حان جىڭ گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا باسشىلىق ەتۋ گرۋپپاسىنىڭ ماجىلىسىندە مىنانى دارىپتەدى
پارتيا ورتالىق كوميتەتىنىڭ شەشىم، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، گۋاڭدۇڭ، شياڭگاڭ، اۋمىننىڭ كەلەلى سەلبەستىك تۇعىرى قۇرىلىسىن تىڭعىلىقتى ىلگەرىلەتۋ كەرەك
2021.04.25 16:23 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 24 – كۇنى، گۋاڭجوۋ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا باسشىلىق ەتۋ گرۋپپاسىنىڭ باستىعى حان جىڭ 4 - ايدىڭ 22 - كۇنى گۋاڭجوۋدا گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، گۋاڭدۇڭ، شياڭگاڭ، اۋمىن كەلەلى سەلبەستىك تۇعىرى قۇرىلىسىنا قاتىستى ساياساتتاردى تياناقتاندىرۋ سياقتى قىزمەتتەردى اقىلداسىپ ورنالاستىردى.
حان جىڭ مىنانى ءبىلدىردى: گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ كەلەلى ستراتەگيالىق ورنالاستىرۋى. بۇل ــ «ءبىر ەل، ەكى ءتۇزىم» امالياتىن بايىتۋداعى كەلەلى باستاما، رەفورمانى ىشكەرىلەي جۇرگىزىپ، ەسىك اشۋدى كەڭەيتۋدەگى پارمەندى شارا، شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىن قولداپ – قۋاتتاۋعا جانە ىلگەرىلەتۋگە ءتيىمدى. تاياۋ جىلداردان بەرى گۋاڭدۇڭ، شياڭگاڭ، اۋمىن سىندى 3 جەر مەن قاتىستى تاراۋلار بەلسەنە ءىس تىندىرىپ، ءتۇرلى قىزمەتتەردى پارمەندى، ءتارتىپتى ىلگەرىلەتتى، تابىستار تولىق تۇراقتاندىرۋعا تاتيدى. جاڭا جاعدايدى، جاڭا مىندەتتى دۇرىس يگەرىپ، نىسانانى نىشان ەتۋدەن جازباي، نىسانانى جۇزەگە اسىرۋدى ارقاۋ ەتە وتىرىپ ماسەلەلەردى بايقاپ، ماسەلەلەردى شەشىپ، كەلەلى سەلبەستىك تۇعىرى قۇرىلىسىن تىڭعىلىقتى ىلگەرىلەتىپ، گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىندا تىڭ دا اناعۇرلىم زور ىلگەرىلەۋشىلىككە قول جەتكىزۋدى ىلگەرىلەتۋ كەرەك.
حان جىڭ بىلاي دەپ اتاپ كورسەتتى: اۋمىن ەكونوميكاسىنىڭ ۇيلەسىمدى، كوپ نەگىزدى دامۋىن جەبەۋ سىندى نەگىزگى جەلىنى تىعىز ارقاۋ ەتىپ، حىڭچين گۋاڭدۇڭ - اۋمىن جۇيەلى سەلبەستىك رايونى قۇرىلىسىن جەدەلدەتۋ سىندى كەلەلى ءىستى ويداعىداي ىستەۋ كەرەك. ستراتەگيالىق ورىندى ويداعىداي يگەرىپ، اۋمىن ەكونوميكاسىنىڭ ۇيلەسىمدى، كوپ نەگىزدى جاڭا تۇعىرىن، اۋمىن تۇرعىندارىنىڭ تۇرمىسىنا، جۇمىستانۋىنا قولايلىلىق جاساۋدىڭ جاڭا كەڭىستىگىن، «ءبىر ەل، ەكى ءتۇزىم» امالياتىنىڭ جاڭا ۇلگىلەرىن بايىتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋدىڭ جاڭا بەلەسىن قالىپتاستىرۋ كەرەك. باستى مىندەتتى مىقتى يگەرىپ، بىرگە اقىلداسۋ، بىرگە قۇرۋ، بىرگە باسقارۋ ءتۇزىلىس، مەحانيزمىن ورناتىپ، نازاردى ابزالدىققا يە سالالارعا شوعىرلاندىرىپ، جاڭا كاسىپتەردى دامىتىپ، حىڭچين مەن اۋمىننىڭ ءبىر تۇلعالانۋ نەگىزىندەگى جوعارى دەڭگەيدە ەسىك اشۋ جاڭا جۇيەسىن ورناتۋ كەرەك.
