لي كىچياڭ گەرمانيانىڭ زۇڭليى مەركەلمەن بىرگە 6 – رەتكى جۇڭگو – گەرمانيا ۇكىمەتتەرىنىڭ كەڭەسىن باسقارعاندا مىنانى دارىپتەدى
اشىق سەلبەستىك جاساپ، ءوزارا پايدا جەتكىزىپ، تەڭ يگىلىككە كەنەلىپ، جۇڭگو - گەرمانيا قاتىناسىنىڭ اناعۇرلىم جوعارى دەڭگەيدە دامۋىن ىلگەرىلەتۋ كەرەك
2021.04.29 15:36 كەلۋ قاينارى : حالىق تورابى
«حالىق گازەتى»، 4 - ايدىڭ 28 - كۇنى، بەيجيڭ (ءتىلشى باي ياڭ). مەملەكەتتىك كەڭەستىڭ زۇڭليى لي كىچياڭ 4 - ايدىڭ 28 - كۇنى تۇستەن كەيىن حالىق سارايىندا گەرمانيانىڭ زۇڭليى مەركەلمەن بىرگە 6 – رەتكى جۇڭگو – گەرمانيا ۇكىمەتتەرىنىڭ كەڭەسىن كەسكىن فورماسىمەن باسقاردى.
ەكى ەل زۇڭليلەرى ەكى جاقتىڭ ديپلوماتيا، ەكونوميكا - ساۋدا، ءادىليا، قازىنا، ونەركاسىپ، قاتىناس، وقۋ - اعارتۋ، عىلىم - تەحنيكا، دەنساۋلىق ساقتاۋ، اۋىل شارۋاشىلىعى، قورشاعان ورتانى قورعاۋ، قوعامدىق قامتاماسىزداندىرۋ سياقتى 25 تاراۋىنىڭ جاۋاپتىلارىنىڭ قىزمەت مالىمەتىن تىڭدادى.
لي كىچياڭ مىنانى ءبىلدىردى: جۇڭگو مەن گەرمانيا − جان - جاقتى ستراتەگيالىق سەرىكتەر، سەلبەسىپ تەڭ يگىلىككە كەنەلۋ − ەكى ەل قاتىناسىنىڭ نەگىزگى اۋەنى، تىكەلەي يگىلىككە كەنەلۋشىلەر − ەكى ەل حالىقتارى. تاياۋدا ءتوراعا شي جينپيڭ زۇڭلي حانىممەن تەلەفوندا سويلەستى، ەكى جاق تا جۇڭگو - گەرمانيا قاتىناسىنىڭ اقاۋسىز، ورنىقتى دامۋىن ۇزدىكسىز ىلگەرىلەتەتىندەرىن ءبىلدىردى. قازىر حالىقارالىق جاعدايدا كۇردەلى دە تەرەڭ وزگەرىستەر تۋىلۋدا، ىندەت ءالى دە تارالۋدا، قورعانىمپازدىق ۇزدىكسىز ءومىر سۇرۋدە. ىندەت جاعدايى حالىقارالىق قوعامدى سەلبەستىك ءۇنىن تاراتىپ، ىنتىماقتىڭ كۇشىن ايگىلەۋگە ۇندەيدى. جۇڭگو گەرمانيامەن تىلدەسۋ مەن سەلبەستىكتىڭ ۇلكەن بەتالىسىن مىقتاپ يگەرۋدى قالايدى. ەكى جاق ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە قۇرمەت ەتىپ، تەڭ تۇرعىدا مامىلە جاساۋ، ءبىر - ءبىرىنىڭ ىشكى ىسىنە ارالاسپاۋ نەگىزىندە پىكىرلەسىپ، اۋىس - كۇيىس جاساپ، سەنىمدىلىكتى ارتتىرىپ، كۇدىك - كۇماننان ارىلىپ، الاۋىزدىقتاردى ازايتىپ، نازاردى سەلبەستىككە شوعىرلاندىرسا بولعانى، تىلدەسۋ مەن سەلبەستىكتىڭ اناعۇرلىم ءساتتى ورىستەتىلۋىنە ءتيىمدى شارت - جاعداي جاراتىپ، ەكى ەل قاتىناسىنىڭ ۇزاق ۋاقىت اقاۋسىز، ورنىقتى دامۋىنا كەپىلدىك ەتۋگە بولادى.
لي كىچياڭ بىلاي دەپ اتاپ كورسەتتى: قازىرگى جاعدايدا جۇڭگو مەن گەرمانيا ىندەتكە قارسى اتتانۋ سەلبەستىگىن كۇشەيتىپ، ۆاكسينانىڭ ءادىل، ۇيلەسىمدى ءبولىسىن ىلگەرىلەتىپ، «ۆاكسينا ۇلتشىلدىعىنا» قارسى تۇرۋى كەرەك. جۇڭگو مەن گەرمانيانىڭ «جىلدام ارناسىنان» ۇتىمدى، تولىق پايدالانىپ، ەكى جاق ادامدارىنىڭ قاجەتتى بارىس - كەلىسىنە قولايلىلىق جاساپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن بىرگە قورعاۋ كەرەك.
