شي جينپيڭ تەڭىز ارمياسىنىڭ 3 تۇرپاتتاعى نەگىزگى سوعىس كەمەلەرىن شوعىرلى وتكىزىپ بەرۋ - وتكىزىپ الۋ، ساپقا قوسۋ قيمىلىنا قاتىناستى
2021.04.25 16:10 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 24 – كۇنى، سانيا (ءتىلشى لي شۋانلياڭ). تەڭىز ارمياسىنىڭ 3 تۇرپاتتاعى نەگىزگى سوعىس كەمەلەرى − ۇزاق جورىق 18 - ءنومىرلى كەمەسى، داليان كەمەسى، حاينان كەمەسى 4 - ايدىڭ 23 - كۇنى حايناننىڭ سانيا قالاسىنداعى بەلگىلى اسكەري كەمەجايدا شوعىرلى تۇردە وتكىزىپ بەرىلىپ، ساپقا قوسىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وتكىزىپ بەرۋ - وتكىزىپ الۋ، ساپقا قوسۋ قيمىلىنا قاتىناستى.
4 - ايدا سانيادا اۋا رايى جانعا جايلى، سالقىن سامال ەسەدى، كۇن شۋاعىن شاشىپ تۇر. اسكەري كەمەجايدا 3 تۇرپاتتاعى نەگىزگى سوعىس كەمەلەرى قاز - قاتار ءتىزىلىپ، تەڭىز ارمياسىنىڭ ەڭ جوعارى قۇرمەتى بويىنشا تۋلار ءىلىندى، تەڭىز ارمياسىنىڭ اسكەري بولىمدەرى مەن سوعىس كەمەلەرىن عىلمي زەرتتەۋ، ءوندىرۋ ورىندارىنان كەلگەن 2 مىڭ 400 ۋاكىل كەمەجايدا رەتتى ساپ تۇزەپ تۇردى، الاڭ سالتاناتتى، دۋماندى بەينەگە شومدى.
تۇستەن كەيىن ساعات 3 تەن 30 مينۋت وتكەندە وتكىزىپ بەرۋ - وتكىزىپ الۋ، ساپقا قوسۋ سالتى باستالدى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، بەس جۇلدىزدى قىزىل تۋ باياۋ كوتەرىلدى. قۇرمەت قاراۋىلى 1 - تامىز ارميا تۋىن، ات بەرۋ كۋالىگىن قورعاپ، ءتوراعالار مىنبەسىنىڭ الدىنا كەلدى. شي جينپيڭ 1 - تامىز ارميا تۋىن، ات بەرۋ كۋالىگىن جەكە - جەكە ۇزاق جورىق 18 - ءنومىرلى كەمەسىنىڭ كاپيتانىنا، كوميسسارىنا، داليان كەمەسىنىڭ كاپيتانىنا، كوميسسارىنا، حاينان كەمەسىنىڭ كاپيتانىنا، كوميسسارىنا بەردى. 3 تۇرپاتتاعى كەمەلەردىڭ كاپيتاندارى، كوميسسارلارى شي جينپيڭگە قۇرمەت ءبىلدىرىپ، شي جينپيڭنىڭ قولىنان 1 - تامىز ارميا تۋىن، ات بەرۋ كۋالىگىن الدى. شي جينپيڭ ولارمەن بىرگە سۋرەتكە ءتۇسىپ ەستەلىك قالدىردى.
جاڭ يوۋشيا سالتتى باسقاردى، شۇي چيلياڭ كەمەلەردىڭ ساپقا قوسىلعانىن جانە كەمەلەردىڭ اتىن، ءنومىرىن جاريالادى. ديڭ شۋەشياڭ، ليۋ حى، سونداي - اق لي زوچىڭ سالتقا قاتىناستى.
جۇڭگو كەمە توبى شەكتى سەرىكتەستىگىنىڭ باس جوراسى لي فانپەي، تەڭىز ارمياسىنىڭ كوميسسارى چين شىڭشياڭ سالتتا ىلگەرىندى - كەيىندى ءسوز سويلەدى.
وتكىزىپ بەرۋ - وتكىزىپ الۋ، ساپقا قوسۋ سالتى جۇڭگو حالىق ازاتتىق ارمياسىنىڭ انىمەن اياقتادى. وسىدان كەيىن شي جينپيڭ جاڭا كەمەلەرگە شىعىپ، سوعىس كەمەلەرىنىڭ قۇرمەت قاراۋىلىن كوزدەن كەشىرىپ، قاتىستى قارۋ - جاراقتاردى كورىپ، كوماندير - جاۋىنگەرلەرمەن پىكىر اۋىستىردى، سونداي - اق كەمە ەستەلىك قاتىرەسىنە سالتاناتپەن قولتاڭبا قالدىردى.
قيمىل كەزىندە شي جينپيڭ كەمەجايدا كەمە جاساۋ عىلمي زەرتتەۋ، ءوندىرىس قىزمەتكەرلەرى مەن تەڭىز ارمياسى قوسىنىنداعى كوماندير - جاۋىنگەرلەردىڭ ۋاكىلدەرىن ىقىلاسپەن قابىلدادى.
جۇڭگو حالىق ازاتتىق ارمياسى تەڭىز ارمياسىنىڭ بەكىتۋىمەن وسى رەت وتكىزىپ بەرىلىپ، ساپقا قوسىلعان 3 تۇرپاتتاعى نەگىزگى سوعىس كەمەلەرىنە: ۇزاق جورىق 18 - ءنومىرلى كەمەسى، 421 - ءنومىر، جۇڭگو حالىق ازاتتىق ارمياسى تەڭىز ارمياسىنىڭ داليان كەمەسى، 105 - ءنومىر، جۇڭگو حالىق ازاتتىق ارمياسى تەڭىز ارمياسىنىڭ حاينان كەمەسى، 31 - ءنومىر دەگەن ات بەرىلدى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، اسكەري ىستەر كوميتەتى ورگانىنىڭ قاتىستى تاراۋلارىنداعى، تەڭىز ارمياسىنداعى، حاينان ولكەسىندەگى، سونداي - اق كەمە جاساۋ عىلمي زەرتتەۋ، ءوندىرىس ورىندارىنداعى جاۋاپتى جولداستار وتكىزىپ بەرۋ - وتكىزىپ الۋ، ساپقا قوسۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
