بانكە – قامسىزداندىرۋ ىستەرىن باقىلاۋ – باسقارۋ كوميتەتى حاۋىپ – قاتەر ەسكەرتۋىن جاريالادى
كەلتە حات ارقىلى شىرعالايتىن الدامكوستىك حاۋىپ – قاتەرىنەن ساقتانۋ قاجەت
2021.04.29 16:01 كەلۋ قاينارى : حالىق تورابى
حالىق گازەتىنىڭ ءتىلشىسى جاۋ جانحۇي 4 – ايدىڭ 28 – كۇنى بەيجيڭنەن حابارلايدى. بانكە – قامسىزداندىرۋ ىستەرىن باقىلاۋ – باسقارۋ مەكەمەسى جۋىردا 2021 – جىلعى ءبىرىنشى مەرزىمدىك حاۋىپ – قاتەر ەسكەرتۋىن جاريالاپ، تۇتىنۋشىلارعا جەكەلىك ەسەپ ءنومىرى ينفورماتسيالارىنىڭ حاۋىپسىزدىگىنە كوڭىل ءبولۋدى، قولفون بانكەسى مەن ينتەرنەتتىك بانكە قىزمەتىن رەسمي جولدار ارقىلى ءبىتىرۋدى، كەلتە حات ارقىلى شىرعالايتىن الدامكوستەردىڭ مال – مۇلىك حاۋىپسىزدىگىنە زيان جەتكىزۋىنەن ساقتانۋدى ەسكەرتتى.
بانكە – قامسىزداندىرۋ ىستەرىن باقىلاۋ – باسقارۋ كوميتەتى تۇتىنۋشىلاردىڭ ۇقىق – مۇددەسىن قورعاۋ مەكەمەسى قالىڭ تۇتىنۋشىلارعا تومەندەگىدەي بىرنەشە جاقتاعى پارىقتاۋ قابىلەتىن جوعارىلاتۋدى، الدامكوستىك حاۋىپ – قاتەرىنەن ساقتانۋدى ەسكەرتتى:
بىرىنشىدەن، كەلتە حاتتىڭ شىن – جالعاندىعىنا قاراۋ كەرەك. تۇتىنۋشىلار بانكەنىڭ اتىنان جولدانعان كەلتە حاتتاردى تاپسىرىپ العاندا، ونىڭ شىن – جالعانىن پارىقتاۋعا كوڭىل ءبولۋى كەرەك، وتە – موتە، قالىپسىز نومىرلەرمەن جولدانعان كەلتە حاتتارعا سەنە كەتپەۋ كەرەك. تۇتىنۋشىلار ەگەر كەلتە حاتتىڭ شىن – جالعانىن پارىقتاي الماسا، بانكەنىڭ تيجارات ورنىنا بارۋى نەمەسە بانكەنىڭ رەسمي قىزمەت وتەۋ تەلەفونى ارقىلى كەڭەس سۇراۋى كەرەك.
ەكىنشىدەن، توراپ جالعانىمى مەن توراپ بەتىنىڭ شىن – جالعانىنا قاراۋ كەرەك. الدامكوستىك مازمۇنداعى كەلتە حاتتاردىڭ ىشىندەگى توراپ جالعانىمى جالعاننان جاسالعان توراپ بانكەسىنىڭ نەمەسە ينتەرنەتتىك بانكەنىڭ توراپ بەتىنىڭ شىرعالاۋ سيپاتىنداعى جالعانىمى بولۋى، ياكي، اعاش ات ۆيرۋسى بولۋى مۇمكىن، مۇنداي جالعانىمداردى الباتى اشپاۋ كەرەك. قالىڭ تۇتىنۋشىلار قولفون بانكەسىنە نەمەسە ينتەرنەتتىك بانكەگە كىرگەن كەزدە، زاڭسىز ەلەمەنتتەردىڭ الداۋىنان ساقتانۋ ءۇشىن، بانكەنىڭ قولفونعا ارنالعان رەسمي APP قولدانباسى نەمەسە رەسمي تورابى قاتارلى جولدارمەن كىرگەنى ءجون، ءۇشىنشى جاق بەرگەن توراپ جالعانىمىن اشپاعان ابزال.
ۇشىنشىدەن، قارسى جاقتىڭ سۇراعانى جەكەلەردىڭ ماڭىزدى، سەزىمتال ينفورماتسيالارى ما، جوق پا دەگەنگە قاراۋ كەرەك. تۇتىنۋشىلاردىڭ ازاماتتىق كۋالىگى، بانكە كارتۋچكاسىنىڭ ءنومىرى، ەسەپ ءنومىرىنىڭ قۇپيا سيفرى، كەلتە حات ارقىلى تاپسىرىپ العان ايعاقتاۋ ءنومىرى قاتارلىلاردىڭ بارلىعى جەكەلەردىڭ ماڭىزدى ءارى سەزىمتال ينفورماتسيالارى ەسەپتەلەدى، ەگەر ءۇشىنشى جاق وسى ينفورماتسيالاردى كىرگىزۋدى نەمەسە جىبەرىپ بەرۋدى تالاپ ەتسە، اسا ساق بولۋ قاجەت. ماڭىزدى، سەزىمتال ينفورماتسيالاردى باسقالارعا الباتى بەرمەگەن ءجون، انىق بولماعان توراپ جالعانىمدارىن باسپاعان ءجون، بانكەنىڭ رەسمي ارنالارىنان باسقا توراپ بەتتەرىنە ماڭىزدى، سەزىمتال ينفورماتسيالاردى جازباۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
