العاشقى ماۋسىمدا شينجياڭنىڭ ونەركاسىپ ەكونوميكاسى تىڭ تەبىن بايقاتتى
2021.04.25 14:32 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 4 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، بيىل ءبىرىنشى ماۋسىمدا رايونىمىزدىڭ ەكونوميكالىق، قوعامدىق ءتارتىبى جاپپاي قالپىنا كەلىپ، ونەركاسىپ ەكونوميكاسى ورنىقتى، جىلدام ارتۋدى ساقتاعان. شينجياڭنىڭ كولەمنەن جوعارى ونەركاسىبىنىڭ ارتقان قۇنى سايكەس مەزگىلدەگىدەن ％16.3 ارتىپ، بۇكىل رايونداعى 14 ايماقتىڭ، وبلىستىڭ، قالانىڭ ونەركاسىپتە ارتقان قۇنى تۇگەلدەي وڭ ارتۋدى جۇزەگە اسىرىپ، العاشقى ماۋسىمدا تىڭ تەبىن بايقاتتى.
بيىل جىل باسىنان بەرى شينجياڭنىڭ قوعام ورنىقتىلىعى پايداسىنىڭ ۇزدىكسىز جارىققا شىعۋىنا جانە ىندەتتەن ساقتانۋ - تىزگىندەۋدە شەشۋشى جەڭىسكە جەتۋگە بايلانىستى بۇكىل رايوننىڭ كومىر، ەلەكتر، مۇناي، گاز، تاسىمال سىندى ماڭىزدى ءوندىرىس فاكتورلارىنىڭ قامتاماسىز ەتۋى جەتكىلىكتى، كاسىپ سالاسى تىزبەگى، قامداۋ تىزبەگى حاۋىپسىز، ورنىقتى بولىپ، ونەركاسىپ ەكونوميكاسى ۇزدىكسىز جاقساردى. بىلتىر جىل باسىندا نەگىزدىك ساننىڭ تومەن بولۋى، سونداي - اق بيىل جىل باسىنان بەرى حيميا ونەركاسىبى، توقىماشىلىق، بولات - تەمىر، ءتۇستى مەتال سياقتى ءتۇيىندى كاسىپ سالالارىنىڭ ءونىم باعاسىنىڭ نەداۋىر جوعارىلاۋى، كاسىپورىنداردىڭ بار كۇشپەن ءوندىرىس جۇرگىزۋى سياقتى فاكتورلاردىڭ ىقپالىنان ءبىرىنشى ماۋسىمدا بۇكىل رايوننىڭ كولەمنەن جوعارى ونەركاسىپ كاسىپورىندارىنىڭ ارتقان قۇنى سايكەس مەزگىلدەگىدەن ％16.3 ارتىپ، 2019 - جىلداعى ۇقساس مەزگىلدەگىدەن ％19.0 ارتىپ، 2 جىلدا ورتا ەسەپپەن ％9 ارتىپ، بۇكىل ەلدىڭ 2 جىلداعى ورتاشا ارتۋ قارقىنىنان 2.2 پايىز جوعارى بولعان. ونەركاسىپ ەكونوميكاسى جەدەل ارتىپ، بۇكىل رايوننىڭ GDPسىنىڭ ورنىقتى ارتۋىنا جانە ەكونوميكالىق، قوعامدىق دامۋىنا ماڭىزدى قامتاماسىزدىق ازىرلەپ، بۇكىل رايوننىڭ ارتۋدى ورنىقتىرۋىنا، جۇمىستاندىرۋدى جەبەۋىنە، حالىق تۇرمىسىن قامتاماسىز ەتۋىنە پارمەندى تىرەك ازىرلەدى.
