شي جينپيڭ گۋاڭشيدە قىزمەت تەكسەرگەندە مىنانى دارىپتەدى
يدەيانى ازات ەتىپ، رەفورمانى تەرەڭدەتىپ، زەيىن - زەردەنى، كۇش - قۋاتتى شوعىرلاندىرىپ، جاۋاپكەرلىك ارقالاپ، ناقتى ىستەپ، جاڭا داۋىردەگى جۇڭگوشا سوتسياليستىك كورىكتى گۋاڭشيدى قۇرىپ شىعۋ كەرەك
2021.04.28 16:35 كەلۋ قاينارى : حالىق تورابى
«حالىق گازەتى»، 4 - ايدىڭ 27 – كۇنى، ناننيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا گۋاڭشيدە قىزمەت تەكسەرگەندە مىنانى دارىپتەدى: پارتيا ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، يدەيانى ازات ەتىپ، رەفورمانى تەرەڭدەتىپ، زەيىن - زەردەنى، كۇش - قۋاتتى شوعىرلاندىرىپ، جاۋاپكەرلىك ارقالاپ، ناقتى ىستەپ، ىندەتتەن ساقتانۋ - تىزگىندەۋ مەن ەكونوميكانى، قوعامدى دامىتۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، شەكاراداعى ۇلتتىق رايونداردىڭ ساپالى دامۋىن ىلگەرىلەتۋدە جاڭا جول اشىپ، جاڭا دامۋ جاعدايىنا قىزمەت وتەۋ جانە توعىسۋ جاعىندا تىڭ ىسكەرلىك كورسەتىپ، جاسىل دامۋدى ىلگەرىلەتۋدە تىڭ قادام تاستاپ، ۇلتتار ىنتىماعىن، قوعام ورنىقتىلىعىن، شەكارا ءوڭىردىڭ تىنىشتىعىن بەكەمدەۋ، دامىتۋ جاعىندا تىڭ جاۋاپكەرلىكتى ايگىلەپ، جاڭا داۋىردەگى جۇڭگوشا سوتسياليستىك كورىكتى گۋاڭشيدى قۇرىپ شىعۋ كەرەك.
4 - ايدىڭ 25 - كۇنىنەن 27 - كۇنىنە دەيىن شي جينپيڭ گۋاڭشي جۋاڭزۋ اۆتونوميالى رايوندىق پارتكومنىڭ شۋجيى لۋ شينشى مەن اۆتونوميالى رايوندىق ۇكىمەتتىڭ ءتوراعاسى لان تيانليدىڭ جولسەرىك بولۋىندا ىلگەرىندى - كەيىندى گۇيلين، ليۋجوۋ، ناننيڭ قاتارلى جەرلەرگە بارىپ، توڭكەرىستىك ەسكەرتكىش سارايلارىن، اۋىل - قىستاقتى، كاسىپورىنداردى، ۇلتتىق مۇراجايلاردى ىشكەرىلەي ارالاپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋ، پارتيا تاريحىن ۇيرەنۋ تاربيەسىن ورىستەتۋ، «14 - بەسجىلدىقتا» جاقسى باستاما باستاۋ، جاقسى قادام تاستاۋ سياقتىلار جونىندە تەكسەرۋ - زەرتتەۋ جۇرگىزدى.
