شينجياڭنىڭ شىعىس بولىك تەمىر جولى اينالما جەلى قالىپتاستىرادى
2021.04.19 16:17 كەلۋ قاينارى : شينجياڭ گازەتى
تاياۋدا ءۇرىمجى سولتۇستىك ۆوكزالىنان جياڭجۇنمياۋعا دەيىنگى تەمىر جولدىڭ يقۋاتىن كەڭەيتىپ جاڭالاۋ ينجەنەرياسى مەن جياڭجۇنمياۋدان نومعا دەيىنگى تەمىر جول نىسانىنىڭ قۇرىلىس جۇمىسى باستالدى. ينجەنەريا اياقتاعاننان كەيىن ءۇرىمجى قالاسىنان قۇمىل قالاسىنا دەيىن تەمىر جول تاسىمال اينالما جەلىسى قالىپتاسىپ، ءتىپتى دە كوپ زاتتىق ماتەريالداردى شىعىس بولىكتەگى وسى تەمىر جول اينالما جەلىسى ارقىلى جىلدام تاسىمالداپ، رايونىمىزدىڭ بايلىق باسىمدىعىن ەكونوميكالىق باسىمدىققا اينالدىرۋىن پارمەندى جەبەيتىن بولادى.
4 - ايدىڭ 12 - كۇنى تۇستەن بۇرىن ءۇرىمجى - جياڭجۇنمياۋ تەمىر جولىنىڭ جياڭجۇنمياۋ شىعىس ۆوكزالىندا ۇزاقتان - ۇزاققا سوزىلعان 10 مىڭ توننالىق ءبىر كەزەكشى پويەز اينالما جەلىسىنەن باياۋ شىقتى، ەكىنشى 100 ۆاگوندىق بوس پويەز اينالما جەلىسىنە كىرىپ جۇك تيەدى. ”ءبىز جىلجىمالى پويەز توقتاتۋ بەلگىسىن شانشىپ، بولىكتەرگە ايىرىپ، اينالما جەلىنىڭ ءۇرتىس جۇك تيەۋىنە مۇمكىندىك جاساپ، 10 مىڭ توننالىق كەزەكشى پويەزدىڭ ۇدايىلانا قاتىناۋىن جۇزەگە اسىردىق“، - دەدى جياڭجۇنمياۋ شىعىس ۆوكزالىنىڭ باستىعى ليۋ دۇڭ.
ءۇرىمجى - جياڭجۇنمياۋ تەمىر جولىندا 2012 - جىلى پويەز قاتىنادى، بازار قاجەتىنىڭ جىل سايىن ارتۋىنا ىلەسە ءار جىلى قىرۋار كومىر وسى تەمىر جولمەن توقتاۋسىز تاسىلدى. جاڭا باستالعانداعى زات تاسىمالىنىڭ جىلدىق جونەلتىلۋ مولشەرى ءبىر ميلليون توننادان اسۋدان 2020 - جىلى زات تاسىمالىنىڭ جونەلتىلۋ مولشەرى 54 ميلليون 280 مىڭ 700 تونناعا جەتۋگە دەيىن ءۇرىمجى - جياڭجۇنمياۋ تەمىر جولى 10 جىل جۇمسادى.
بۇگىنگى تاڭدا بۇل تەمىر جولدىڭ تاسىمال يقۋاتى شەگىنە جەتتى، مولشەردى ارتتىرۋ ءۇشىن، ءسوز جوق، قۋاتىن كەڭەيتىپ جاڭالاۋ جۇرگىزۋىنە تۋرا كەلدى.
” ءۇرىمجى - جياڭجۇنمياۋ تەمىر جولىنىڭ يقۋاتىن كەڭەيتىپ جاڭالاۋ ينجەنەرياسىنىڭ جۇمىس ۋاقىتى 2 جىل، بيىل 194 كيلومەترلىك ءۇرىمجى سولتۇستىك ۆوكزالىنان جۇندۇڭنىڭ سولتۇستىگىنە دەيىنگى ەكىنشى جەلىنى كوبەيتىپ سالۋ ينجەنەرياسىن ورىندايدى ءارى قاتىناپ جۇمىس جۇرگىزۋدى جۇزەگە اسىرادى“، - دەدى جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى ءۇرىمجى تەمىر جول قۇرىلىسى قولباسشىلىق شتابى پارتكومىنىڭ شۋجيى ۋاڭ جينچي، - ”نىسان جۇمىسى اياقتالعاننان كەيىن ءۇرىمجى - جياڭجۇنمياۋ تەمىر جولىنىڭ تاسىمال قۋاتى ەسەلەپ ارتىپ، جەلى بويىنداعى تاسىمال قاجەتىن اناعۇرلىم ويداعىداي قاناعاتتاندىراتىن بولادى“، - دەدى.