كوپ تۇتىنىلاتىن ونەركاسىپ ونىمدەرى باعاسىنىڭ جوعارىلاۋىنىڭ جانە بازار قاجەتى ارتۋىنىڭ جەتەگىندە ءبىرىنشى ماۋسىمدا بۇكىل رايونداعى 35 ءتۇرلى ءتۇيىندى ونەركاسىپ ونىمدەرىنىڭ ىشىندە 32 ءتۇرلى ءونىمنىڭ ءونىم مولشەرى سايكەس مەزگىلدەگىدەن ارتىپ، ارتۋ اياسى ％91.4 بولدى. بيىل جىل باسىنان بەرى رايون ىشىندەگى باستى ونەركاسىپ ونىمدەرى باعاسىنىڭ جوعارى دەڭگەيدەگى اينالىمدى ساقتاۋىنىڭ جەتەگىندە رايونىمىزدىڭ ونەركاسىپ كاسىپورىندارىنىڭ ءوندىرۋى مەن ساتۋى قاۋىرت مولايىپ، پايدا تابۋ دەڭگەيى ايتارلىقتاي قايتا جوعارىلاپ، ونەركاسىپ ءوندىرىسى، ساتىلىمى تۇگەلدەي سوڭعى بىرنەشە جىلداعى ءبىرشاما جاقسى دەڭگەيگە جەتىپ، كاسىپورىن ونىمدىلىگىنىڭ جاقسارۋىنا ءتيىمدى شارت - جاعداي جاراتتى. 1 - ايدان 2 - ايعا دەيىن بۇكىل رايوننىڭ كولەمنەن جوعارى ونەركاسىپ كاسىپورىندارىنىڭ ساۋدا كىرىسى سايكەس مەزگىلدەگىدەن ％37.9 ارتىپ، پايداسى 18 ميلليارد 910 ميلليون يۋان بولىپ، سايكەس مەزگىلدەگىدەن 1.1 ەسە ارتتى.
بيىل ءبىرىنشى ماۋسىمدا كەلەلى نەگىزدىك قۇرىلعىلار قۇرىلىسى نىساندارىنىڭ جاپپاي جۇمىس باستاۋىنىڭ دەم بەرۋىندە ترانسفورماتور، ساۋدالىق اۆتوكولىك، قۇرىلىس ماشيناسى، ەلەكتر سىمى، ەلەكتر كابەلى سياقتى ونىمدەرگە بازار سۇرانىسى ارتىپ، جابدىق جاساۋ كاسىبى جوعارى قارقىندى ارتۋ جاعدايىن ساقتادى. جابدىق جاساۋ كاسىبىندەگى ءتۇيىندى كاسىپورىن شانشي اۆتوكولىك توبى شەكتى سەرىكتەستىگى شينجياڭ اۆتوكولىك شەكتى سەرىكتەستىگىنىڭ ونەركاسىپ جالپى ءونىم قۇنى سايكەس مەزگىلدەگىدەن 1.9 ەسە ارتتى؛ ەرەكشە ترانسفورماتور شەكتى جارنا سەرىكتەستىگىنىڭ ونەركاسىپ جالپى ءونىم قۇنى سايكەس مەزگىلدەگىدەن ％35.1 ارتىپ، ترانسفورماتور ءونىم مولشەرى سايكەس مەزگىلدەگىدەن ％31.1 جوعارىلادى. ءبىرىنشى ماۋسىمدا بۇكىل رايونداعى 10 ءتۇيىندى ونەركاسىپ كاسىپ سالاسى اراسىندا جابدىق جاساۋ كاسىبىنىڭ ارتقان قۇنى سايكەس مەزگىلدەگىدەن ％130.7 ارتتى، توقىماشىلىق، قۇرىلىس ماتەريالدارى، بولات - تەمىر، اۋىل شارۋاشىلىق قوسىمشا ازىق - تۇلىكتەرىن مانەرلەۋ، ءتۇستى مەتال، حيميا ونەركاسىبى، ەلەكتر قۋاتى، كومىر سياقتى 8 ءىرى كاسىپ سالاسىنىڭ ونەركاسىپتىك ارتۋ قارقىنى 2 ورىندى سانمەن ارتتى، مۇناي كاسىپ سالاسى ورنىقتى ارتۋدى ساقتادى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
