ىلە وبلىستىق فوتوگرافتار قوعامى:
شينجياڭدا ”زورلىقپەن ەڭبەككە سالۋ“ مۇلدە بولعان ەمەس
2021.04.16 16:22 كەلۋ قاينارى : شينجياڭ گازەتى
جۋىقتا كەيبىر باتىس جاقتىڭ ساياسي الاياقتارى سىلدىر ءسوزدى سۋداي ساپىرىپ، شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ساقتالىپ وتىر دەگەندى جەلەۋ ەتىپ، شىلعي وتىرىكتى ويدان قۇراستىرىپ، قارا قولدارىن شينجياڭنىڭ كىرشىكسىز اپپاق ماقتاسىنا سوزدى؛ ءىشىنارا شەتەل كاسىپورىندارى اق پەن قارانى شاتاستىرىپ، شينجياڭ ماقتاسىن جانە ودان جاسالعان ونىمدەردى شەكتەيمىز دەپ داۋرىقتى. بۇل بۇكىلدەي قاساقانا ارانداتۋشىلىق، شينجياڭنىڭ دامۋىنا اشىقتان - اشىق كەسە - كولدەنەڭ بولعاندىق. ىلە قازاق اۆتونوميالى وبلىستىق فوتوگرافتار قوعامى ءارقانداي ۇيىمنىڭ، ءارقانداي ادامنىڭ شينجياڭعا كۇيە جاعۋىنا جول بەرمەيدى.
ىلە وبلىستىق فوتوگرافتار قوعامىندا 100دەن استام مۇشە بار، تالاي جىلدان بەرى قوعام مۇشەلەرى ۇنەمى ىلەنىڭ، ءتىپتى بۇكىل شينجياڭنىڭ جەر - جەرىنە ىشكەرىلەي بارىپ، نەگىزگى ساتىداعى بۇقارانىڭ ءوندىرىسىن، تۇرمىسىن سۋرەتكە ءتۇسىردى، مۇنىڭ ىشىندە ەڭ جاقسى كورىپ سۋرەتكە تۇسىرگەندەرى سول ءار ءتۇرلى اۋىل شارۋاشىلىق داقىلدارىنان مول ءونىم الىنعان كورىنىستەر بولدى. سۋرەتكە ءتۇسىرۋ بارىسىندا، ءبىز ىلەدەگى ءار ۇلت حالقىنىڭ باقىتتى تۇرمىسىنا كۋا بولدىق.
ىلەنىڭ ماقتا ەگەتىن جەر كولەمى شاعىن، كەيبىر فوتوگرافتار كورشىلەس ايماق، وبلىستارعا، ءتىپتى وڭتۇستىك شينجياڭ وڭىرىنە بارىپ ماقتادان مول ءونىم العان كورىنىستەردى سۋرەتكە ءتۇسىردى. وتكەن بىرنەشە جىلدا ءبىز كوپتەگەن ماقتا تەرۋشى بۇقارامەن جۇزدەسكەنبىز، ءار ۇلتتان بار، كەيبىرەۋى ىشكى وڭىرلەردەن كەلگەن، كەيبىرەۋى جەرگىلىكتى ورىننان كەلگەندەر ەدى. ماقتا تەرۋدە جالپى العاندا ەكى ءتۇرلى جاعداي بولادى: ءبىرى، ماقتا تەرۋدەن كىرىس مول، كوبىرەك اقشا تابامىن دەيدى ەكەنسىڭ، قاي جەردە ماقتا كوپ بولسا، سول جەرگە باراسىڭ؛ ەندى ءبىرى، جەرگىلىكتى ورىنداعى ادامدار وزدەرىنىڭ ماقتا اتىزىنداعى ماقتاسىن تەرەدى، انا ءۇيدىڭ ماقتاسىن تەرىپ بولعان سوڭ، مىنا ءۇيدىڭ ماقتاسىن تەرىسىپ، ءبىر - بىرىنە كومەكتەسەدى؛ سوندىقتان ماقتا تەرۋ دەگەننىڭ ءوزى كوڭىلدى جۇمىس، ”زورلىقتىڭ“ تۇك تە كەرەگى جوق!
شينجياڭدا كەيبىر اۋىل شارۋاشىلىق داقىلدارىن جيناۋ مەزگىلىندە تۇگەلدەي كومەكشى جالدايدى، ۋاقىتى قىسقا بولعاندا بىرنەشە كۇن قاجەت، ماقتا تەرۋ مەزگىلى ءبىرشاما ۇزاق، ءونىم جيناۋدىڭ قاۋىرت مەزگىلىندە ەگىمشى وتباسىلارى كومەككە ادام جالداپ الادى، قولى بوس ادامدار جۇمىس ىستەپ اقشا تابادى، بۇل توتەنشە قالىپتى ءىس. بۇقارانىڭ ءوز قالاۋىمەن ماقتا تەرىپ كىرىستەرىن ارتتىرۋى ايتىلمىس ”زورلىقپەن ەڭبەككە سالۋمەن“ تيتتەي دە قاتىسى جوق.
امەريكاداعى، باتىستاعى جۇڭگوعا قارسى كۇشتەردىڭ قۇراستىرعان شىلعي وتىرىگىنە قاراتا، ءبىزدىڭ ىلە وبلىستىق فوتوگرافتار قوعامى شىندىق ارقىلى دۇنيە جۇزىنە بىلاي دەپ جار سالادى: شينجياڭدا ”زورلىقپەن ەڭبەككە سالۋ“ مۇلدە بولعان ەمەس.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
