋ، ادامزاتتىڭ تاعدىرلاس ورتاق تۇلعاسىن قالىپتاستىرۋ جاعىندا ىلگەرىلەۋشىلىكتەر بولدى. مەملەكەتتىڭ يەلىك ۇقىعى، حاۋىپسىزدىگى، دامۋ مۇددەسى باتىل قورعالدى. ەكونوميكالىق ديپلوماتيا، گۋمانيتارلىق اۋىس-ٴتۇيىس جاقتارىندا سۇبەلى تابىستارعا جەتتىك. جۇڭگو دۇنيەنىڭ بەيبىتشىلىگى مەن دامۋىن جەبەۋگە كۇش سالىپ، كۇللى الەم تانىعان ماڭىزدى ۇلەس قوستى.
قۇرمەتتى ۋاكىلدەر!
وتكەن ٴبىر جىلداعى تابىستاردىڭ قولعا كەلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىق ەتۋىنىڭ ناتيجەسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلىمي جەتەكشىلىگىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالىقىنىڭ ىنتىماقتاسا كۇرەس جۇرگىزۋىنىڭ ناتيجەسى. مەن مەملەكەتتىك كەڭەس اتىنان بۇكىل ەلدەگى ٴار ۇلت حالقىنا، ٴارقايسى دەموكراتيالىق پارتيا-توپتارعا، حالىقتىق ۇيىمدار مەن ٴار سالا قايراتكەرلەرىنە شىنايى العىس ايتامىن! شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋانداعى باۋىرلاستارعا جانە شەتەلدەگى چياۋمين باۋىرلاستارعا شىنايى العىس ايتامىن! جۇڭگونىڭ وسىزامانداندىرۋ قۇرىلىسىنا كوڭىل ٴبولىپ جانە قولداۋ كورسەتكەن ٴار ەل ۇكىمەتىنە، حالىقارالىق ۇيىمدار مەن ٴار ەلدەگى دوستارعا شىنايى العىس ايتامىن!
بەينەتتى ەسكەرگەندە عانا زەينەت بولادى. تابىستاردى تولىق تۇراقتاندىرۋمەن بىرگە، ەلىمىزدىڭ دامۋىندا ٴدوپ كەلگەن ماسەلەلەر مەن سىنداردى دا سەرگەكتىكپەن كورە ٴبىلۋىمىز قاجەت. دۇنيە ەكونوميكاسىنىڭ ارتۋ قارقىنى باياۋلادى، قورعانىمپازدىق، سىڭار جاقتىلىق اسقىندى، حالىقاراداعى كوپ قولدى تاۋارلاردىڭ باعاسى بارىنشا تولقىمالى بولىپ، ورنىقسىز، تۇراقسىز فاكتورلار كورنەكتى مولايدى، سىرتتان ەنگەن حاۋىپ-قاتەر كۇشەيىپ، ىشكى ەكونوميكانىڭ قۇلدىراۋ قىسىمى ارتۋدا، تۇتىنۋدىڭ ارتۋى باياۋلاپ، ۇتىمدى قارجىلاندىرۋدىڭ ارتۋى دارمەنسىزدەندى. تۇلعالى شارۋاشىلىقتىڭ قيىنشىلىعى ٴبىرشاما كوبەيدى، حالىقتىق جانە شاعىن، تابىسى ماردىمسىز كاسىپورىنداردىڭ قارجى قۇراۋى قيىن، قارجى قۇراۋ قۇنى جوعارى بولۋ ماسەلەسى ٴالى ۇتىمدى شەشىلمەي كەلەدى، تيجارات، ساۋدا ورتاسى بازار سۋبيەكتىلەرىنىڭ كۇتكەن ۇمىتىنەن ٴالى دە ٴبىرشاما الشاق جاتىر. دەربەس جاڭالىق اشۋ قۋاتىمىز ٴالسىز، شەشۋشى، وزەكتى تەحنيكاداعى ولقىلىق ماسەلەسى كورنەكتىلەنە تۇسۋدە، كەيبىر جەرگىلىكتى ورىنداردىڭ قازىنالىق كىرىس-شىعىسىنداعى قايشىلىقتار ٴبىرشاما زور. فينانس، ت.ب. سالالارداعى حاۋىپ-قاتەرلەر مەن كومەسكى كىناراتتار ٴالى دە از ەمەس. ەرەكشە كەدەي رايونداردى كەدەيلىكتەن ارىلتۋدان قامال الۋ جاعىندا قيىندىقتار ٴبىرشاما كوپ. ەكولوگيانى قورعاۋ جانە لاستانۋدىڭ الدىن الۋ مەن ونى وڭاۋ مىندەتى ٴالى دە اۋىر. وقۋ-اعارتۋ، ەمدەۋ، قارتتاردى كۇتىمدەۋ، تۇرعىن ٴۇي، ازىق-تۇلىك، ٴدارى-دارمەك حاۋىپسىزدىگى، كىرىس ٴبولىسى قاتارلى جاقتاردا بۇقارا رازى بولماي وتىرعان ىستەر ٴالى كوپ. بىلتىر الەۋمەتتىك حاۋىپسىزدىك وقيعالارى مەن اۋىر ٴوندىرىس حاۋىپسىزدىگى شىرعالاڭىنان ٴبىر تالايى تۋىلدى، بۇل بىزگە اشتى ساباق بولدى. ۇكىمەت قىزمەتىندە جەتەرسىزدىكتەر بار، كەيبىر رەفورما، دامۋ شارالارىنىڭ تياناقتانۋى جەتەرسىز، فورماشىلدىق، تورەشىلدىك ٴالى دە اۋىر. باقىلاۋ، تەكسەرۋ، باعالاۋ تىم كوپ، كورىنىسكە تىم ٴجيى ٴمان بەرىپ، ناقتى ناتيجەسىنە ٴمان بەرمەيدى، بۇلار نەگىزگى ساتىنىڭ جۇگىن اۋىرلاتىپ وتىر. از ساندى كادرلار جالقاۋلىق، بويكۇيەزدىك ىستەۋدە. كەيبىر سالالاردا شىرىكتەسۋ ماسەلەلەرى جانە دە كوپتەپ تۋىلۋدا. ٴبىز، ٴسوز جوق، ماسەلە مەن سايىستان تايساقتاماي، بورىشتى باتىلدىقپەن وتەپ، مىندەتتى بۇلجىتپاي اتقارىپ، قىزمەتتى بارىنشا جاقسى ىستەپ، حالىقتىڭ كۇتكەن ٴۇمىتىن اقتاۋىمىز كەرەك!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