شي جينپيڭ 4 - ايدىڭ 25 - كۇنى تۇستەن بۇرىن گۇيلين قالاسى چۋانجوۋ اۋدانى سايۋان قالاشىعىنداعى قىزىل ارميا ۇزاق جورىعىنىڭ شياڭجياڭ شايقاسى ەسكەرتكىش باقشاسىنا كەلىپ، شياڭجياڭ شايقاسىنداعى قىزىل ارميا قۇرباندارىنا گۇل شارباق قويدى ءارى 3 رەت تاعزىم ەتىپ، «قىزىل ارميا رۋحى» ءمۇسىنىن قۇرمەتپەن كورىپ، ەسكەرتكىش سارايىن ەكسكۋرسيالادى. 1934 - جىلدىڭ سوڭىندا ج ك پ ورتالىق كوميتەتى مەن ورتالىق قىزىل ارميانىڭ نەگىزگى كۇشتەرىنىڭ شياڭجياڭ وزەنىنەن وتۋىنە كەپىلدىك ەتۋ، جاۋدىڭ قىزىل ارميانى شياڭجياڭ وزەنىنىڭ شىعىسىندا قورشاپ جويۋ ماقساتىن تالقانداۋ ءۇشىن، قىزىل ارميانىڭ نەشە ون مىڭ ساردار - ساربازى شياڭجياڭ وزەنىنىڭ ەكى جاعالاۋىندا قاندى شايقاس جۇرگىزدى، بۇل سوعىس جۇڭگو توڭكەرىسىنىڭ ءومىر ءسۇرۋى مەن قۇرىپ جوعالۋىنا ساياتىن ماڭىزدى تاريحي وقيعاعا اينالدى. شي جينپيڭ مىنانى ءبىلدىردى: مەن گۋاڭشيدە قىزمەت تەكسەرۋدە ءبىرىنشى رەت وسى اراعا كەلدىم، مۇنداعى ماقساتىم بۇكىل پارتيادا پارتيا تاريحىن ۇيرەنۋ تاربيەسىن ورىستەتىپ وتىرعان ساتتە توڭكەرىستىك قۇربانداردى ساعىنا ەسكە الىپ، كوممۋنيستەردىڭ رۋحاني قان تامىرىن جالعاستىرىپ، مۇرات - سەنىمدى بەكەمدەپ، توڭكەرىستىك جىگەردى شىڭداۋ. توڭكەرىستىك مۇرات بارىنەن جوعارى تۇرادى، مۇرات - سەنىم وتى تۇتانىسىمەن - اق وراسان زور رۋحاني كۇش پايدا بولادى. قىزىل ارميانىڭ ساردارلارى مەن ساربازدارىنىڭ ولىمنەن تايسالماۋ، العان بەتىنەن قايتپاۋ، ءارقانداي قيىنشىلىقتى باتىلدىقپەن جەڭۋ سىندى وسكەلەڭ رۋحى ءبىزدىڭ ماڭگى ەستە ساقتاۋىمىزعا جانە ساۋلەلەندىرۋىمىزگە تاتيدى. ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ۇزاق جورىعىندا ءبىز، ءسوز جوق، جەڭىسكە جەتۋ سەنىمىن بەكەمدەپ، ەل ءىشى - سىرتىنان كەلگەن ءتۇرلى ەلەۋلى حاۋىپ - قاتەر مەن سىن - سايىستى باتىلدىقپەن جەڭىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا قاراي ەرلىكپەن العا باسۋىمىز كەرەك.
وسىدان كەيىن شي جينپيڭ سايۋان قالاشىعى ماۋجۋشان قىستاعىنا كەلدى. بۇل قىستاق تاياۋ جىلداردان بەرى ءجۇزىم ەگىمشىلىگىن بەلسەنە دامىتىپ، شارۋالاردىڭ كىرىسىن ارتتىرۋدى پارمەندى جەبەدى. شي جينپيڭ ءجۇزىم باقشاسىنا بارىپ، ءجۇزىمنىڭ ءوسۋ جاعدايىن كوردى. اۋىل شارۋاشىلىق تەحنيكتەرى قىستاق تۇرعىندارىنىڭ ءجۇزىمنىڭ وركەنىن بايلاپ، جەمىس ءتۇيىنىن تۇراقتاندىرۋىنا جەتەكشىلىك ەتۋدە، باس شۋجيدىڭ كەلگەنىن كورىپ، اۋىلداستار قاۋمالاي جينالدى. شي جينپيڭ ءجۇزىمنىڭ ءونىم مولشەرى، ساپاسى، ساتىلۋ جولى، باعاسى سياقتى جاعدايلاردى ەگجەي - تەگجەيلى ۇعىستى. ول مىنالاردى دارىپتەدى: اۋىل - قىستاقتى گۇلدەندىرۋدى جاپپاي ىلگەرىلەتۋدە ەرەكشە بايلىقتى تياناق ەتىپ، عىلىم - تەحنيكا ارقىلى اۋىل شارۋاشىلىعىن گۇلدەندىرۋدە تاباندى بولىپ، جەرگىلىكتى جاعدايعا قاراي اۋىل - قىستاق ساياحاتى، سەيىل - سەرۋەن اۋىل شارۋاشىلىعى سياقتى جاڭا كاسىپتەردى، جاڭا كاسىپ كۇيىن دامىتىپ، ءوندىرۋ مەن ساتۋدى ساباقتاستىرىپ، اۋىل شارۋاشىلىعى مادەنيەت - ساياحات كاسىبىن توعىستىرىپ ، اۋىل - قىستاق كاسىپ سالاسىنىڭ دامۋىن، زورايۋىن ىلگەرىلەتىپ، شارۋالاردىڭ كاسىپتىڭ ارتقان قۇن پايداسىنان اناعۇرلىم كوپ يگىلىكتەنۋىنە مۇمكىندىك جاساۋ كەرەك.