لي كىچياڭ بىلاي دەپ دارىپتەدى: جۇڭگونىڭ سىرتقا ەسىك اشۋى مەن گەرمانيانىڭ ەۆروپانىڭ ءبىر تۇلعالانۋ اياق الىسىنا ات سالىسۋىنىڭ امالياتى جۇڭگو مەن گەرمانيانىڭ ەسىك اشۋدان جازباي، ءادىل باسەكەدە تاباندى بولۋدى قالايتىندارىن دالەلدەدى. جۇڭگو سىرتقا ەسىك اشۋدى ونان ارى كەڭەيتەدى، گەرمانيانى قامتىعان دۇنيە جۇزىندەگى ەلدەرمەن دامۋ ورايىنان بىرگە يگىلىكتەنۋدى قالايدى. ەسىك اشۋ قوس باعىتتى بولۋعا ءتيىس، ءوزارا ەسىك اشۋدى كەڭەيتۋ بارىسىندا ەركىن ساۋدانى ىلگەرىلەتىپ، دۇنيە ءجۇزى ەكونوميكاسىنىڭ قالپىنا كەلۋىن جەبەۋ كەرەك. جۇڭگو ەۆروپا وداعىمەن بىرگە جۇڭگو - ەۆروپا قارجى قوسۋ كەلىسىمىنىڭ ەرتەرەك كۇشكە يە بولۋىن ىلگەرىلەتىپ، جۇڭگو - ەۆروپا قاتىناسىنىڭ اقاۋسىز، ورنىقتى دامۋىن جەبەۋدى قالايدى.
مەركەل مىنانى ءبىلدىردى: كەلەر جىلى − گەرمانيا مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعى، گەرمانيا جۇڭگومەن ءوزارا سەنىمدىلىكتى تەرەڭدەتىپ، سەلبەستىكتى كەڭەيتىپ، ەكى ەل قاتىناسىنىڭ اناعۇرلىم ىشكەرىلەي دامۋىن ىلگەرىلەتۋدى قالايدى. ەكى جاقتىڭ ەكى ەلدىڭ «جىلدام ارنالارىنىڭ» رولىن تولىق ساۋلەلەندىرىپ، ادامداردىڭ ءتارتىپتى بارىس - كەلىسىن جالعاستىرىپ، ۆاكسينا ءوندىرىسى مەن ءوزارا مويىنداۋ سەلبەستىگىن ىلگەرىلەتۋىن ءۇمىت ەتەمىن. گەرمانيا اشىق سەلبەستىكتى، قورعانىمپازدىققا قارسى تۇرۋدى دارىپتەيدى، پىكىرلەسۋ، كەڭەسۋ بارىسىندا الاۋىزدىقتاردى شەشۋدى دارىپتەيدى. ەۆروپا - جۇڭگو قارجى قوسۋ كەلىسىمى ەۆروپا - جۇڭگو قاتىناسى جونىنەن توتەنشە ماڭىزدى، ەكى جاقتىڭ كەلىسىمنىڭ ەرتەرەك كۇشكە يە بولۋىن بىرگە ىلگەرىلەتۋىن ءۇمىت ەتەمىن.
ەكى جاق ءبىر اۋىزدان بىلاي دەپ قارادى: جۇڭگو - گەرمانيا ۇكىمەتتەرىنىڭ كەڭەس مەحانيزمى قۇرىلعان 10 جىلدان بەرى جۇڭگو - گەرمانيا سەلبەستىگىن ىلگەرىلەتۋدە «اسقىن موتور» رولىن ساۋلەلەندىردى، ونى ويداعىداي جالعاستىرۋدان جازباۋ كەرەك. ەكى جاق جۇڭگو مەن گەرمانيانىڭ جوعارى دارەجەلى قازىنا ديالوگىن وتكىزىپ، جۇڭگو مەن گەرمانيانىڭ زاڭمەن جونگە سالىناتىن ەلدەر ديالوگىنىڭ جاڭا كەزەكتى تالقى ءماجىلىسىن لايىقتى تاسىلمەن وتكىزۋگە؛ ەكونوميكا - ساۋدا، قارجى قوسۋ، اۆتوموبيل جاساۋ، جوعارى عىلىم - تەحنيكا، جاڭا ەنەرگيا، سيفرلى ەكونوميكا، گۋمانيتارلىق سياقتى سالالارداعى سەلبەستىكتى ۇزدىكسىز تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلۋدى اناعۇرلىم ويداعىداي جۇزەگە اسىرۋعا ءبىر اۋىزدان ماقۇل بولدى.
كەڭەستەن كەيىن ەكى ەل زۇڭليلەرى «بۇلتتىق توقتامعا قول قويۋ» سالتىنا بىرگە قاتىناسىپ، كليمات وزگەرىسىنە توتەپ بەرۋ، قوعامدىق قامتاماسىزداندىرۋ، دەنساۋلىق ساقتاۋ، سالاماتتىق، ازىق - تۇلىك حاۋىپسىزدىگى، حالىقارالىق دامۋ، قاتىناس - تاسىمال، باياندى دامۋ سياقتى سالالارداعى ەكى جاقتى سەلبەستىك قۇجاتتارىنا قول قويۋعا كۋا بولدى.
ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
