ۆاكسينا ەگۋدە بەلگىلەمەگە قايشى اقى الىندى ما؟ مەملەكەتتىك كەڭەس حابارلاندىرۋ شىعاردى!
2021.04.20 13:17 كەلۋ قاينارى : حالىق تورابى
شىجياجۋاڭ، حاندان، شينجي قاتارلى جەرلەردەگى بۇقارا جەرگىلىكتى ورىننىڭ جاڭا تيپتى ايدارشا ۆيرۋس ۆاكسيناسىن ەگۋ بارىسىندا اقى العانى جونىندەگى ماسەلەنى اڭىس ەتكەن، حىبەي ولكەلىك ۇكىمەت تەكسەرۋ جانە جونگە سالۋ قىزمەتىن مۇقيات ورنالاستىردى ءارى بەلگىلەمەگە قايشى تۇردە جيناعان اقىنى قايتارۋعا قۋزاۋ سالدى.
شىجياجۋاڭ، حاندان، شينجي قاتارلى جەرلەردە ءىشىنارا جۇرتشىلىق مەملەكەتتىك كەڭەستىڭ «ينتەرنەت + باقىلاۋ – تەكسەرۋ» تەكشەسى ارقىلى ماسەلە اڭىس ەتىپ، جەرگىلىكتى ورىننىڭ جاڭا تيپتى ايدارشا ۆيرۋس ۆاكسيناسىن ەگۋ بارىسىندا اقى العانىن مالىمدەگەن، مۇنداي ارەكەتتىڭ مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە جاريالاعان «جاڭا تيپتى ايدارشا ۆيرۋس ۆاكسيناسى بۇكىل حالىققا تەگىن ەگىلەدى» دەگەن ساياساتىمەن سايكەس كەلمەيتىنى انىق.
حىبەي ولكەلىك ۇكىمەت مەملەكەتتىك كەڭەستىڭ باقىلاۋ – تەكسەرۋ كەڭسەسى جوتكەپ جولداعان ماسەلەنىڭ ءجىپ ۇشىن تاپسىرىپ العان سوڭ، دەرەۋ تەكسەرۋ جانە ءبىرجاقتىلى ەتۋ قىزمەتىن ىستەۋگە ۇيىمداستىرىپ، بۇقارا اڭىس ەتكەن ماسەلەنىڭ ءجىپ ۇشتارى بويىنشا تەكسەرۋ – اداقتاۋ جۇرگىزگەن. تەكسەرۋگە قاراعاندا، بۇقارا اڭىس ەتكەن ماسەلەلەر شىن بولىپ شىققان. ءبىرىنشى، شىجياجۋاڭ قالاسى گاۋچىڭ رايونىنداعى ۆاكسينا ەگۋ قۇرىلىمى بەلگىلەمەگە قايشىلىق جاساپ، جاڭا تيپتى ايدارشا ۆيرۋس ۆاكسيناسىن ەگۋ ءۇشىن 199 ادامنان 87 مىڭ 500 يۋان اقى العان.
ەكىنشى، حاندان ەكونوميكالىق اشۋ – كوركەيتۋ رايونى ەمحاناسى 2021 – جىلى 1 – ايدىڭ 9 – كۇنى حىبەي ولكەسى «بۇكىل ولكە بويىنشا ءتۇيىندى ادامدارعا جاڭا تيپتى ايدارشا ۆيرۋس ۆاكسيناسىن ەگۋ قىزمەتىن اناعۇرلىم ويداعىداي ىستەۋ جونىندەگى ۇقتىرۋدى» شىعارعان سوڭ، ۆاكسينا اقىسىنا ءبىر ادامنان 200 يۋان الۋدى، ۆاكسينا ەگۋگە ءبىر ادامنان 25 يۋان الۋدى جالعاستىرعان، بەلگىلەمەگە قايشىلىق جاساپ، جۇرتشىلىقتان جاڭا تيپتى ايدارشا ۆيرۋس ۆاكسيناسىن ەكىنشى رەت ەكتىرۋگە اقى العان. حاندان قالاسى بۇكىل قالا بويىنشا تەكسەرۋ جۇرگىزۋ بارىسىندا جيىنى 6 اۋداندا (قالا، رايون) بەلگىلەمەگە قايشىلىق جاساپ، ۆاكسينا اقىسىن، ۆاكسينا ەگۋ اقىسىن العانىن بايقاعان، بۇل جيىنى 5108 دانا جاڭا تيپتى ايدارشا ۆيرۋس ۆاكسيناسىنا قاتىستى بولىپ، جيىنى ءبىر ميلليون 149 مىڭ 300 يۋان بولعان. ءۇشىنشى، شينجي قالاسى ەكولوگيالىق ورتا مەكەمەسى 2021 – جىلى 1 – ايدىڭ 18 – كۇنىنەن 19 – كۇنىنە دەيىن، ءبىرىنشى شەپتەگى ىندەتتەن ساقتانۋ – تىزگىندەۋ قىزمەتكەرلەرىنەن 12 ادامدى ەكى توپ بويىنشا اتالعان قالاداعى جۇڭگوشا شيپاگەرلىك ەمحاناسىنا بارىپ، جاڭا تيپتى ايدارشا ۆيرۋس ۆاكسيناسىن ءبىرىنشى رەت ەكتىرۋگە ۇيىمداستىرعان ءارى ۆاكسينا ەكتىرۋشىلەردىڭ اربىرەۋى 200 يۋان ۆاكسينا ەكتىرۋ اقىسىن تولەگەن.
قۋزاۋ سالۋ بارىسىندا، قاتىستى جەرلەر مەن تاراۋلار دەرەۋ ارەكەتكە كىرىسىپ، دەرەۋ تۇزەتۋ جاسادى، قازىر قاتىستى قاراجاتتار تۇگەل قايتارىلدى. حىبەي ولكەلىك ۇكىمەت مىنانى ءبىلدىردى: كەلەسى قادامدا قازىرگى كەزەڭدەگى جاڭا تيپتى ايدارشا ۆيرۋس ۆاكسيناسىن تۇرعىندارعا تەگىن ەگۋ ساياساتى قاتاڭ دايەكتىلەندىرىلەدى، ۆاكسينا اقىسى مەن ەگۋ اقىسى ەمدەۋ قامسىزداندىرۋى قورىنان كوتەرىلىپ، جەكەلەرگە اۋىرتپالىق سالىنبايدى. سونىمەن بىرگە، باقىلاۋ تەبىنى كۇشەيتىلىپ، جاڭا تيپتى ايدارشا ۆيرۋس ۆاكسيناسىن ەگۋدە جەكەلەردەن قاراجات الۋ جاعدايىنىڭ قايتالاي تۋىلۋىنان ساقتانادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
