چاد ەلىنىڭ زۇڭتۇڭى دەبي شايقاستىڭ الدىڭعى شەبىندە جارالانىپ، قايتىس بولعان

2021.04.21 13:38   كەلۋ قاينارى : حالىق تورابى

　　سۋرەتتە: 2019 – جىلى 12 – ايدىڭ 11 – كۇنى چاد زۇڭتۇڭى دەبيدىڭ ەگيپەتتىڭ اسۋان قالاسىندا تالقى مىنبەرى قيمىلىنا قاتىناسقان كەزى. شينحۋا اگەنتتىگى (احمەت گەما فوتوسى)

　　شينحۋا اگەنتتىگىنىڭ 4 – ايدىڭ 20 – كۇنى ياۋندەدەن بەرگەن حابارى. ندجامەدەن الىنعان حابار: چاد اقپارات قۇرالدارىنىڭ 4 – ايدىڭ 20 – كۇنى حابارلاۋىنشا، چاد ارميا جاعىنىڭ مالىمدەمەشىسى سول كۇنى زۇڭتۇڭ دەبيدىڭ چادتىڭ سولتۇستىگىندە ۇكىمەت ارمياسىنىڭ ۇكىمەتكە قارسى قارۋلى كۇشتەرمەن بولعان شايقاسىنىڭ الدىڭعى شەبىندە جارالانىپ، 4 – ايدىڭ 20 – كۇنى قازا بولعانىن جاريالاعان.

　　اقپاراتقا قاراعاندا، چاد پارلامەنتى تاراتىلىپ، اسكەري وتپەلى كوميتەت قۇرىلىپ، دەبيدىڭ ۇلى باسشى بولعان، وتپەلى ۇكىمەتتىڭ مەرزىمى 18 اي.

　　چاد مەملەكەتتىك تاۋەلسىز سايلاۋ كوميسسياسى 4 – ايدىڭ 19 – كۇنى كەشتە زۇڭتۇڭ سايلاۋىنىڭ العاشقى قادامداعى ساناق ناتيجەسىن جاريالاپ، دەبي %79.32 تىك داۋىسپەن زۇڭتۇڭدىققا قايتالاي سايلانعان بولاتىن.

　　دەبي 1990 – جىلى 3 – ايدا «وتانشىلدىق قۇتقارۋ قوزعالىسىن» قۇرعان ءارى پارتيا ءتوراعاسى مىندەتىن اتقارعان. سول جىلى 4 – ايدىڭ 12 – كۇنى ول چاد مەملەكەتتىك ىستەرى كوميتەتىنىڭ ءتوراعاسى، مەملەكەت باسشىسى بولىپ تاعايىندالعان. 1991 – جىلى 3 – ايدا ول چادتىڭ زۇڭتۇڭى بولىپ، كەيىن بىرنەشە رەت قايتالاي سايلانىپ، قازىرگە دەيىن مىندەتىن جالعاستىرىپ كەلگەن.

　　كەلۋ قاينارى: حالىق تورابى