شي جينپيڭ قىستاقتىڭ بەت - بەينەسىن اياڭداپ كوزدەن كەشىردى، سونداي - اق قىستاق تۇرعىنى ۋاڭ دىليدىڭ ۇيىنە امانداسا بارىپ، ءبىر ءۇيلى جانمەن بىرگە قورالانا وتىرىپ اڭگىمە دۇكەنىن قۇردى. ۋاڭ دىلي باس شۋجيگە وزدەرىنىڭ 12 مۋ جەرگە ءجۇزىم ەككەندەرىن، ەگىس جۇمىسىنىڭ سايابىر كەزىندە سىرتقا شىعىپ جۇمىس ىستەيتىنىن، بىلتىر وتباسى كىرىسى 140 مىڭ يۋاننان اسقانىن ايتتى. شي جينپيڭ مۇنى ەستىپ قاباعات قۋاندى. ول بىلاي دەپ اتاپ كورسەتتى: بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى العان ماڭىزدى ساتتە ەلىمىز كەدەيلىكتەن ارىلتۋدان قامال الۋ شايقاسىندا جەڭىسكە جاپپاي قول جەتكىزدى. جاقسى تۇرمىس كۇرەسپەن كەلەدى. سىزدەردىڭ ەڭبەككە، اقىل - پاراساتقا سۇيەنىپ، ءتىپتى دە باي - باقىتتى تۇرمىس كەشىرۋلەرىڭىزدى ءۇمىت ەتەمىن. عىلىم - تەحنيكانى ۇيرەنۋگە ءمان بەرىپ، ءبىلىم ارقىلى اۋىل - قىستاقتى گۇلدەندىرۋ كەرەك. قىستاقتان اتتاناردا اۋىلداستار باس شۋجيگە ءور داۋىسپەن امانداستى. شي جينپيڭ كوپشىلىككە قول بۇلعاپ قۇرمەت ءبىلدىردى. ول تەرەڭ سۇيىسپەنشىلىكپەن بىلاي دەدى: حالىقتى باقىتتى تۇرمىسقا كەنەلتۋ − «مەملەكەتتىڭ ءىرى ءىسى». اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، تىنىستاپ الايىن، دەمالىپ الايىن دەۋگە، استە، بولمايدى، جاڭا باستامادا ۇزدىكسىز كۇرەس جۇرگىزىپ، جالپى حالىقتىڭ بىرگە اۋقاتتانۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەك.
گۇيلين قالاسى تاياۋ جىلداردان بەرى ليجياڭ وزەنىنە قاراتىلعان «بىلىقپالىقتى جونگە سالۋ، سۋدى جونگە سالۋ، تاۋدى جونگە سالۋ، تۇبىرىنەن جونگە سالۋ» ارەكەتىن زور كۇشپەن ىلگەرىلەتىپ، ليجياڭ وزەنىنىڭ ەكولوگيالىق ورتاسىن جاقسارتتى. 4 - ايدىڭ 25 - كۇنى تۇستەن كەيىن شي جينپيڭ گۇيلين قالاسى ياڭشو اۋدانى ليجياڭ وزەنى ياڭدي كەمەجايىنا كەلىپ، ليجياڭ وزەنى الابىن جان - جاقتى جونگە سالۋ، ەكولوگيانى قورعاۋ سياقتى جاعدايلار جونىندەگى مالىمەتتى تىڭدادى ءارى كەمەگە وتىرىپ ليجياڭ وزەنىنىڭ ياڭشو بولەگىن تەكسەردى. ول مىنالاردى دارىپتەدى: تاۋ، سۋ، ورمان، اتىز، كول، جايىلىم، ءشول جۇيەسىن جونگە سالۋدا تاباندى بولىپ، دۇرىس ەكولوگيالىق كوزقاراستان، دامۋ كوزقاراسىنان جازباي، تابيعاتتان يمەنىپ، تابيعاتقا ۇيلەسىپ، تابيعاتتى قورعاپ، جوعارى مەن تومەن ءبىر نيەتپەن جۇمىلىپ، تەگىس يگەرىپ، بىرگە باسقارىپ، تاۋ، سۋ ەكولوگياسىنىڭ اۋەلگى بەينەسى مەن كەمەلدىلىگىن ساقتاۋدى ماڭىزدى قىزمەت ەتىپ، ەكولوگيانى قالپىنا كەلتىرۋ مەن قورشاعان ورتانىڭ لاستانۋىن جونگە سالۋدى ىشكەرىلەي ىلگەرىلەتىپ، قۇم - تاستى بەتالدى الۋدى، بەتالدى قازۋدى تيىپ، اعارلاردىڭ ەكولوگيالىق ورتاسىنىڭ ۇزدىكسىز جاقسارۋىن، ەكولوگيا جۇيەسىنىڭ ۇزدىكسىز ساپالىلانۋىن، تۇلعالىق فۋنكتسيانىڭ ۇزدىكسىز جوعارىلاۋىن ىلگەرىلەتۋ كەرەك.