حان جىڭ بىلاي دەپ دارىپتەدى: چيانحاي شىنجىن - شياڭگاڭ وسى زامانعى قىزمەت وتەۋ كاسىبى سەلبەستىك رايونى قۇرىلىسىندا «كەڭەيتىلگەن رايون» مەن «رەفورما جاساپ، ەسىك اشۋ» سىندى ەكى ءتۇيىندى مىقتى يگەرۋ كەرەك. سەلبەستىك رايونىنىڭ دامۋ ءورىسىن ونان ارى كەڭەيتىپ، قاتىستى قولداۋ ساياساتتارىنان ويداعىداي پايدالانىپ، شىنجىن مەن شياڭگاڭنىڭ ىشكەرىلەي سەلبەستىك جاساۋىن جەبەۋ كەرەك. ءتۇزىم رەفورماسىندا جاڭالىق اشۋدى تىڭعىلىقتى ىلگەرىلەتىپ، وسى زامانعى قىزمەت وتەۋ كاسىبىنىڭ جاڭالىق اشا دامۋىن ىلگەرىلەتىپ، عىلىم - تەحنيكانى دامىتۋ ءتۇزىلىس، مەحانيزمى رەفورماسىن جەدەلدەتىپ، وڭىرلىك جونگە سالۋ ۇلگىسىندە جاڭالىق اشىپ، بازارلانعان، زاڭمەن جونگە سالىناتىن، حالىقارالانعان تيجارات - ساۋدا ورتاسىن قالىپتاستىرۋ كەرەك. جوعارى دەڭگەيدەگى سىرتقا ەسىك اشۋدى ىشكەرىلەي ىلگەرىلەتىپ، شياڭگاڭمەن جانە اۋمىنمەن جاسالاتىن قىزمەت وتەۋ ساۋداسىنىڭ ەركىندەنۋىن تەرەڭدەتىپ، زاڭ ىستەرىنىڭ سىرتقا ەسىك اشۋ دەڭگەيىن جوعارىلاتىپ، حالىقارالىق سەلبەستىككە اناعۇرلىم ويداعىداي ات سالىسۋ كەرەك. سونىمەن بىرگە، شياڭگاڭ مەن شىنجىننىڭ عىلىم - تەحنيكادا جاڭالىق اشۋ سالاسىنداعى ءبىرىن - ءبىرى تولىقتاۋ سيپاتى وتە كۇشتى، قاتىستى ۇشتاستىرۋ قىزمەتىن بەلسەنە جاقسى ىستەپ، حىتاۋ شىنجىن - شياڭگاڭ عىلىم - تەحنيكادا جاڭالىق اشۋ سەلبەستىك رايونىن ويداعىداي قۇرۋ كەرەك.
حان جىڭ بىلاي دەپ اتاپ كورسەتتى: قاتىستى تاراۋلار، گۋاڭدۇڭ ولكەسى، شىنجىن قالاسى سياقتى قاتىستى جاقتار پارتيا ورتالىق كوميتەتىنىڭ شەشىم، ورنالاستىرۋلارىن قاز - قالپىندا تياناقتاندىرىپ، ساياسات - شارالاردى اناعۇرلىم كەمەلدەندىرىپ، ۇيىمدىق سايكەسۋدى كۇشەيتىپ، كەلەلى سەلبەستىك تۇعىرى قۇرىلىسىن جوعارى ولشەممەن، جوعارى ساپامەن ىلگەرىلەتۋى كەرەك. اناعۇرلىم جاقسى قىزمەت، تۇرمىس ورتاسىن ازىرلەپ، حالىقارالىق دارىندىلاردى كەڭىنەن باۋراۋ كەرەك. ۇگىتتەۋ، ءتۇسىندىرۋدى ويداعىداي ىستەپ، كەلەلى سەلبەستىك تۇعىرى قۇرىلىسىنا تاماشا ورتا ازىرلەۋ كەرەك.
لي شي، شيا باۋلۇڭ ماجىلىسكە قاتىناستى، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى ي - چىڭ قاتارلى گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا باسشىلىق ەتۋ گرۋپپاسىنىڭ مۇشەلەرى جانە قاتىستى تاراۋلارداعى جاۋاپتى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
