بۇكىل ەلىمىز بويىنشا جاڭا تيپتى ايدارشا ۆيرۋس ۆاكسيناسىن ەگۋ مولشەرى 200 ميلليون دوزادان استى (مەملەكەتتىك بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىنەن)
ەكىنشى دوزاسىن 8 اپتانىڭ ىشىندە ەگىپ بولۋعا كەپىلدىك ەتۋ كەرەك
2021.04.22 13:34 كەلۋ قاينارى : حالىق تورابى
حالىق گازەتىنىڭ ءتىلشىسى شىن شاۋتيە 4 – ايدىڭ 21 – كۇنى بەيجيڭنەن حابارلايدى. مەملەكەتتىك دەنساۋلىق ساقتاۋ – سالاماتتىق كوميتەتى ۇگىت مەڭگەرمەسىنىڭ ورىنباسار باستىعى مي فىڭ 4 – ايدىڭ 21 – كۇنى مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە مىنانى ءبىلدىردى: قازىرگە دەيىن، بۇكىل ەلىمىز بويىنشا جاڭا تيپتى ايدارشا ۆيرۋس ۆاكسيناسىنان جيىنى 200 ميلليون دوزا ۆاكسينا ەگىلدى دەپ مالىمەت بەرىلگەن.
جۇرتشىلىقتىڭ ۆاكسينانىڭ ەكىنشى دوزاسىن ەكتىرۋگە تاپسىرىس بەرۋدىڭ قيىن ەكەنىن اڭىس ەتكەنى جونىندە، مي فىڭ بىلاي دەدى: قازىر ەلىمىز ۆاكسينانى تاراتقان كەزدە ەكىنشى دوزاسىن ەكتىرۋ قاجەتىن تولىق ويلاستىرادى. جەر – جەر ويداعىداي دالمە – ءدال تاراتىپ، ەكىنشى دوزاسىن ەكتىرۋدى 8 اپتانىڭ ىشىندە ورىنداپ بولۋى كەرەك.
مەملەكەتتىك دەنساۋلىق ساقتاۋ – سالاماتتىق كوميتەتى اۋرۋدى تىزگىندەۋ مەكەمەسىنىڭ 2 – دارەجەلى شارلاۋشىسى سۇي گاڭنىڭ تانىستىرۋىنشا، قازىر جاڭا تيپتى ايدارشا ۆيرۋس ۆاكسيناسىن ەگۋ قىزمەتى باستىسى ەكى نەگىزگى ءتۇيىندى توڭىرەكتەي وتىرىپ ورىستەتىلۋدە. ءبىرىنشى، ءتۇيىندى وڭىرلەر، ىندەتتىڭ تۋىلۋ حاۋپى ءبىرشاما جوعارى بولعان وتكەلدى قالالاردا، شەكارا وڭىرلەردە، ءىرى، ورتا دەڭگەيدەگى قالالاردا، سونداي – اق، وسىدان بۇرىن شوعىرلى سيپاتتى ىندەت جاعدايى تۋىلعان ءتۇيىندى وڭىرلەردە ۆاكسينا ەگۋ قىزمەتىن الدىمەن ورىستەتۋگە كەپىلدىك ەتۋ كەرەك. ەكىنشى، ءتۇيىندى ادامدار توبى، توڭازىتىلعان زاتتار تىزبەگىندە جۇمىس ىستەيتىندەر، ەمدەۋ – دەنساۋلىق ساقتاۋ قىزمەتكەرلەرى، ورگان، كاسىپورىن، ءىسورىن قىزمەتكەرلەرى، جوعارى مەكتەپتەردەگى وقۋشىلار مەن وقىتۋشى – قىزمەتكەرلەر، ءىرى ساۋدا بازارلارى مەن ەرەنبازارلارداعى قىزمەت وتەۋشىلەر جانە قوعامنىڭ اينالىمىنا كەپىلدىك ەتەتىن قاتىناس، زات اينالىمى، يگىلىك قۇرىلىمدارىنا قاتىستى قىزمەتكەرلەر قاتارلى ءتۇيىندى ادامدار توبى. «قازىرگە دەيىن، ەمدەۋ قىزمەتكەرلەرىنىڭ ۆاكسينا ەكتىرۋ مولشەرى %80 تەن استى»، — دەدى مەملەكەتتىك دەنساۋلىق ساقتاۋ – سالاماتتىق كوميتەتى ەمدەۋ – ءدارى دارمەك سالاسىن باسقارۋ مەكەمەسىنىڭ ورىنباسار باستىعى لي داچۋان.
ەلىمىز جاڭا تيپتى ايدارشا ۆيرۋس ۆاكسيناسىن زەرتتەۋ تەحنيكالىق جەلىسىنەن 5 ءتۇرلى جەلىنى وتە ەرتە ورنالاستىردى، قازىر 3 ءتۇرلى تەحنيكالىق جەلى بويىنشا 5 ءتۇرلى ۆاكسينا قوسىمشا شارت بويىنشا بازارعا شىعارۋ نەمەسە شۇعىل پايدالانۋ جونىندەگى بەكىتۋدەن ءوتتى. مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى عىلىمي زەرتتەۋدە قامال الۋ گرۋپپاسى ۆاكسينانى زەرتتەۋ ارناۋلى گرۋپپاسىنىڭ مۇشەسى شاۋ يميڭنىڭ تانىستىرۋىنشا، باسقا تەحنيكالىق جەلىلەردەگى ۆاكسينالار دا كلينيكالىق زەرتتەۋ باسقىشىنا قادام تاستاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