شي جينپيڭ 4 - ايدىڭ 26 - كۇنى گۇيلين قالاسىنىڭ شياڭبيشان باقشاسىنا كەلىپ، تاۋ - وزەننىڭ بەت - بەينەسىنە كوز جىبەرىپ، جاياۋلار جولىن بويلاپ ساۋدا، پوچتا سياقتى قىزمەت وتەۋ قۇرىلعىلارىن كوزدەن كەشىردى. ساياحاتشىلار، الارماندار: «باس شۋجي، سالەمەتسىز بە!» دەپ الاقايلاي ءۇن قاتتى. شي جينپيڭ كوپشىلىكپەن ىقىلاسپەن اڭگىمەلەستى. ول بىلاي دەپ اتاپ كورسەتتى: گۇيلين − تاۋ - سۋى كوركەم، دۇنيە جۇزىنە ايگىلى ساياحات قالاسى. بۇل − ۇلى تابيعاتتىڭ جۇڭحۋا ۇلتىنا سيلاعان اسىل مەكەنى، ونى، ءسوز جوق، ويداعىداي قورعاۋ كەرەك. حالىقتى وزەك ەتۋدە تاباندى بولىپ، مادەنيەت ارقىلى ساياحاتتى سومداپ، ساياحات ارقىلى تىڭ ناتيجە جاراتىپ، ساپانى جوعارىلاتىپ، كاسىپكە، قونىستانۋعا، كوڭىل اشۋعا، ساياحاتتاۋعا قولايلى تاماشا ورتا جاراتۋعا قۇلشىنىپ، دۇنيە جۇزىلىك دەڭگەيدەگى ساياحات قالاسىن قۇرۋ كەرەك.
سول كۇنى تۇستەن كەيىن شي جينپيڭ ليۋجوۋ قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. گۋاڭشي ليۋگۇڭ توبى شەكتى سەرىكتەستىگىندە شي جينپيڭ ىلگەرىندى - كەيىندى سەرىكتەستىكتىڭ كورمە زالى، زەرتتەۋ - اشۋ تاجىريبە ورتالىعى، قازۋ ماشيناسىن قۇراستىرۋ زاۆودى سياقتىلارعا بارىپ، كاسىپورىننىڭ دامۋ جاعدايى جونىندەگى تانىستىرۋدى تىڭداپ، نەگىزگى ونىمدەر كورمەسىن كورىپ، كاسىپورىن جۇمىسشى - قىزمەتكەرلەرىمەن جانە تەحنيكالىق زەرتتەۋ - اشۋ قىزمەتكەرلەرىمەن ىقىلاسپەن اڭگىمەلەستى. شي جينپيڭ مىنالاردى دارىپتەدى: جاساۋ كاسىبىنىڭ ساپالى دامۋى − ەلىمىز ەكونوميكاسىنىڭ ساپالى دامۋىنداعى ەڭ ماڭىزدى ءتۇيىن، سوتسياليستىك وسىزاماندانعان قۇدىرەتتى ەل قۇرۋ، ناقتى ەكونوميكانى دامىتۋ، زورايتۋ جاساۋ كاسىبىنەن ايرىلا المايدى، كاسىپتەردى ساپالىلاندىرۋدى، دارەجەسىن جوعارىلاتۋدى ىلگەرىلەتۋگە ۇزدىكسىز كۇش سالۋ كەرەك. جاڭالىق اشقاندا عانا ءوزىن الۋەتتەندىرۋگە، الدا جۇرۋگە بولادى، دەربەس جاڭالىق اشۋ جولىمەن بۇلجىماي ءجۇرىپ، جاڭالىق اشا دامۋدىڭ ىرىقتىلىق ۇقىعىن ءوز قولىمىزدا بەرىك ۇستاۋىمىز كەرەك. پارتيانىڭ مەملەكەت مەنشىگىندەگى كاسىپورىندارعا جاپپاي باسشىلىق ەتۋىندە تاباندى بولىپ، پارتيانىڭ باسشىلىعىن كۇشەيتۋ مەن سەرىكتەستىكتى جونگە سالۋدى كەمەلدەندىرۋدىڭ بىرلىگىندە تاباندى بولىپ، كاسىپورىن رەفورماسىن تەرەڭدەتۋ بارىسىندا پارتيا قۇرىلىسىن ويداعىداي جۇرگىزىپ، پارتيا ۇيىمىنىڭ كاسىپورىن رەفورماسىنداعى، دامۋىنداعى باسشىلىق ۇيىتقىسى بولۋ رولىن تولىق ساۋلەلەندىرۋ كەرەك.
