لي كىچياڭ مەملەكەتتىك كەڭەستىڭ 4 – رەتكى پاكتىك قىزمەتى ماجىلىسىندە مىنانى دارىپتەدى
ۇكىمەت جۇيەسىنىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىن ىشكەرىلەي ىلگەرىلەتىپ، ستيلى پاك، سالتى دۇرىس بولۋ، شىنايى يگەرىپ، ناقتى ىستەۋ تالابىن ورىنداۋ كەرەك
جاۋ لىجي، حان جىڭ قاتارلىلار ماجىلىسكە قاتىناستى
2021.04.27 16:47 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 26 - كۇنى، بەيجيڭ. مەملەكەتتىك كەڭەس 4 - ايدىڭ 26 - كۇنى 4 - رەتكى پاكتىك قىزمەتى ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى ءسوز سويلەپ مىنانى دارىپتەدى: پاك ۇكىمەت قۇرىلىسىن كۇشەيتۋ − ەكونوميكالىق، قوعامدىق دامۋ قىزمەتىن ويداعىداي ىستەۋدىڭ ماڭىزدى كەپىلى، ءار دارەجەلى ۇكىمەتتەر باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، ورتالىق ءتارتىپ تەكسەرۋ كوميتەتىنىڭ بەسىنشى جالپى ءماجىلىسى مەن «ۇكىمەت قىزمەتىنەن بايانداماداعى» قاتىستى ورنالاستىرۋلارعا، تالاپتارعا ساي، ۇكىمەت جۇيەسىنىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىن ۇزدىكسىز كۇشەيتۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ، مەملەكەتتىك كەڭەس زۇڭليىنىڭ ورىنباسارلارى سۇن چۇنلان، حۋ چۇنحۋا، مەملەكەتتىك كەڭەستىڭ مۇشەلەرى ۋاڭ يۇڭ، ۋاڭ ي، جاۋ كىجى ماجىلىسكە قاتىناستى. مەملەكەتتىك كەڭەستىڭ مۇشەسى شياۋ جيە ءماجىلىستى باسقاردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ ۇسىنىس بويىنشا ماجىلىسكە قاتىناستى.
لي كىچياڭ بىلاي دەدى: وتكەن ءبىر جىلدا ۇكىمەت جۇيەسى پارتيانى جاپپاي قاتاڭ جونگە سالۋ تالابىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتىلەندىرۋدى تىعىز ارقاۋ ەتىپ، قات - قابات اۋىر سوققىعا بەلسەنە توتەپ بەرىپ، ساياساتتىڭ تياناقتانۋىن مىقتى يگەرىپ، قىزمەت تاسىلىندە جاڭالىق اشىپ، ستيلدى دۇرىستاپ، ءتارتىپتى قاتايتىپ، جاۋاپكەرلىك ارقالاپ، ىسكەرلىك كورسەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى پارمەندى جەبەدى. الايدا كەيبىر سالالاردا شىرىكتەسۋ قۇبىلىسى مەن بۇرىس ستيلدەر ءبىرشاما كورنەكتى، فورماشىلدىق، تورەشىلدىك تۇرلىشە دارەجەدە ورىن تەۋىپ وتىر. ۇكىمەت جۇيەسىنىڭ پارتيا ستيلى، پاكتىك قۇرىلىسىن جانە جەمقورلىققا قارسى تۇرۋ قىزمەتىن تاباندىلىقپەن ىلگەرىلەتىپ، پارتيانى جاپپاي قاتاڭ جونگە سالۋدىڭ جەتەكشىلىك، قامتاماسىز ەتۋ رولىن تولىق ساۋلەلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىنىڭ ورىندالۋىنا، «14 - بەسجىلدىقتىڭ» تاماشا باستاماسىن جۇزەگە اسىرۋعا كەپىلدىك ەتۋ كەرەك.