قۇمىل قالاسىندا سانتاڭحۋ، نوم سياقتى بىرنەشە كەن ءوڭىرى بار. تاسىمال ءتاسىلى نەگىزىنەن تاس جول نەمەسە تاس جول + تەمىر جول جالپىلىق تاسىمال ۇلگىسىنە سۇيەنەدى، تاسىمال وزىندىك قۇنى جوعارى. ”جياڭجۇنمياۋدان نومعا دەيىنگى تەمىر جولدى سالىپ، شينجياڭنىڭ سولتۇستىك ارناسىنىڭ تاسىمال قۋاتىن ارتتىرۋدىڭ وتە قاجەتتى ەكەندىگى بەسەنەدەن بەلگىلى بولىپ وتىر“، - دەدى جۇڭگو تەمىر جول 1 - بارلاۋ، جوبالاۋ مەكەمەسى توبى شەكتى سەرىكتەستىگى شينجياڭ تەمىر جول بارلاۋ، جوبالاۋ مەكەمەسى ءۇرىمجى - جياڭجۇنمياۋ تەمىر جولىنىڭ يقۋاتىن كەڭەيتىپ جاڭالاۋ جانە جياڭجۇنمياۋ - نوم تەمىر جولى نىسانىن جوبالاۋ قىزمەتىنە جاۋاپتى ۋاڭ شينشۋان.
جاڭادان سالىناتىن جياڭجۇنمياۋ - نوم تەمىر جولىنىڭ جالپى ۇزىندىعى 429.884 كيلومەتر، 2023 - جىلى 9 - ايدا سالىنىپ بىتەدى دەپ جوسپارلانعان، زات تاسىمالىن نەگىز ەتكەن وڭىرلەر ارا جول تورابى نەگىزگى جەلىسى. جەلىنىڭ شىعىس شەتى حۇڭليۋحى - نوم تەمىر جولىنىڭ بايشىحۋ وڭتۇستىك ۆوكزالىنان باستالىپ، تيانشاننىڭ سولتۇستىك بوكتەرىن بويلاپ باتىسقا قاراي اراتۇرىك اۋدانىن، باركول قازاق اۆتونوميالى اۋدانىن، موري قازاق اۆتونوميالى اۋدانىن، شونجى اۋدانىن جانە جۇندۇڭ ەكونوميكالىق، تەحنيكالىق اشۋ رايونىن باسىپ ءوتىپ، باتىس شەتى ءۇرىمجى - جياڭجۇنمياۋ تەمىر جولىمەن تۇتاسادى. كەزەكتە ءتۇرلى قىزمەتتەردىڭ بارلىعى تارتىپپەن جۇرگىزىلىپ، جول تاعانىن سىناق ەتۋ بولىگىندە جۇمىس جۇرگىزۋگە ءوتتى.
جياڭجۇنمياۋ - نوم تەمىر جولى جۇمىس باستاعاننان كەيىن شينجياڭنىڭ شىعىس بولىكتەگى تەمىر جول اينالما جەلىسى قالىپتاسادى. جياڭجۇنمياۋ - نوم تەمىر جولى باتىستا ءۇرىمجى - جياڭجۇنمياۋ تەمىر جولىمەن تۇتاسىپ، شىعىستا حۇڭليۋحى - نوم تەمىر جولىمەن جالعاسىپ، لانجوۋ - شينجياڭ تەمىر جولىمەن شينجياڭنىڭ شىعىس بولىك وڭىرلەرىنىڭ العاشقى تەمىر جول زات تاسىمال اينالما جەلىسىن قالىپتاستىرادى، سولتۇستىك شينجياڭ، اسىرەسە، التاي ايماعىنىڭ زاتتىق ماتەريالدارى ءۇرىمجىنى اينالىپ وتپەي - اق جياڭجۇنمياۋ - نوم تەمىر جولىمەن شينجياڭنان تىكە شىعارىلادى. سونىمەن بىرگە، جياڭجۇنمياۋ - نوم تەمىر جولى تاعى بەيجيڭ - تيانجين - حىبەي − باتىس سولتۇستىك ارناسىنىڭ ماڭىزدى قۇرامداس بولىگى. ۋاڭ شينشۋان بىلاي دەدى: حۇڭليۋحى - نوم تەمىر جولى مەن لينحى - قۇمىل تەمىر جولى بايلانىس جەلىسىن قۇرىپ تۇتاسقاننان كەيىن، سولتۇستىك شينجياڭنىڭ زاتتىق ماتەريالدارى ىشكى موڭعۇل ارقىلى حۋابەي وڭىرىنە جىلدام جەتە الادى.
”جياڭجۇنمياۋ - نوم تەمىر جولى تۇتاسقاننان كەيىن، ەلىمىزدىڭ باتىس وڭتۇستىك وڭىرىمەن جالعاسادى“، - دەدى ۋاڭ شينشۋان. دۇنحۋاڭنان گولمۋتقا دەيىنگى تەمىر جول بىلتىر تۇتاس جەلى بويىنشا تۇتاسىپ ىسكە قوسىلدى، جياڭجۇنمياۋ - نوم تەمىر جولى حۇڭليۋحى - نوم تەمىر جولى ارقىلى لانجوۋ - شينجياڭ تەمىر جولىنان ءوتىپ، دۇنحۋاڭ - گولمۋت تەمىر جولىنا كىرەدى. بۇعان «ورتا، ۇزاق مەرزىمدىك تەمىر جول تورى جوباسىندا» ورتاعا قويىلعان گولمۋتتان چىڭدۋعا دەيىنگى تەمىر جولدى قوسقاندا الداعى جەردە جياڭجۇنمياۋ - نوم تەمىر جولىنىڭ قامتۋ اۋماعى ەلىمىزدىڭ باتىس وڭتۇستىك وڭىرىنە دەيىن كەڭەيەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