وسىدان كەيىن شي جينپيڭ ليۋجوۋ ۇلۋ ۇنتاعى ءوندىرىسى شوعىرلانعان رايونعا كەلىپ، ۇلۋ ۇنتاعى سىندى ەرەكشە كاسىپتىڭ جۇمىستانۋدى جەبەۋى، شارۋالاردىڭ كىرىسىن ارتتىرۋى سياقتى جاعدايلاردى ەگجەي - تەگجەيلى ۇعىستى. شي جينپيڭ مىنالاردى اتاپ كورسەتتى: ەرەكشە كاسىپتەردى دامىتۋ − جەرگىلىكتى ورىنداردىڭ ناقتى ىستەپ، ناقتى ەكونوميكانى كۇشەيتۋىندەگى، ساپالىلاندىرۋىنداعى ناقتى شارا، ءوز شارت - جاعدايىمەن جانە ابزالدىعىمەن ۇشتاستىرىپ، ساپالى دامۋدى ىلگەرىلەتۋ كەرەك. ساپا حاۋىپسىزدىگى وتكەلىن مىقتى يگەرىپ، ولشەمدەندىرۋدى، ماركالاندىرۋدى ىلگەرىلەتۋ كەرەك. حالىقتىق كاسىپورىنداردىڭ ءىس جۇزىندىك قيىنشىلىقتاردى شەشۋىنە كومەكتەسىپ، حالىقتىق كاسىپورىنداردىڭ دامىپ زورايۋىنا دەم بەرۋ، قولداۋ كورسەتۋ، جەتەكشىلىك ەتۋ كەرەك.
گۋاڭشي − ەلىمىزدەگى از ۇلت حالىق سانى ەڭ كوپ اۆتونوميالى رايون. 7 - ايدىڭ 27 - كۇنى تۇستەن بۇرىن شي جينپيڭ ناننيڭ قالاسىنداعى يۇڭجياڭ وزەنىنىڭ بويىنا ورنالاسقان گۋاڭشي ۇلتتار مۇراجايىنا كەلىپ، جۋاڭزۋ مادەنيەت كورمەسىن ەكسكۋرسيالادى. مۇراجايدىڭ سىرتقى جاعىندا «3 - ناۋرىز ءان - كۇي مەرەكەسى» اتىنداعى جۋاڭزۋ ۇلتىنىڭ ءان ايتىسى سياقتى ۇلتتىق مادەنيەت قيمىلدارى شوعىرلى وتكىزىلۋدە. شي جينپيڭ مىنالاردى دارىپتەدى: گۋاڭشي − مەملەكەت بويىنشا ۇلتتار ىنتىماعى العاباسارلىعىنان ۇلگى كورسەتۋ رايونى، ۇلگى كورسەتۋ، جەتەكتەۋ رولىن ۇزدىكسىز ويداعىداي ساۋلەلەندىرۋى كەرەك. ۇلتتاردىڭ بىرگە ىنتىماقتاسىپ، العا باسۋى، بىرگە گۇلدەنىپ، دامۋى − جۇڭحۋا ۇلتىنىڭ تىرشىلىگىنىڭ تياناعى، كۇش - قۋاتىنىڭ تياناعى، ءۇمىتىنىڭ تياناعى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا بىردە - ءبىر ۇلتتىڭ قاعىس قالۋىنا بولمايدى، ءار ۇلت حالقى ءبىر نيەت، ءبىر تىلەكتە بولا وتىرىپ، ىنتىماقتاسا العا باسىپ، جۇڭحۋا ۇلتىنىڭ كوركەم بولاشاعىن بىرگە جاراتىپ، ۇلتتىڭ گۇلدەنۋىنىڭ ۇلى داڭقىنان بىرگە يگىلىكتەنۋى كەرەك.