لي كىچياڭ بىلاي دەپ اتاپ كورسەتتى: پارتيانى جاپپاي قاتاڭ جونگە سالۋ تالابىن مىندەت اتقارىپ، جاۋاپكەرلىكتى ادا ەتۋ ارەكەتىندە تياناقتاندىرۋ كەرەك. ءبىرىنشى، قاتاڭ، شىنايى، ەگجەي - تەگجەيلى ستيلمەن سالىقتى ازايتىپ، اقىنى تومەندەتۋ سياقتى ساياساتتاردىڭ ناقتاپ تياناقتانۋىنا كەپىلدىك ەتىپ، بازار تۇلعالارىنىڭ اۋەلگى قالپىنا كەلىپ، ومىرشەڭدىك كۇشتى ارتتىرۋىن جەبەۋ كەرەك. قازىنالىق قارجىنى جالپى بارىس بويىنشا جان - جاقتى باقىلاۋ - مەڭگەرۋدى كۇشەيتىپ، قازىنالىق قارجىنى توتە جەتكىزۋ مەحانيزمىنىڭ كاسىپورىندارعا تيىمدىلىك جاساۋ، حالىققا پايدا جەتكىزۋ رولىن اناعۇرلىم ويداعىداي ساۋلەلەندىرۋ كەرەك. كاسىپورىندارعا ساياتىن بەلگىلەمەگە قايشى اقى الۋدى ارناۋلى جونگە سالۋ ارەكەتىن ورىستەتۋ كەرەك. فينانس ارقىلى كاسىپورىندارعا تيىمدىلىك جاساۋ ساياساتىن دالمە - ءدال، ءونىمدى تياناقتاندىرىپ، فينانستى باقىلاۋ - باسقارۋدى كۇشەيتىپ، فينانس حاۋىپ - قاتەرىنىڭ استارىنداعى شىرىكتەسۋ ماسەلەسىن ىشكەرىلەي اشىپ، قاتاڭ تەكسەرۋ كەرەك. ەكىنشى، جۇمىستاندىرۋ، وقۋ - اعارتۋ، ەمدەۋ، زەينەتكەرلىك سياقتى حالىق تۇرمىسى سالاسىنداعى ۇسىنىلىمدى باقىلاۋ - باسقارۋدى كۇشەيتىپ، ۇسىنىلىم قۇرىلىمىن اناعۇرلىم ساپالىلاندىرىپ، ۇستاپ قالۋ، باسقاعا جۇمساۋ، جالعان كومەك كورسەتىپ الداپ الۋ، تۋىس - تۋعان، دوس - جاراندارىنا قامقورلىق جاساۋ سياقتى ارەكەتتەردى باتىل تەكسەرىپ ءبىر جاقتى ەتۋ كەرەك. ءۇشىنشى، ۇكىمەتتىڭ ۇنەمشىل بولۋىنان جازباي، شۇعىل قاجەتتى ەمەس، جۇمساماسا دا بولاتىن شىعىستاردى ازايتۋ سياقتى شارالاردى ناقتى تياناقتاندىرۋ كەرەك، قازىنالىق كىرىستىڭ ءبىرشاما تەز قالپىنا كەلۋىنە بولا ۇكىمەتتىڭ ۇنەمشىل بولۋىن بوساڭسىتۋعا بولمايدى، ىسىراپشىلدىققا قارسى تۇرىپ، حالىق ءۇشىن ۇنەمشىلدىك ىستەتۋ كەرەك. ءتورتىنشى، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، بازار تۇلعالارىنىڭ ومىرشەڭدىك كۇشى مەن قوعامدىق جاسامپازدىق قۋاتىن اناعۇرلىم ارتتىرىپ، اكىمشىلىك ۇقىقتى تۋ باستان ارناعا ءتۇسىرىپ، شىرىكتەسۋ قاينارىن ىشكەرىلەي الاستاۋ كەرەك. ءادىل، ادىلەتتى باقىلاۋ - باسقارۋدا ءوز بەتىمەن زاڭ اتقارۋعا، بەتكە قاراپ قارالىق ىستەۋگە بولمايدى، سالاماتتىققا جانە الەۋمەتتىك حاۋىپسىزدىككە ساياتىن سالالارعا جاپپاي ءتۇيىندى باقىلاۋ - باسقارۋ جۇرگىزىپ، جالعان، جاراقسىز ونىمدەردى ءوندىرۋ، ساتۋ سياقتى زاڭعا قايشى ارەكەتتەردى قاتاڭ باسقارىپ، اۋىر جازالاۋ كەرەك.
لي كىچياڭ بىلاي دەدى: ءار دارەجەلى ۇكىمەتتەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، پارتيا ستيلى، پاكتىك قۇرىلىسىنىڭ تۇلعالىق جاۋاپكەرلىگىن تياناقتاندىرۋى كەرەك. فورماشىلدىققا، تورەشىلدىككە باتىل قارسى تۇرىپ، شىندىقتى ءىس جۇزىنەن ىزدەۋدە تاباندى بولىپ، دامۋ جۇڭگونىڭ بارلىق ماسەلەسىن شەشۋدىڭ نەگىزى جانە تەتىگى دەگەندە تاباندى بولىپ، بۇقارا ءۇشىن شىنايى، ناقتى ىستەر ىستەپ، قيىن ماسەلەلەردى شەشىپ، پاك، تارتىپشەڭ بولۋدى كۇشەيتىپ، ۇكىمەت جۇيەسىنىڭ پارتيا ستيلى، پاكتىك قۇرىلىسىندا ۇزدىكسىز تىڭ تابىستارعا قول جەتكىزۋدى ىلگەرىلەتىپ، ەكونوميكا مەن قوعامنىڭ باياندى، اقاۋسىز دامۋىن جەبەۋ كەرەك.
كەدەن باس مەكەمەسى مەن فۋجيان ولكەلىك ۇكىمەتتەگى نەگىزگى جاۋاپتى جولداستار ماجىلىستە ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