سول كۇنى تۇستەن بۇرىن شي جينپيڭ گۋاڭشي جۋاڭزۋ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، گۋاڭشيدىڭ ءتۇرلى قىزمەتتە قول جەتكىزگەن تابىستارىن تۇراقتاندىرىپ، گۋاڭشيدەگى ءار ۇلت كادرلارى مەن بۇقاراسىنىڭ جاپپاي سوتسياليستىك وسىزاماندانعان مەملەكەت قۇرۋدىڭ گۋاڭشي تاراۋىن قۇلشىنا جازىپ، پارتيا قۇرىلعانىنىڭ 100 جىلدىعىن ۇزدىك ناتيجەلەرمەن قۇتتىقتاۋىن ءۇمىت ەتتى.
شي جينپيڭ مىنالاردى اتاپ كورسەتتى: ەكونوميكانىڭ ساپالى دامۋىن ىلگەرىلەتۋدە ءبىر جاعىنان، جاڭا دامۋ ۇستانىمىن دايەكتىلەندىرۋدىڭ، جاڭا دامۋ جاعدايىن ورناتۋدىڭ جەرگىلىكتى ورىننىڭ ساپالى دامۋىن ىلگەرىلەتۋدەگى پرينسيپتىك تالابىن ىشكەرىلەي تانىپ، تاعى ءبىر جاعىنان، وسى ءوڭىردىڭ جاڭا دامۋ جاعدايىنا قىزمەت وتەۋدەگى جانە ونىمەن توعىسۋداعى سالىستىرمالى ابزالدىعىن دۇرىس يگەرىپ، جەرگىلىكتى ورىننىڭ ءىس جۇزىندىك جاعدايىنا ۇيلەسەتىن ساپالى دامۋ جولىمەن ءجۇرۋ كەرەك. ءداستۇرلى كاسىپتەردىڭ جوعارى ورەگە كوتەرىلۋىن، زەردەلىلەنۋىن، جاسىلدانۋىن ىلگەرىلەتىپ، تۇتاس كاسىپ تىزبەگىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، جاڭادان گۇلدەنگەن كاسىپتەردى بەلسەنە جەتىلدىرىپ، سيفرلى كاسىپ سالالاندىرۋدى جانە كاسىپ سالاسىنىڭ سيفرلانۋىن جەدەلدەتۋ كەرەك. رەفورمانى ۇزدىكسىز تەرەڭدەتىپ، «ەكىدەن استە اۋىتقىماۋدا» تاباندى بولىپ، ساۋدا ورتاسىن ساپالىلاندىرۋ كەرەك. جاڭالىق اشۋدى قولداۋ سەرپىنىن ارتتىرىپ، جاڭالىق اشۋدىڭ ەكولوگيالىق ورتاسىن ساپالىلاندىرىپ، ءتۇرلى جاڭالىق اشۋ فاكتورلارىنىڭ كاسىپورىندارعا شوعىرلانۋىن ىلگەرىلەتىپ، جاڭالىق اشۋدىڭ ومىرشەڭدىك كۇشىن قاۋلاتىپ، عىلىم - تەحنيكا جەتىستىكتەرىنىڭ كادەگە جاراۋىن ىلگەرىلەتۋ كەرەك. چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى مەملەكەتتىڭ كەلەلى ستراتەگيالارىمەن ىرىقتى تۇردە توعىسىپ، «ءبىر بەلدەۋ ، ءبىر جولدى» بىرگە قۇرۋمەن توعىستىرىپ، باتىس بولەك قۇرلىق - تەڭىز جاڭا ارناسىن جوعارى دەڭگەيدە بىرگە قۇرىپ، تەڭىزگە باعىتتالعان ەكونوميكانى بار كۇشپەن دامىتىپ، جۇڭگو - شىعىس وڭتۇستىك ازيا ەلدەرى وداعىنىڭ ەسىك اشۋىن، سەلبەستىگىن جەبەپ، ەركىن ساۋدا سىناق رايونىن ويداعىداي قۇرىپ، وزگەشە وڭىرلىك ابزالدىقتى اشىق دامۋدىڭ ابزالدىعىنا ءتىپتى دە ويداعىداي اينالدىرۋ كەرەك.
شي جينپيڭ بىلاي دەپ دارىپتەدى: كەدەيلىكتەن ارىلتۋدان قامال الۋ ۇلى رۋحىن ساۋلەلەندىرىپ، اۋىل - قىستاقتى گۇلدەندىرۋدى جەدەل ىلگەرىلەتىپ، اۋىل - قىستاقتاعى تومەن كىرىستى حالىقتى ۇدايىلاندىرىپ سۇيەمەلدەۋ مەحانيزمىن اقاۋسىزداندىرىپ، كەدەيلىكتەن ارىلعان وڭىرلەردىڭ ەرەكشە كاسىپ سالاسىنىڭ دامۋىن ۇزدىكسىز قولداپ، باسقا جەرگە كوشىرىلگەننەن كەيىنگى سۇيەمەلدەۋدى كۇشەيتۋ كەرەك. گۋاڭشيدىڭ جەمىس - جيدەك، كوكونىس، مال، قانت سياقتى ەرەكشە بايلىعىن تياناق ەتىپ، ەرەكشە اۋىل شارۋاشىلىق كاسىپ شوعىرىنان ءبىر توبىن قالىپتاستىرۋ كەرەك. استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋ ءتۇزىمىن قاتاڭ اتقارىپ، ءار دارەجەلى پارتكومدار مەن ۇكىمەتتەردىڭ ەگىستىك جەردى قورعاۋ جاۋاپكەرلىگىن ناقتىلاندىرىپ، استىقتىڭ جالپىلىق ءوندىرىس قۋاتىن ورنىقتى جوعارىلاتۋ كەرەك. لاستانۋدان ساقتانۋ - جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، كومىرتەگىنىڭ ىعىستىرىلۋىن جوعارى شەككە جەتكىزۋدى، كومىرتەگىن بەيتاراپتاندىرۋدى ەكونوميكالىق، قوعامدىق دامۋ مەن ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا ەنگىزىپ، جاسىل، تومەن كومىرتەكتى، اينالمالى داميتىن ەكونوميكالىق جۇيەنى ورناتىپ جانە كەمەلدەندىرىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: حالىقتىڭ تۇرمىس ساپاسىن جوعارىلاتىپ، جۇمىستاندىرۋدى الدىمەن ويلاستىرۋ ستراتەگياسى مەن بەلسەندى جۇمىستاندىرۋ ساياساتىن تياناقتاندىرىپ، جوعارى مەكتەپتەردەن وقۋ بىتىرگەن وقۋشىلار، قوسىننان شەگىنگەن اسكەريلەر، شارۋا جۇمىسكەرلەر جانە قالا - قالاشىقتارداعى قيىنشىلىعى بارلار سياقتى ءتۇيىندى قاۋىمدى جۇمىستاندىرۋ قىزمەتىن ويداعىداي ىستەۋ كەرەك. كوپ ارنالى، يكەمدى جۇمىستاندىرۋ سىندى قوعامدىق قامتاماسىزداندىرۋ ءتۇزىمىن كەمەلدەندىرىپ، جۇك اۆتوموبيلىنىڭ شوفەرلەرى، جەدەل جولداما جەتكىزۋشىلەر، سىرتقا ساتۋ، جەتكىزۋ قىزمەتكەرلەرى قاتارلىلاردىڭ زاڭدى ۇقىق - مۇددەسىن ويداعىداي قورعاۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، مورالمەن ادام تاربيەلەۋ ءتۇبىرلى مىندەتىن تياناقتاندىرىپ، جەلى ءىشى - سىرتىنداعى مەكتەپتەن سىرت تاربيەلەۋ قۇرىلىمدارىن ارناعا ءتۇسىرىپ باسقارۋدى كۇشەيتۋ كەرەك. اۋرۋدان ساقتانۋ - تىزگىندەۋ جۇيەسى رەفورماسىن تەرەڭدەتىپ، نەگىزگى ساتىنىڭ الەۋمەتتىك دەنساۋلىق ساقتاۋ جۇيەسىن كۇشەيتىپ، ەمدەۋ مەن ساقتانۋدى سايكەستىرۋ مەحانيزمىندە جاڭالىق اشىپ، نەگىزگى ساتىنىڭ ساقتانۋ، ەمدەۋ، كۇتىمدەۋ، ساۋىقتىرۋ جونىنەن قىزمەت وتەۋ دەڭگەيىن جوعارىلاتىپ، ۇدايىلانعان ىندەتتەن ساقتانۋ - تىزگىندەۋدى تيتتەي دە بوساڭسىماي ويداعىداي يگەرۋ كەرەك. ءتۇرلى حاۋىپ - قاتەر مەن سىن - سايىستان قاتاڭ ساقتانىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىن ءونىمدى تەجەپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرىپ ورىستەتۋ كەرەك.
شي جينپيڭ مىنالاردى دارىپتەدى: ۇلتتار ىنتىماعى العاباسارلىعى جونىندەگى ۇگىت - تاربيەنى ويداعىداي جۇرگىزىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا جەتەكتەپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.
شي جينپيڭ بىلاي دەپ اتاپ كورسەتتى: گۋاڭشيدىڭ قىزىل بايلىعى مول، پارتيا تاريحىن ۇيرەنۋ تاربيەسىندە وسى قىزىل بايلىقتان ويداعىداي پايدالانىپ، تاريحتى ۇيرەنۋ ارقىلى سەنىمدى ارتتىرۋ كەرەك. تاريحتى ۇيرەنىپ، سەنىمدى ارتتىرۋدا نانىم، ۇستانىم، سەنىمدى كۇشەيتۋ كەرەك، بۇل − ءبىزدىڭ بارلىق كۇشتى جاۋدى، بارلىق قيىنشىلىقتى جەڭىپ، بارلىق جەڭىسكە قول جەتكىزۋىمىزدەگى قۇدىرەتتى رۋحاني كۇش. ماركسيزمگە، كوممۋنيزمگە دەگەن سەنىمدى كۇشەيتىپ، قالىڭ پارتيا مۇشەلەرىن، كادرلاردى پارتيانىڭ 100 جىلدىق كۇرەسىنەن سەنىمنىڭ كۇشىن ءتۇسىنىپ، قاي - قاشان دا قايسار جىگەردى ساقتاپ، ءتۇرلى كەلەلى قيىنشىلىقتار مەن قاتاڭ سىنداردى باتىلدىقپەن جەڭۋگە تاربيەلەۋ، جەتەكتەۋ كەرەك. جۇڭگوشا سوتسياليزم جونىندەگى سەنىمدى كۇشەيتىپ، قالىڭ پارتيا مۇشەلەرىن، كادرلاردى جۇڭگوشا سوتسياليزمنىڭ − تاريح دامۋىنىڭ تابيعي ناتيجەسى، جۇڭگونى دامىتۋدا، ءسوزسىز، باسىپ وتەتىن جول، امالياتتىڭ سىننان وتكەن عىلمي اقيقات ەكەنىن ىشكەرىلەي تانۋعا، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن باستان - اياق بەكەمدەۋگە تاربيەلەۋ، جەتەكتەۋ كەرەك. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمىن كۇشەيتىپ، قالىڭ پارتيا مۇشەلەرىن، كادرلاردى اۋەلگى ماقساتتى ەستە بەرىك ساقتاپ، ءسوزسىز، جەڭىسكە جەتۋ سەنىمىن كۇشەيتۋگە، پارتيامىزدىڭ، ءسوز جوق، حالىقتى ىنتىماقتاستىرىپ جانە باستاپ، جۇڭگوشا سوتسياليزم جولىندا جۇڭحۋا ۇلتىنىڭ ۇلى گۇلدەنۋىن جۇزەگە اسىرىپ، وسى داۋىردەگى بىزگە ءتان، جاڭا ءداۋىردىڭ ۇمىتىنەن شىعا الاتىن تاريحي ەڭبەك جاراتا الاتىنىنا كامىل سەنۋگە تاربيەلەۋ جانە جەتەكتەۋ كەرەك. نانىم، ۇستانىم، سەنىم − شىرۋدەن ساقتانۋدىڭ ەڭ شيپالى ءدارىسى. پارتيا ستيلى، پاكتىك قۇرىلىسىن باستان - اياق ويداعىداي يگەرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدە اناعۇرلىم كوپ تۇزىمدىك تابىستارعا جانە اناعۇرلىم زور جونگە سالۋ ونىمدىلىگىنە قول جەتكىزۋ كەرەك.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
